BIBLIOTECA XOÁN FARIAS A biblioteca do CEIP de PAZOS

ÁLBUMES PARA O NIÑO

2012-01-27T22:45:00.005+01:00

101 libros de toda Galicia viaxan para EL Nido del Bubisher. O pasado decembro xurdiu unha marabillosa idea en torno á recén creada biblioteca de Smara. A nosa compañeira Maribel, da biblio de Os Casais, pensou que se cada biblio puidese enviar un libro, un álbum ilustrado, a "ese niño" sería unha forma doada de axudar a que esa biblioteca vaia medrando. E xa se sabe que cando máis cabezas se poñen a pensar, máis ideas xurden; así que Loly, de O Segrel do Penedo, botou a súa man e entre as dúas liaron unha boa... Un simple comentario no foro do PLAMBE e voilà: 101 bibliotecas pensaron que a idea era SÚ-PER-MA-RA-BI-LLO-SA.
Así se resume máis ou menos, non? Confeccionouse unha lista cuns títulos seleccionados e cada quen foi escollendo o seu. Cada zona encargouse de xuntar e enviar os lotes a unha colaboradora que partiría directamente para Smara. Parece sinxelo, pero cómpre agradecer as ideas, o traballo extra e o "encaixe de bolillos" para facer que todo cadrase a Maribel e a Loly. E a Gabriela por mediar co CFR para que eses libros viaxasen de xeito tan "cómodo". E ás 101 biblios por converter unha "pequena idea" nunha "tan grande realidade". (Perdón polo de "pequena")
Nós escollemos "El misterio de Julia", e esta é a dedicatoria que lles enviamos. A que quedou chuli?
"El misterio de Julia" é un fermoso conto de Pintar-Pintar Editorial, escrito por Ángela Sánchez Vallina, ilustrado por Blanca BK. O mundo de Julia vese rapidamente transformado, e axiña comprende que algo non vai ben, ao igual que os seus pais que acuden a unha especialista porque Julia non oe ben... Recomendámosvos a súa lectura!
Atopamos esta presentación aquí:

Open publication - Free publishing

CONOCERNOS PARA QUERERNOS

2011-12-20T22:16:00.006+01:00

Dentro do proxecto "CONOCERNOS PARA QUERERNOS", que están a realizar os nenos e nenas de 6º, publicamos o libriño que elaboraron como presentación para os outros nenos e nenas de edades similares que nos esperan en Smara. Este é o resultado que queremos compartir con vós. O orixinal vai de camiño e esperamos que moi axiña chegue ao seu destino.

Open publication - Free publishing - More smara

Ás veces é complicado concretar unha idea. Cando nun proxecto coma este interveñen varias bibliotecas, pode complicarse aínda máis. "Conocernos para querernos" naceu o curso pasado; a finais do curso pasado, como idea fermosa e perigosamente contaxiosa da mans das compañeiras da biblioteca do Peraliño (CEIP Isaac Peral). A xuntanza posterior con Gonzalo Moure acabou por derribar os muros que podían quedar. É unha tentación, despois de coñecer a realidade do Bubisher e de El Nido del Bubisher, non participar enviando a nosa minúscula aportación. O que acabades de ver nesta presentación é simplemente iso: un primeiro contacto. Despois virán outros pequenos traballos que vos iremos amosando.
Ás veces é complicado concretar unha idea, pero creo que o conseguiremos...

FOMENTO DA LECTURA

2011-12-15T00:52:00.003+01:00

¿QUE VOS PARECE ISTO...?
DISFRUTÁDEO

10 de Decembro: Día dos DDHH

2011-12-10T00:30:00.006+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

BIBLIOTECA EN SMARA. ¡POR FIN: "EL NIDO"!

2011-11-23T20:08:00.008+01:00

OS SOÑOS TAMÉN SE INAUGURAN

Neste mesmo mes, adiantabamos en "Cadernos de 5º e 6º" o noso compromiso co Proxecto "Coñecernos para querernos". Un fermoso proxecto no que moitos nenos, nenas, e mozos e mozas, da man das Bibliotecas de ensino público de Ferrolterra, traballarán para intercambiar con outros nenos das mesmas idades, nos campamentos de refuxiados do Sahara, experiencias e vivencias. Tentaremos amosar a nosa realidade falándolles de como é a nosa vida, os nosos costumes, as nosas festas, a nosa paisaxe, a tradición, a música...
Onte recibimos un correo de Gonzalo Moure contándonos que, por fin hoxe, se faría realidade un soño, despois de anos moi duros e de moito esforzo: o NIDO, a Biblioteca pública en Smara.

Untitled from Jaime F. Pola on Vimeo.

Bubisher: un bibliobus para os campamentos de refuxiados saharauis. Xa funcionan dous bibliobuses, e agora, a biblioteca pública. O Bubisher II xa está en Ausserd, o segundo campamento (dos cinco) que queren cubrir.

Neste vídeo podedes ver unha panorámica de Ausserd:

Dende a Biblio Xoán Farias, noraboa de corazón.
Recibide os nosos mellores desexos.
Esperamos que esa BIBLIOTECA medre e se faga forte.

RAPUNZEL chega a CINENSINO: "Enredados"

2011-11-23T13:53:00.005+01:00

Rapunzel, un conto clásico dos Irmáns Grimm, é levado ao cine, unha película de animación, pola Factoría Disney, baixo o título de "Enredados". Hoxe o 2º e o 3º ciclos fomos aos Cines Dúplex e disfrutamos desta vella historia na que Rapunzel, unha moza a punto de cumprir os dezaoito anos, e cunha longa e fermosísima cabeleira de 21 metros de longo que nunca cortou, vive encerrada nunha torre desde que unha malvada meiga a roubara do seu berce cando era unha pequena bebé.
Este é un dos vídeos promocionais da película. Por certo, no seu texto hai dúas faltas de ortografía, ¿anímaste a atopalas?

E aquí, unha versión do conto. Esta vez, o nome de Rapunzel é Melisa:

OS AMORES DE BRUNO

2011-10-27T17:25:00.006+02:00

"Os amores de Bruno" chegou á nosa Biblioteca voando, voando polo ceo chuvioso. Perdón, en realidade creo que chegou en coche. Andaba eu algo despistada.
Hoxe Antón Cortizas deunos unha boa sorpresa facéndonos unha visita ao 3º ciclo, e para colmo non viña só. Viña acompañado de Bruno, Alba, Cobre, Rose, Kome de Dekita Taiyo, Rámal, Océano... Todos eles van a outra escola, "Escola do Arco da vella", pero esta mañá decidiron facer unha escapada con el ata a nosa. Se queredes ver que aconteceu, podedes velo en "Visita sorpresa de Antón Cortizas" no blog "Cadernos de quinto e sexto".

"Na escola de Bruno hai nenas e nenos de todas partes e de moitas cores. Lévanse ben, mais ás veces xorden problemas que cómpre resolver con tino, e mesmo hai quen se namora e precisa axuda. Por iso Bruno decidíu abrir unha oficina para aconsellar, ata que se decatou de que el tamén precisaba consellos..."

Por se tamén vos interesa, ilustrou este libro Mª del Carmen Ferrín Prieto, que ao igual que Antón, tamén naceu en Ferrol.

O OUTONO - Degustamos

2011-10-26T21:44:00.005+02:00

Como cada ano o outono é o protagonista das exposicións de libros, dos froitos e das festas a celebrar. A Biblio énchese de contos fantásticos, de medo; contacontos nos recreos; a Hora de Ler adícase a toda esta temática, etc. Pois hoxe, despois dun tempo xuntando froitos e froitas do outono entre todos e todas, decidimos que xa era hora de pasar á acción, e "meu dito, meu feito". Esta mañá, na hora do recreo, fixemos unha gran degustación de produtos típicos desta época: froitos, froitas e varios doces que algunhas "mamás cociñeiras" nos levaron. Moitas grazas a todos e a todas pola vosa colaboración.

Estas son as fotos. Primeiro veredes a preparación das mesas que fixo o alumnado do 3º ciclo -grazas tamén, claro- ; as fichas coas imaxes e os datos de cada froito ou froita, así como os seus nomes nos distintos idiomas, nunha esquiniña da gran mesa; e despois, como foron chegando o resto dos pequenos para picar un pouquiño de cada cousa: abelás, noces, castañas cocidas, mandarinas, granadas, uvas, mazás, doce de marmelo, doce de mazá, xalea de marmelo, doce de cabaza, doce de noces, ... Non sei se queda algo, pero, o que é nos pratos, non quedou moito, e senón, fixádesvos nas fotos.

Unha experiencia do máis saborosa.
Como para repetir!

PAULA COBO, contacontos no recreo

2011-10-25T21:30:00.002+02:00

"O misterio da pucha vermella" pertence ao libro colectivo do curso pasado, "Os contos do outono" que entre todos os cursos fomos enchendo con historias inventadas nas clases, algunhas en grupo, outras individuais, esta actividade xa ten unha tradición no noso cole e grazas a ela somos quen de pensar, crear, imaxinar moitos contos novos cada ano. Imos facendo unha canteira de escritores, e unhas historias levarán a outras, e a outras, e a outras. Medrarán, quedarán no noso recordo, e seguro que algún dano darán os seus froitos.

Paula Cobo Menéndez agasallounos no recreo de hoxe cunha desas historias. Fixo tres grandes esforzos: o primeiro, preparar o conto, memorizalo...; segundo, ser quen de contarllo a o público, tarefa nada doada; e terceiro, elaborar a man un recordo para cada un dos asistentes á actividade: un pequeno ratiño cunha pucha... ¿vermella?

Moitas grazas, Paula. Estou moi orgullosa de ti. Espero verte algún día polo País dos Libros mercando algunha fermosa historia para compartir con alguén.
Ánimo e cando queiras, invitámoste a que contes outro...s.

CELEBRANDO O DÍA DAS BIBLIOTECAS ESCOLARES

2011-10-24T16:35:00.008+02:00

Tivemos unha mañá moi movida, todo hai que dicilo. As meigas pretenderon colarse polo cableado dos ordenadores e polas ondas do Wi Fi, e case logran vencer, pero as historias son historias alí onde vaian, e sexa como sexa, sempre acaban gañando. E as historias saíron adiante. Vaia que se saíron.

Veredes: a primeira hora o terceiro ciclo subíu á Biblio, como era de esperar en día tan sinalado. E tan cómodos como quixemos tivemos unha primeira sesión de contacontos: "O monstro dos Ancares", de Toño Núñez, conto ilustrado por Xosé Tomás. Logo de loitar co monstro das sete cabezas, cun ollo cada unha, conseguimos derribalo e aló quedou na lagoa bandullo arriba mentres Dominga abría os seus brazos a un humilde pastor capaz da máis temible fazaña. O que non conseguiron moitos, conseguíuno el por amor. Pasamos logo a facer a ilustración do feroz monstro e cando nos demos conta xa era hora de rotar contos...

Tiñamos todo moi requetebén preparado, pero unha vez máis as impresoras uníronse ás meigas e case nos dan o segundo susto da mañá... Fixemos un obradoiro de contos. Para iso dividímonos en dous grandes grupos: algúns nenos de cuarto xunto con quinto por un lado; e polo outro, os nenos e nenas de sexto. consistía no seguinte: Cada neno tiña unha folla en branco na que debía empezar un conto. Despois dun tempo que marcabamos as profes, ese conto rotaba á súa dereita, e o compañeiro ou compañeira que o recibía debía ler o que estaba escrito e continualo. Así sucesivamente ata que os contos chegaban novamente a que os iniciara. Daquela, cadaquén debería darlle remate, poñerlle título e ilustralo.
Puffff!! Cantas ideas todas mesturadas, son os contos do revés... ¿Andará Rodari por aí xunto con Chispa argallando algunha xogada das súas?
Para ler estes contos teredes que esperar unha miaxiña, porque claro, as cousas hai que facelas ben, logo agora toca traballar con eles nas clases e retocar a ortografía e algunha que outra expresión, pero sempre sendo fieis ao que hoxe se escribíu. A iso nin tocarlle!! Queredes ver as fotos? Mirade que caras de concentrados!! Anda que cando os leades...

E por último, tocoulle o turno aos máis pequechos. Para eles preparamos un audiovisual do conto de Pep Bruno: "A casa da miña avoa", ilustrado por Matteo Gubellini. Tivemos a colaboración do público que se encargou de poñerlle voz a Francis, ao fantasma, ao vampiro, ao esqueleto; e incluso ao gato... menos mal porque sen a súa axuda tería sido máis complicado contalo. E tiñan que poñer voz de monstro e souberon facelo e todo!

"-TIIIIIIIIIIIIIIII
-¿Quen eu?
-Si, tiiiiiiiiiiiiiiiiiiiiiii.
-Eu non!"

Ademais contamos con vocabulario vivo: a casa, a torta, o bosque, e máis o gato. A verdade é que todos eles o fixeron moi ben.

ACTIVIDADES PARA O 24 DE OUTUBRO

2011-10-21T16:45:00.003+02:00

Animámosvos a participar das actividades que teremos na Biblioteca o vindeiro luns. Xa está todo preparado e só faltades VÓS!

Xa sabedes: obradoiro de contos para os maiores, audiovisual para os pequenos; e para todos os que queirades, na hora do recreo Paula Cobo anímase a contar un conto de medo...

Si que temos cousas que celebrar. Viva a festa da lectura!

VIVA!

OUTONO NA BIBLIOTECA

2011-10-20T18:34:00.004+02:00

Os contos de medo, de seres fantásticos, de vampiros, de monstros e dragóns, os libros que fixemos nós noutros outonos; todos, todos eles están na Exposición da Biblio dende a semana pasada.
Imos collendo ritmo e xa empezan as primeiras cartas a Chispa, as lecturas de grandes a pequenos, xa empeza o movemento, e é tan agradable...

Uns sombreiros de bruxa están pendurados do noso teito xunto cunha vasoira voadora. Non sabemos se terá relación cos contos de medo e outros máis que estamos a elaborar nas clases.
Xa empezan a desfilar ideas, ilustracións, plantillas, portadas, libros e máis libros buscando lectores e escritores que nos fagan vibrar con máxicas historias.

Esperámosvos na BIBLIO. Esperamos os vosos contos, como cada ano. Ánimo e a ler e a escribir ata poñer os PELOS DE PUNTAAAAAAA!

FINA CASALDERREY e MIGUELANXO PRADO candidatos ao ASTRID LINDGREN

2011-10-20T18:12:00.005+02:00

Facémonos eco das novas que nos achega Xerais: Miguelanxo Prado e Fina Casalderrey son candidatos ao Premio Astrid Lindgren.
Un ano máis desexamos para os nosos autores e autoras moita sorte.

BOLERO DE RAVEL. (Flashmob)

2011-10-18T21:06:00.004+02:00

A FILARMÓNICA de COPENHAGUE ofreceu este concerto na Estación Central.

COMEZAMOS

2011-10-04T21:34:00.006+02:00

Onte fixemos a presentación de Chispa na Biblioteca para os máis peques do cole. Moitos deles xa a coñecen destes cursos pasados, pero como sabiamos que lles había gustar acompañar aos pequechos de 3 anos...
Contamos o conto de Chispa; recordamos como a atopamos dentro dun libro cheíño de po, e como quixo quedar no cole e agasallarnos con libros.
Despois tamén aprendimos, uns; e repasamos, outros, as normas ás que debemos atender para que todo funcione moi requetebén.
¿Queredes ver algunha foto? Vaaaaleeee, aí quedan.

A PENEIRA, Nº 18

2011-06-29T21:53:00.004+02:00

Coma nos últimos cinco anos, facemos entrega virtual do novo número de "A Peneira". Froito do traballos de todos e todas, e tentando non esquecer os momentos máis importantes deste curso que despedimos.
A estas alturas, a revista xa está nas vosas casas, pero desde aquí podedes disfrutar das páxinas e da color que enche de vida cada un deses momentos. "A Peneira" despídese tamén ata o vindeiro 19.
Tedes máis información no blog de ENDL.

"LA MINIATURA" - Conto de Irene Fraguela

2011-06-24T16:01:00.007+02:00

¡Ai! ¡Estou emocionada! ¡Ai!

¿Sabedes que? Acaba de chegarme este conto. Resulta que a vosa compañeira Irene, que vén de rematar infantil de 5 anos, xa empezou a escribir contos, na súa LIBRETA-PARA-ESCRIBIR-HISTORIAS. E claro, tan pronto apareceu este na Biblioteca, pensaron en enviarmo para publicar. É unha fermosa historia de amor entre dous singulares personaxes. Cando o leades, darédesvos conta de porqué digo isto. ¡HAAA, HAA! ¡Encántame!
Espero que á volta das vacacións aparezan máis contos. Animádevos a escribir no verán, recordade:
"... de aquí e ata que medie setembro, cando non saibades que facer, ...
ESCRIBIDE UN LIBRO"

¡NORABOA IRENE!
¡RE-QUE-TE-RE-CHÍ-FLA-ME!

XOÁN FARIAS. IN MEMORIAM V

2011-06-23T21:37:00.005+02:00

Este é o diálogo entre o protagonista de "Galego. Á beira do mar" e o seu neto. Agora que chega o final de curso facemos memoria e, como cada ano, gústanos darlle forma de libro ás obriñas de teatro que se representaron ao longo do curso na nosa Biblioteca. Este diálogo pertence a ese libro.

CAMIÑANDO POR DONIÑOS

2011-06-23T00:46:00.005+02:00

¿Queredes ver un vídeo que nos envían desde pequesPazos. Acaba de saír do forno, vén quentiño, quentiño. Está feito con sorrisos de mel, xeados de tenrura e doces apertas de caramelo. ¡Mmmmmm! Que vídeo máis rico. Grazas, profe Rosa; e grazas, "peques".
Ademais, vouvos contar un segredo, algunhas escenas están gravadas por eses grandullóns que van pasar dentro de dous meses a primaria. ¿A que xa son todos uns especialistas?
Que o disfrutedes.

FIN DE CURSO

2011-06-22T17:38:00.014+02:00

Onte celebramos o FESTIVAL e hoxe a DESPEDIDA DO CURSO, con sendeirismo e maleta de Chispa. Casualmente, por algún que outro problemiña, só temos fotos da saída de hoxe, pero contámosvos todo o que fixemos.

Este foi o programa da festa de onte. Houbo algo de música, algo de teatro, algo de poesía, audiovisuais, un recordo para os momentos importantes do curso e outro para Xoán Farias; a entrega de orlas para os que se nos marchan para o instituto... En fin, un mar de acontecementos.
Hoxe tocou unha marcha por Doniños; alí despedímonos do curso, dos compañeiros e compañeiras ata o ano que vén, pero tamén houbo algunha que outra bágoa polos amigos que cambian de centro.
Ao regreso, aos dous minutos de chegar, empezou a soar por todos os corredores do cole unha música... A MÚSICA DE CHISPA!! E alí estaba a maleta. Coma sempre cun montón de libros, coa agarimosa carta que adoita escribir, coas recomendacións de lectura para o verán e cunhas fermosas libretiñas... ¡Ai! ¡Que fermosas libretiñas! Non sei de onde sacaría a idea, non sei como se lle ocurriría, pero a verdade é que alí estaban. Non nos terían feito tanta ilusión se non fose porque levaban unha sorpresa encerrada: son

LIBRETAS-PARA-ESCRIBIR-HISTORIAS. ¿Vós recordades que "hai anos, moitos, case tantos coma os que levo ao lombo, un mestre de escola díxome, díxonos:
Agora, e ata que medie setembro, cando non saibades que facer, escribide un libro."? ("Desde o corazón da mazá") ¿A que si que nos soan estas palabras? ¿Cantas veces a recordaremos? Este verán guiados da man de Xoán Farias, ao mellor algúns nenos e nenas, ou profes tamén, ou mamis e papis se animen a contar algo nas LIBRETAS-PARA-ESCRIBIR-HISTORIAS. Se así é, desde a nosa Biblioteca estaremos desexando escoitalas.

Esta é a portada das todas as libretas. ¿Que vos parecen?

Agora, deixámosvos cunha longa reportaxe da saída de hoxe a Doniños.

XOÁN FARIAS. IN MEMORIAM IV

2011-06-14T18:32:00.000+02:00

Este é o recordo que entregamos ás familias.

JUAN FARIAS. IN MEMORIAM III

2011-06-13T21:24:00.006+02:00

Hai dúas semanas escasas colgabamos esta silueta no corredor:
"Espero que visiten moito a Biblioteca, alí estarei eu facéndolles compañía".

Hoxe un minuto de silencio encheu a súa Biblioteca.
Hoxe os seus libros encheron a HORA DE LER e a mañá.
Tamén os comentarios sinxelos e sentidos.

Ao longo do día fomos mergullándonos nas páxinas que atopamos sobre el...
Xornal.com. Morre Juan Farias
Ilustradores Aragoneses
Abueliki. Juan Farias nos ha dejado.
Pizca de papel. "Adios a un escritor: Juan Farias"
Nos deja el escritor Juan Farias. iMagOraMa.
Alfredo Gómez Cerdá. Falso Diario. Juan Farias.
Biblioteca Virtual Miguel de Cervantes. Fallece Juan Farias, renovador de la literatura infantil y juvenil.
El Correo Gallego
Muchacha de sal. Adios a Juan Farias, la gran voz de la literatura infantil.
D arabuc
Juan Farias imprescindible. En "Por los caminos de la tierra oral". Blog de Pep Bruno.
Gonzalo Moure Trenor: "En la nueva vida de Juan Farias"

JUAN FARIAS. IN MEMORIAM II

2011-06-12T18:45:00.011+02:00

" Hai anos, moitos, case tantos coma os que levo ao lombo, un mestre de escola díxome, díxonos:
-Agora, e ata que medie setembro, cando non saibades que facer, escribide un libro.
-De que clase? -pregunteille.
El sorriu:
-De piratas malaios ou de ananos xigantescos. E mirando cara a Petunia (hoxe a piques de ser avoa), dixo:
-De como serán os cinco fillos que queres ter e de que coliflor sairá o mozo que ha de enamorarte.
Virouse cara a Carlos (hoxe xa descansa en paz) e suxeriu:
-A historia dun home que inventa calquera chistófano, algo que aínda non o hai, pero do que despois ninguén poderá prescindir.
Puxo o sombreiro, colleu o bastón, deulle unha estocada ao aire e dixo:
-Tamén podería ser sobre o que se move ao voso arredor: as persoas, os trasnos, o vento, etc., etc., etc...
Saudou e marchou de vacacións."
"Desde o corazón da mazá"

O Segrel do Penedo
*Xabier P. DoCampo na homenaxe a Xoán Farias no Día do LIX. Radio Barullo*
Voces de las dos orillas
Conquistador de jóvenes
Juan Farias, adios a un maestro de la literatura infantil
Blog Literatura Infantil y Juvenil actual
El cocodrilo azul
Público.es
Oretania
La Voz de Galicia

JUAN FARIAS. IN MEMORIAM

2011-06-11T12:00:00.010+02:00

Hoxe despedimos tristemente ao noso Xoán Farias. Permanecerá para sempre no corazón da Biblioteca, do Centro e da nosa Comunidade Educativa guiando e vendo medrar aos lectores e lectoras do futuro.
A Biblioteca seguirá co compromiso de difundir a súa obra entre os nosos pequenos, e ás novas xeracións.
O noso agarimo para Lourdes, a súa familia e todos os que senten a súa perda.

DÍA INTERNACIONAL DO MEDIO AMBIENTE

2011-06-05T00:17:00.003+02:00

Pois iso, FELIZ DÍA DO MEDIO AMBIENTE! Ser responsables é cousa de todos e todas, e nós cada curso tratamos de educarnos no respecto á natureza que nos rodea sabendo que temos sobre nós unha débeda coa Terra. Agora tócanos coidala e preocuparnos por ela.

Máis sobre este día...

SALVANDO LIBROS no Diario de Ferrol II

2011-06-02T22:52:00.004+02:00

Esta é a noticia, xa que o enlace parece non ir.
Fonte: Diario de Ferrol, 2 de xuño de 2011

El espíritu de "Fahrenheit 451" reaparece con los "niños-libro" del CEIP de Pazos

Montag es un bombero pero, en la sociedad en la que vive, los bomberos tienen como misión quemar todos los libros ya que, según el gobierno, leer impide ser felices porque llena de angustia; al leer, los hombres quieren ser diferentes cuando deben ser iguales. Nuestro protagonista poco a poco irá teniendo dudas sobre esta tarea que le ha sido encomendada y terminará rebelándose contra las imposiciones de sus superiores. Esta es la premisa de la novela “Fahrenheit 451”, cuyo visionario –el texto se publicó en el año 1953– y pesimista autor, Ray Bradbury, dejaba sin embargo una puerta abierta a la esperanza en este mundo apocalíptico al crear a los llamados “hombres (y mujeres) libro”, personas que memorizarían y repetirían los textos de los clásicos a todos aquellos que quieran escucharlos para impedir así su desaparición.
Sin tanto dramatismo, pero con la misma intención final que el escritor, reivindicar el extraordinario poder formador de la lectura, casi un centenar de centros de Educación Infantil, Primaria y Secundaria de toda Galicia iniciaron este año el proyecto “Salvar un libro”, mediante el cual los escolares elegían una obra y memorizaban una parte, ayudando así a conservar para siempre el texto elegido. Entre los colegios participantes está el CEIP de Pazos, cuyos estudiantes se implicaron con total determinación en el proyecto, seleccionando sus propias obras a salvar. Así, en el centro ferrolano, los alumnos de Primaria leyeron y memorizaron fragmentos de “Quen me quere adoptar”, de Fina Casalderrey, mientras que sus compañeros de Infantil optaron por la obra de Antón Losada “Sopla por este furadiño”. (Nota de Chispa: "Sopra neste furadiño", de Antón Cortizas)
Pero como el proyecto es conjunto, la iniciativa no estaría completa sin la visión global de lo alcanzado y ello ha llevado a que se complete con una muestra en la que cada centro de estos tramos educativos de toda Galicia aporta aquellos libros objeto de su particular acto de salvación y que todavía podrá verse en el Pazos hasta que concluya el curso escolar.
Carteles con los títulos de las obras, otros representando distintos aspectos de la literatura en general y mensajes personales de los alumnos, así como ejemplares físicos de los textos están allí a disposición de los estudiantes y sus familias para recordar a todos lo importante y fácil de defender esta tan básica forma de cultura con el simple gesto de pasar una página.

SALVANDO LIBROS no Diario de Ferrol - CEIP de Pazos

2011-06-02T20:41:00.010+02:00

¿Recordades esta imaxe? Hai uns día falabamos do bonito proxecto no que moitas bibliotecas nos embarcamos. Hoxe lemos isto:

El espíritu de "Fahrenheit 451" reaparece con los "niños-libro" del CEIP de Pazos.
Así aparece no Diario de Ferrol como cabeceira da noticia. Premede e poderedes lela completa e ver a foto que publican.

Desde aquí queremos correxir dous datos equivocados na prensa : (
O libro que salva o ciclo de infantil titúlase: "Sopra neste furadiño" e o seu autor e o noso amigo e compañeiro Antón Cortizas Amado.
Vai para el un bico polo vento.

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-01T12:33:00.002+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos Equipos das Bibliotecas Escolares integradas no Plan de Mellora de Bibliotecas Escolares - PLAMBE -

SALVANDO LIBROS: "¿Quen me quere adoptar?"

2011-05-20T15:47:00.006+02:00

Fina Casalderrey é unha das nosas autoras favoritas. No ano 2006 estivo nominada aos premios "White Ravens 2006" da Biblioteca Internacional da Xuventude de Munich por ¿Quen me quere adoptar? E ese é precisamente o libro que nós salvamos. O pasado día 10 contámolo no recreo para os que o quixeron escoitar; sobre todo os máis pequenos. Hoxe tivemos unha sesión especial para o segundo e o terceiro ciclos, e o vindeiro martes tocaralles aos nenos e nenas do primeiro.
Salvamos o libro porque a Manuel tamén lle gusta SALVAR LIBROS coma a nós; e pola súa tenrura e humanidade.
E recordade que temos o compromiso de memorizar estes pequenos fragmentos:

Esta é a exposición que enche a parede de entrada ao noso colexio. Así todo o mundo ten acceso e pode ler os libros salvados polas 96 BIBLIOTECAS dos coles e institutos que quixeron participar nesta fermosa actividade.
Para que vos fagades unha idea, podedes ver estas fotos nas que a profe Feli fai o percorrido por todos estes libros cos seus alumnos e alumnas. Aínda falta algún por expoñer pero pareceunos unha boa idea xuntar os diversos exemplares aos carteis que os nomean. ¿Que tal? ¿Non é unha actividade marabillosa?

DOUS GAÑADORES: "En Galego sen Filtro. POESÍA E IMAXE 2011"

2011-05-18T23:26:00.006+02:00

Como cada ano, temos o pracer de anunciar aos dous gañadores do noso cole: Dan Rivas Núñez e Leandra Luísa do Rego Martínez.

Noraboa aos dous polos vosos fermosos debuxos!

Seguide traballando así de ben e mellorando cada día. Para nós é un orgullo poder dar noticias coma esta. Recibide o noso agarimo e animádevos a seguir participando e colaborando con tanta ilusión.

Tedes toda a información no blog do Equipo de Dinamización Lingüística do CEIP de Pazos.

Carmen Martín segue pintando

2011-05-17T21:02:00.004+02:00

Recordades a nosa sesión de PINTURA EN ACCIÓN? Pois Carmen Martín segue a pintar. Agora está en Málaga, pero iso non é problema para seguir enchendo de vida as paredes dunha biblioteca, a do CEIP Lex Flavia Malacitana. Aquí vos deixamos o enlace para que sigades moi de perto a súa magnífica obra.

FELICIDADES, CARMEN! Encántanos.

LETRAS GALEGAS 2011. Salvando libros

2011-05-17T19:44:00.003+02:00

Grazas a Charo por facernos máis e máis doado o traballo, sempre. Desde o seu blog MESTURAS de todo un pouco... recibimos:

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Open publication - Free publishing - More biblioteca

Esta é a escolma de libros que representan aos centros de Educación Primaria

Open publication - Free publishing - More biblioteca

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

Open publication - Free publishing - More carteles

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

Contacontos: "O OSO ENFADOSO"

2011-05-15T20:11:00.006+02:00

Cartel anunciador da autoría de Marta Martínez Menéndez

O pasado venres día 13, a profe Feli, xunto cos seus alumnos e alumnas de 4º, contou este sinxelo conto musical de autor descoñecido. Os seus personaxes ( Oso, Princesa, Príncipe e Paxaro ) estaban representados por marionetas e instrumentos de pequena percusión.

O Oso pretendía ser o dono dun territorio que tamén correspondía a outros e actuaba de forma agresiva; pero foi capaz de entender, a través do diálogo, que compartir beneficia a todos.

A continuación tedes as imaxes desta memorable actuación. Non tedes máis que mirar as caras dos pequenos. E as pequenas tamén.

Contacontos: "¿QUEN ME QUERE ADOPTAR?"

2011-05-10T20:14:00.004+02:00

Onte, a profe Rosana, contounos "¿Quen me quere adoptar?", de Fina Casalderrey. Non foi casualidade; este é o libro que o noso cole, en primaria, escolleu para SALVAR. É un fermoso libro que supoño que moitos de vós, os bos e boas lectores e lectoras, coñeceredes.
Manuel é un mestre retirado que está só e busca unha familia que o queira adoptar. Igual cá nós, a Manuel gústalle ler, abrir os libros e acariñar as súas páxinas...

A Manuel gustáballe merendar con zume de laranxa, xamón, un vaso de leite e un libro.

¡O libro non o comía! Pero case…

(…)

Cando Manuel abría un libro

convertíao en bolboreta.

Pasaba as follas e agarimaba as súas cores.

(…)

Moitas tardes, Al, Ada, Ainoa e Manuel merendan con zume de laranxa, xamón, un vaso de leite e un libro.

¡O libro non o comen! Pero case…

CONTACONTOS: "Roc aprende a leer"

2011-05-03T23:33:00.008+02:00

Para o recreo de hoxe, a profe Pilar escolleu este libro: "Roc aprende a leer", escrito e ilustrado por Tad Hills. Cóntanos a historia dun pequeno paxariño que ensina a Roc, un canciño, a ler. Aínda que ao principio a Roc lle parece un pouco complicado, practica e practica cada unha das letras ata que por fin descubre o emocionante que é poder L E R!

CONTACONTOS: "O carameliño sen cor e sen sabor"

2011-04-15T18:30:00.004+02:00

Mª Carmen contounos no recreo un conto sobre a amizade e o compañeirismo. "Un carameliño sen cor e sen sabor. Esta historia conta a tristeza dun pequeno caramelo que consigue coa axuda dos seus amigos a cor e o sabor que lle faltaban, e aínda moito máis.

"Su apellido es poco común por estas latitudes, Pittaluga, pero en poco más de un mes es la segunda vez que lo escribo en esta crónica. La primera fue con motivo de las fiestas del Pilar del Ventorrillo cuando los hermanos Camila y Emilio Pérez Pittaluga fueron elegidos Reyes de los festejos del barrio. «Son mis hijos», apunta sonriente Adelaida Pittaluga , una venezolana afincada en A Coruña que acaba de presentar su primer libro infantil que, precisamente, recoge uno de los cuentos que relataba a Camila y Emilio cuando eran pequeños. «Es el primero que me publican, en concreto la editorial Nova Galicia de Vigo, pero tengo otros muchos de cuando mis hijos eran parvulitos», comenta la autora, licenciada en Literatura y que es actriz y profesora de teatro en el colegio María Barbeito y en el Rafael Dieste. El libro lleva por título El caramelito sin color y sin sabor y «es un texto que profundiza en valores como la amistad, la integración y la empatía de una forma divertida», explica Adelaida, que presentó su primer en la asociación de vecinos de su barrio. «Soy coruñesa y del Ventorrillo de corazón, Nos sentimos muy a gusto aquí», asegura esta mujer de apellido Pittaluga." Fonte: La Voz de Galicia Así foi o contacontos, con sorpresa final...

AVÓS NA BIBLIO: Isidro Fraguela

2011-04-06T16:39:00.005+02:00

Para commemorar o 2 de abril, entre outras actividades que poidestes ver estes días, invitamos aos avós e avoas a vir á nosa biblio para contarnos cousas sobre a súa vida. Nós, no colexio traballamos o libro de Xoán Farias, "Galego. Á beira do mar", onde a relación entre o Rapaciño e o Pencas (Avó e neto) xoga un papel importante. A partir de aquí quixemos abrir as portas para que as avoas e os avós puidesen ser os protagonistas doutras historias de verdade. As súas propias.
Seguro que nas casas escoitamos moitos relatos dos nosos maiores, de cando eran pequenos, de como xogaban, en que pasaban o tempo, como facían para poder estudar, que comodidades tiñan. Uns máis, outros menos. Isidro aceptou a nosa invitación e preparou unha presentación de imaxes que serviron para completar canto contou. Falounos da súa orixe humilde e de canto tivo que esforzarse para chegar a onde chegou. Transmitíunos a todos e todas, pequenos e grandes tamén, que na vida hai que loitar polo que un cre e hai que esforzarse moitísimo para conseguir aquilo que quere. O de Isidro é un exemplo real e estamos moi agradecidos por querer compartir con nós unha parte importante das súas vivencias.

¡GRAZAS E ATA CANDO QUEIRAS VOLVER!

2 DE ABRIL CON XOÁN FARIAS

2011-04-02T00:01:00.000+02:00

Noraboa a todos os nenos e nenas, mozos e mozas
que participaron e encheron de vida os libros
de Xoán Farias.

CONTACONTOS: LA PEQUEÑA LECHUZA

2011-03-29T17:19:00.000+02:00

A profe Cris contounos "La pequeña lechuza", de Caroline Pitcher, ilustrado por Tina Macnaughton.
"La pequeña lechuza" conta a historia dunha pequena curuxa, a máis pequena dos seus irmáns, unha preciosa bóla branca que ... non é quen de voar.
Coa profe Cris e este conto aprendimos un pouco máis sobre o importante que é esforzarse por conseguir as cousas. ¿A que si?
Deixámosvos as fotos para que disfrutedes con algunha das fermosas imaxes deste libro.

¿Queredes ver este vídeo que atopamos sobre as curuxas? Tomiillo1

CELEBRAMOS O DÍA DA POESÍA E O TEATRO

2011-03-27T21:35:00.005+02:00

Levamos unha semana con intercambio de poesías. Este é o terceiro curso en que decidimos agasallarmonos con poemas. ¿Recordades? "¿HAI VERSOS PARA MIN?" Claro que si! Todos os días visitamos a biblio para ver se alguén nos deixou algún verso de agasallo; ou, se cadra, a deixar algún sen que nos vexa demasiada xente... SORPRESAAA!!! Os libros de poesía da nosa Biblioteca non pararon de pasear dos andeis ou da exposición ás clases, ás casas, outra vez á biblio... - Pois déixame ese libro, anda, que teño que copiar un poema para enviarlle a... - A min encantoume o de... - Profe, profe! Que tes versos na biblio... - Hala!! Que non tes versos? Mmmm! Xa verás como mañá si. Algúns ímolos colocándoos na parede para compartilos cos demais. Pero este venres celebramos o día. Houbo tempo para poemas e para unha pequena escenificación tamén. Noraboa a todos e a todas pola vosa participación, polo voso traballo e entusiasmo.

QUE VIVAN A POESÍA E O TEATRO!!

Se queredes ver un fermoso video, premede en pequesPazos.

CONTACONTOS: Iago novamente na nosa Biblioteca

2011-03-17T20:33:00.002+01:00

Coma nestes últimos anos, recibimos a visita de Iago, da Editorial Xerais, co seu "cubo máxico" de onde sempre sae unha historia disposta a atraparnos. Escoitamos e respondimos, falamos moooooi alto e tamén susurramos, tan, tan, tan baixo que case non se oía nada. Nada, nada, nada... Shhhhhhhhhhh!

A adaptación de "O SOLDADIÑO DE CHUMBO" en curtametraxe animada

2011-03-17T17:10:00.009+01:00

Desde o blog de Normalización Lingüística do noso cole chéganos esta nova: a directora Peque Varela e a produtora Chelo Loureiro optan ao recoñecido Premio Mestre Mateo pola curtametraxe animada de "O soldadiño de chumbo", adaptación da obra orixinal de Hans Christian Andersen, a cargo de Virginia Curiá e Tomás Conde. Conta cunha fermosísima banda sonora de Emilio Aragón.
Ver máis en Pasión por el cine.es e Festival de cans
E buscando, buscando atopamos esta parte doutra curtametraxe de Peque Varela: "1977". Convidámosvos a vela.

CONTACONTOS NO RECREO: "BAJAR LA LUNA DEL CIELO"

2011-03-14T18:42:00.000+01:00

Mmmm!, xa sei que me retrasei un pouco en dar a esta nova, pero hai quen di que nunca é tarde... "Bajar la luna del cielo", outro conto dos que escoitamos estes días pasados. Esta vez foi o profe Pepe quen nolo contou no recreo do día 1. Xa andabamos preparando o Entroido por iso podedes vernos con algúns colares e flores; eran os mandados do Meco.
Está escrito por Jonathan-Emmett e ilustrado por Vanessa Cabban. O señor Topo tenta baixar a lúa do ceo, e tenta, e tenta e ¿consígueo? Si, dalgunha maneira si, terá que aceptar quedar co seu reflexo. Que fermoso, non?

Aquí podedes ver o conto.

DÍA INTERNACIONAL DA MULLER TRABALLADORA: "Nosotras creamos mundo"

2011-03-08T23:40:00.003+01:00

Velaquí dous Issu que renden homenaxe a este día: a profe Rosa enviounos un traballo publicado polo MEC.

Open publication - Free publishing - More igualdade

E este é outro que nos ofrece a Biblioteca Milladoiro de Malpica, resultado da súa anterior Webquest e que nos parece interesante amosar. Grazas, Olga unha vez máis.

CHEGOU O ENTROIDO

2011-03-04T20:55:00.002+01:00

Despois desta semana de celebración, chegou o gran día. A idea: recuperar a vella tradición de disfrazarse con cousas vellas ou usadas da casa. Tivemos o desfile de cada clase e incluso chegou a maleta de Chispa. Por último, lemos os testamentos. Aquí volos deixamos:

Este é o testamento de 3º de Primaria

Pois aquí estou outro ano

animándovos a pensar

aí vai o meu testamento

que dará moito que falar.

Vou deixando aos de terceiro

uns agasallos peliqueiros

para que disfruten como artistas

bailes e moitas risas.

Para Ernesto, moi presto

un balón de baloncesto.

Para Joan, moi galán

achégolle un bambán.

A Olaya, que non para,

déixolle a Abella Maya.

A Luis, que é moi pillín,

déixolle un balancín.

Para César rebuldeiro,

achégolle un pandeiro.

E déixolle tamén a Alex,

un almorzo en Panes.

A Aitana, ferrolana,

déixolle unha gran nana.

Para Alberto, sempre esperto,

un caixón e outro cento.

Á profe Lola, que non está sola,

déixolle unha caracola.

E ao resto dos seus profes

que están todo o curso con eles,

déixolles moitos bicos

e así faranse ricos.

VIVA O ENTROIDO 2011!

E aí vai o de 4º

Hoxe, catro de marzo,

festa de Entroido en Pazos,

antes de me queimar,

ídesme escoitar.

Aos de Infantil déixolles

unha campá tin tin.

Para primeiro e segundo

un canciño vagabundo.

A terceiro e cuarto

un cabalo barato.

Déixolles aos de quinto

un coello dando un brinco.

Para os de sexto, que se van,

déixolles mel con pan.

E agora moita atención:

Para Marta pequeniña

unha fermosa casiña.

A Dani, que non traballa

déixolle moita palla.

Para Elisa

unha caixa de pizza.

A Jose xoguetón

un gran balón.

Para Xana traballadora

unha lavadora.

A Rafa moreniño

un bonito libriño.

Para Michelle faladora

unha alfombra voadora.

A Lucía

déixolle a miña fotografía.

E por último para Feli

moitos bicos e unha peli.

VIVA O ENTROIDO!!

E, por último, o do 3º ciclo

Chegou o momento

do meu pasamento.

Vaise o inverno

e chegará o bo tempo.

Aos pequenos de infantil

que tan choromicas son,

déixolles cebola

para que choren mellor.

A este terceiro ciclo

que comendo chicles sempre está,

recoméndolle algo de deporte

que non lle virá nada mal.

Aos profes do colexio

que tan malvados son,

unhas boas vacacións

e un gran quilo de carbón.

E para Xaime, Carme e Aurora

un saquiño de paciencia

e unha dose de resistencia

para aguantarnos a cada hora.

VIVA O ENTROIDO! VIVA

CONTACONTOS: SIETE RATONES CIEGOS

2011-02-25T17:26:00.006+01:00

Este venres, a profe Pilar contounos un conto no recreo: "Siete ratones ciegos", de Ed Young. Editorial Ekaré. Cada un dos ratos que percorren estas páxinas contan unha versión diferente do que están a ver; todos están seguros da súa mais non comprenden que só están vendo unha parte da realidade. Cada unha das pezas xunto coas outras forman o TODO. Teremos que reflexionar porque ás veces nos empeñamos en ter razón na nosa forma de ver as cousas, non si?

Atopamos o conto nun vídeo que fixeron algúns alumnos do CP Poeta Juan Ochoa. ¿Querédelo ver? Así poderemos recordar sempre o que nos contou a profe Pilar.

Ou tamén podedes recordalo vendo esta presentación:

7 Ratones Ciegos

View more presentations from dinamizalectura.

MOITAS GRAZAS, PROFE!

O PlambeFerrolterra de visita polas BIBLIOS

2011-02-20T21:21:00.008+01:00

O pasado xoves estivemos de visita na Biblioteca do IES Fernando Esquío, de Neda, Blogfesquío. E alí tivemos a dúas anfitrionas que nos recibiron e nola amosaron: Mª Gelis e Begoña. Xa é a segunda visita que facemos en grupo e quedou marcada a terceira á Biblio do CEIP O Ramo, en Barallobre.
Encántanos ver "in situ" o que xa imos coñecendo de palabra despois de tantas e tantas reunións desde que nos fomos incorporando ao PLAMBE: como se organizan os espazos, como funcionan as diversas actividades, pequenos e grandes detalles que nos fan medrar ás demais. Tamén os proxectos seguen a medrar, non sen dificultades: a falta de horario fronte á gran oferta de actividades. Pero avanzamos, e mellor en grupo que illadas, non si?
Estas son as imaxes que nos enviou Maribel, Xarela (miau, miau) para os internautas, do CEIP Os Casais. Menuda fotógrafa está feita.

Encantada de ter compartido con vós esas horas.
Nova visita, o 23 de marzo en O Ramo; alí nos veremos.
Se queredes ver máis, coma sempre, súper reportera Loly Lago, de O Segrel do Penedo

CONTACONTOS KALANDRAKA

2011-02-17T16:55:00.003+01:00

Pola mañá houbo na Biblioteca unha sesión de Contacontos para os máis pequenos; Infantil e 1º ciclo de Primaria. Escoitamos moi atentamente os contos da boca de Patri e encantounos a música que os acompañaba. Participamos sentándonos coas pernas coma os indios, abrindo moi ben os ollos e as "orellas" e pechando moito, moito, moito a boca. Vimos o gran ovo do crocodilo que se zampaba todo, namoramos da parella diferente: a xirafa e o crocodilo... ¿Recordades a canción? Era algo así como...

Quérote xirafa,
quero estar contigo,
seremos sempre amigos,
xirafa e crocodilo.

Tamén fixemos un repaso de todos os instrumentos que utilizou o Súper- músico- especial; incluso atrevímonos a tocar unha muiñeira. Pasámolo xenial. Prometeron que volverían pronto, así que ata outra!

"O HUMOR NA ÓPERA"

2011-02-09T15:47:00.001+01:00

Onte fomos ao Teatro Jofre a ver, tal e como tiñamos anunciado, un espectáculo sobre o humor na ópera. Unha selección de catro pezas que se correspondían con outras tantas óperas. Non interpretaron a tan esperada "La flauta mágica", de Mozart, pero si puidemos ver outras tres: "Así hacen todas" de Morzart, "El barbero de Sevilla" de Rossini e "El elixir de amor" de Donizetti.
Na Biblioteca e nas aulas traballamos co libro "ÓPERA". Se non o coñecedes, recomendámovolo. É un fermoso libro na que están recollidas as máis importantes óperas de todos os tempos e os seus autores. Está belamente ilustrado por Ericka Martínes; e os textos son de Juan Arturo Brennan. Editorial Castillo, na súa colección El Armadillo

Tamén podedes disfrutar dun pequeno vídeo da recente representación en Ourense de "El Humor en la Opera" - Camerata Lírica de España. Fonte: tempodelecer

ÓPERA

2011-02-08T00:40:00.001+01:00

Hoxe visitaremos o Teatro Jofre para asistir a un espectáculo sobre o humor na ópera. Para ir facendo boca, podemos ver uns vídeos de dúas das catro óperas.

O barbeiro de Sevilla, de Rossini. Estreada no ano 1816.

A frauta máxica, de Mozart. Estreada no ano 1791. E "Así fan todas".

Tamén veremos O elixir de amor, de Donizetti. Estreada en 1832.

Na Biblio, nos recreos

2011-02-07T23:57:00.000+01:00

CADA COUSA NO SEU SITIO

2011-02-07T17:13:00.004+01:00

Grazas a Olga, da Biblioteca Milladoiro, en Malpica, que nos dá a coñecer esta completísima wiki con ferramentas 2.0 para usar na escola.

Agora, a traballar!

XOGO RESOLTO e CONTACONTOS

2011-01-31T20:23:00.008+01:00

E por fin armamos os puzzles, atopamos os libros, collemos as chaves, abrimos o cofre e... aí estaban as CHAPAS COA POMBA DA PAZ!!

NORABOA a todos e todas pola vosa participación. Para que vexades que aínda sendo moi diferentes podemos funcionar moi ben en equipo, sempre e cando poñamos da nosa parte para logralo, a que si? Así é a sociedade na que vivimos, todos formamos parte do gran grupo e cada quen pode axudar a que día a día sexa mellor.

E como broche final, na hora do recreo, a profe Mª Carmen contounos "A bruxa que comía as palabras bonitas", de Antonio Rodríguez Almodóvar. Despois, entre todos buscamos palabras bonitas, e hai moitas, moitas, moitas; e tamén un final para este conto. Grazas a Mª Carmen por contárnolo; sempre nos gusta escoitar historias, e se estamos na Biblio todos xuntos, mellor.
¿Quen será o próximo en contar un conto no recreo? Mmmmmm, déixame pensar...

PAZ EN PAZos

2011-01-29T22:03:00.004+01:00

Adicamos gran parte da mañá do venres a celebrar o Día da Paz.
A primeira actividade consisitíu na lectura do novo Libro colectivo da Paz, no que traballamos ao longo destes últimos días. Por fin chegou o momento de que todos puidesemos ver o que fixeron os compañeiros e compañeiras dos outros cursos, incluíndo as especialidades, como podedes ver na portada do libro: PAZ EN PAZos.
Despois, como era de esperar, chegou a maleta de Chispa cunha carta, máis libros e as intrucións dunha Caza do Tesouro que tivo lugar despois do recreo e que continuaremos o luns.

E por fin chegou a hora de A CAZA DO TESOURO. Todos os nenos e nenas meturados en dez grupos recorreron cinco postos repartidos polo cole para superar cinco probas, e conseguir cinco pezas dun puzzle, que se correspondía coas portadas de dez libros da PAZ que temos na Biblio. A intriga continúa e ata o luns non saberemos que sorpresa garda o tesouro; para iso aínda deben localizar os libros nos andeis da Biblioteca, coller a chave agochada dentro deles e localizar o cofre. Pffff! Canto camiño queda aínda...

Ata o luns!

PARA TRABALLAR A PAZ

2011-01-26T15:57:00.006+01:00

Dende o CEIP Víctor Sáenz chéganos este recopilatorio de recursos para traballar a PAZ. Grazas a Asún por ofrecernos este amplo abano de posibilidades, máis a todos os coles que comparten o seu traballo.

O HORRIBLE MONSTRO AO QUE LLE GUSTABA LER

2011-01-24T16:55:00.007+01:00

CONTACONTOS no recreo. A profe Rosa agasallounos cunha fermosa historia que traduciu para nós. "O horrible monstro ao que lle encantaba ler", de Lili Chartrand, ilustrado por Rogé .
Estas son as imaxes da sesión de hoxe, e a continuación tedes o inicio do conto para que vos fagades unha idea. A verdade é que pasamos un bo rato vendo como este monstro descubría o que era un libro, e por último, unha paixón descoñecida: o gusto polos contos! E non me refiro á lambetada que lle deu para probalo...
Grazas, profe. Xa sabes canto nos gustan estas historias...

EN PAZ TODO O ANO

2011-01-19T18:43:00.003+01:00

Imos preparando actividades para a celebración do Día da Paz. A través de O recanto de Mik, que incansablemente comparte material a todos os que queiramos aproveitalo, chéganos este LIM, elaborado por Belén Junquera. Seguro que poderemos traballar de marabilla con el nas clases.

MIGUEL HERNÁNDEZ EN LSE

2011-01-19T18:05:00.002+01:00

Dende a CNSE podemos acceder a Miguel Hernández, a súa biografía, a súa obra, en LSE. Amósannos esta páxina, segundo as súas palabras, para fomento da lectura entre as persoas xordas, como unha ferramenta imprescindible para o desenvolvemento intelectual, o enriquecimiento personal, e como pilar fundamental para a aprendizaxe e a adquisición de coñecementos.

COMEZO DO ANO CON ENERXÍA POSITIVA.

2011-01-18T20:27:00.005+01:00

Oportunamente, hoxe unha amiga de Chispa envioulle un fermoso vídeo (autoría: claudiaduek) súper xenial para ver o mundo desde unha perspectiva optimista -grazas ; )
Creo que é unha moi boa idea utilizala como o primeiro que publicamos en xaneiro. ¿Non vos parece?UN SORRISO, POR FAVOR!!

Be happy, de Monica Sheehan

MALETA DE CHISPAAAA!!!

2010-12-22T09:58:00.004+01:00

Acaba de chegar CHISPA!! Acaba de chegar Chispa!!
Soou a música, subimos á nosa Biblio, que xa sabedes que á nosa se sube..., e atopámonos cunha cortina negra que tapaba a entrada. Uffff!! Que susto! Por fin alguén atreveuse a apartala un pouco e... aí estaba a MALETA!
Dentro estaba a carta, uns fermosos marcapáxinas e un montón de libros; os boletíns coas recomendacións e UN PAQUETE! Xa case marchabamos cando un dos nenos de diante recordounos que aínda faltaba algo... Claro!, o paquete! ¿Sabedes que había dentro? Marionetas para contar contos. Pero non unhas marionetas calquera, non; unhas fermosísisisisisisisisimas marionetas de animais; incluída unha granxa.

Fotos, fotos, fotos, fotos...

FESTIVAL DE NADAL

2010-12-21T22:46:00.008+01:00

¿Queredes ver as fotos de festival de hoxe? Acaban de chegar, quentiñas, quentiñas do forno.
Bailes, teatro, panxoliñas, entrega de diplomas e un audiovisual que poderemos ver máis adiante.

Estas son as primeiras fotos... é que fixemos moitas.

E estas, o resto.

FELICES FESTAS!

RECANTO HORA DE LER

2010-12-16T22:20:00.004+01:00

No terceiro ciclo pareceunos unha boa idea acondicionar o recanto de HORA de LER, e queremos que vexades as fotos de como nos quedou. Entre os nenos, nenas e a profe, coa axuda, coma sempre, de Xaime, emplastecemos a parede do vello armario da clase, lixamos a madeira, quitamos as bisagras, pintamos parede e marco; recortamos o nome deste recuncho, pintámolo e, despois de ter todo no seu sitio, este é o resultado. (Seguirán as melloras, pero iso non vai ser agora.)
Desde que empezou esta actividade podemos disfrutar a cotío dos 20 minutos de lectura silenciosa e individual. Estamos a facer un esforzo, porque sabemos que a lectura o require. Esperamos contaxiarnos os uns aos outros e tamén aos que veñen detrás, moi detrás. Entre nós xa hai grandes lectores (non imos dicir nomes, que todos nos coñecemos) pero non perdemos as esperanzas de seguir mellorando. A profe di que cando atopemos O LIBRO..., non vai haber quen nos pare.

Aquí quedan as fotos. Tede paciencia, que antes van as imaxes nas que estamos lendo, que o primeiro segue a ser o primeiro.

CONTACONTOS NO RECREO

2010-12-14T18:25:00.007+01:00

Hoxe a profe Cris contounos "La Navidad". Foi o primeiro dos contacontos programados para os recreos. Creamos un ambiente moi acolledor, e a petición deles mesmos, apagamos as luces e xuntámonos todos arredor dela para disfrutar dun tempo máxico e fermoso.
Grazas, profe Cris por facernos pasar ese bo momento.

Despois fixemos unha parada para ver o tren que circula incansablemente por entre o deserto e os oasis, moi perto do Portal de Belén.

Agora xa temos a entrada ao cole completa. Faltaban as postais coas ilustracións e os textos cargados de bos desexos para o vindeiro 2011, que xa está ás portas.

A BIBLIOTECA DIXITAL

2010-12-13T21:31:00.000+01:00

Esta imaxe lévanos ao noso catálogo da Biblioteca. Podes acceder a el premendo na imaxe, que ademais leva moito tempo instalada na barra lateral deste blog.

Pero ademais, xa hai un tempo, dende a BP Ánxel Casal, de Santiago, chegounos de forma clara unha axuda para acceder a certos recursos electrónicos de pago, dos que podemos gozar por sermos usuarios e usuarias do Programa Meiga (Xestión da Rede de Bibliotecas de Galicia): A BIBLIOTECA DIXITAL. Dicionarios, vídeos, enciclopedias, bases de datos...
Se tes algunha dúbida non teñas problema en poñerte en contacto con algún membro do Equipo da Biblioteca e resolverémoscha. Mentres tanto podes ver este vídeo; seguro que che axudará.

Xa estabamos tardando en publicalo. Grazas Biblioteca Municipal Ánxel Casal

VISITA DO CARTEIRO REAL

2010-12-13T18:11:00.001+01:00

Outro ano máis as ilusións viaxan en papel ata Oriente; ata o Oriente dos Reis Magos. Non vaiades pensar que isto é cousa de pequenos, non. Todos temos algo agochado; ás veces moito. A eles, se cadra, élles máis doado de expresar.

Os máis cativos soñaron cos xoguetes e os libros; os maiores, ademais, fixeron unha reflexión tomándolle a temperatura ao noso planeta e aos seus problemas. Este ano traballamos unha vez máis coa campaña de sensibilización que a ONG Médicos Sin Fronteras leva a cabo este inverno.

Sexa como sexa, os nosos mellores desexos para todas estas nenas e todos estes nenos. Que os Reis Magos lles traian moitos xoguetes e moitos libros para seguiren medrando.

O INFORME PISA 2009 CÉNTRASE NA COMPRENSIÓN LECTORA

2010-12-08T21:39:00.003+01:00

Vimos de coñecer o Informe do Programa Internacional para a Avaliación dos Estudantes o Informe PISA. Lévanos a feflexionar sobre algunha cuestión como é o papel importante e indiscutible da comprensión lectora como competencia que afecta a todas as demais áreas do currículo. PISA non mide coñecementos; PISA mide COMPETENCIAS BÁSICAS.
Nesta competencia España sitúase no nivel 3 (Bo) xunto a países como Alemaña, Francia ou Reino Unido; 20 puntos máis que a última vez que se fixo unha medición, no ano 2006; e Galicia está un pouco por riba desa media, con cinco puntos máis.
Nestas páxinas que tes a continuación poderás ver diferentes lecturas deste informe
Na páxina do Ministerio de Educación
No blog de Dinamización Lingüística do CEIP de Pazos
No blog de ANIMACIÓN Á LECTURA da biblioteca do IES de POIO
No blog Nosotros Competentes para una educación basada en competencias
Informe PISA na Wikipedia

ADEUS A FRANCISCO FERNÁNDEZ DEL RIEGO

2010-11-27T15:19:00.001+01:00

Onte faleceu en Vigo o escritor, intelectual, Don Francisco Fernández del Riego, un dos pais do galeguismo do Século XX. Fundador da Editorial Galaxia, ex-presidente da Real Academia Galega, un dos impulsores da celebración do Día das Letras Galegas, e director da Biblioteca Penzol durante case medio século, ata xaneiro deste ano...
Neira Vilas recorda a súa estreita relación con Fernández del Riego. Intervención na USC
El País, Brétemas, EDL do CEIP de Pazos

Achegándonos a GLORIA FUERTES

2010-11-27T00:01:00.001+01:00

Se queres achegarte aos poemas de Gloria Fuertes e coñecela un pouco mellor, seguro que che gustará visitar a súa páxina na Biblioteca Virtual Miguel de Cervantes.
Naceu no ano 1917, un ano antes do fin da I Guerra Mundial. Despois dunha longa vida adicada á poesía infantil, faleceu o 27 de novembro de 1998, en Madrid.
Hoxe recordamos a súa figura:GLORIA FUERTES

CONTRA A VIOLENCIA DE XÉNERO

2010-11-25T00:15:00.006+01:00

Aínda que noutras ocasións xa escoitamos estes contos, cremos que estaría ben recordar a súa mensaxe nun día coma o de hoxe.
Seguro que nos farán reflexionar a grandes e pequenos.
Arturo y Clementina

VISITA DAS BIBLIOTECAS AMIGAS

2010-11-24T22:20:00.011+01:00

Como vimos facendo nos últimos anos, as bibliotecas dos centros públicos de Ferrolterra xuntámonos cada mes para compartir proxectos, ideas, algo ou moito de tempo e traballo. Desta vez houbo un pequeno cambio. E é que a reunión fíxose nunha biblioteca. Que boa idea! ¿Que mellor lugar para falar das mesmas?
Temos un proxecto en vista cara ao 2 de abril, o Día Internacional da Literatura Infantil e Xuvenil, sobre Xoán Farias. Pero xa vos iremos adiantando de que se trata.
Mentres, fixádevos cantas biblios xuntas nunha soa tarde para falar de libros e máis cousas...
A Biblioteca do CPI Conde De Fenosa, de Ares, a Biblio do CEIP A Unión Mugardesa, a do CEIP José Mª Lage, de Ortigueira; a Biblio do CPI de San Sadurniño; a do CEIP O Ramo, e "O Segrel do Penedo", do IES de Fene; a Biblio do CEIP de San Isidro e a do IES Fernando Esquío, de Neda; a Biblio de Andrade e a do CEIP Couceiro Freijomil, de Pontedeume; e a do CEIP Manuel Masdías, do CEIP A Solaina, a do Isaac Peral, a Biblio do CEIP Juan de Lángara, a do IES Concepción Arenal, e nós: a Biblio Xoán Farias, de Pazos.

Grazas a todas pola vosa presenza. Foi un pracer compartir esta tarde con vós.
Ata a próxima, que cremos, será na do IES de Neda. ¿A que si?

E antes de que haxa protestas... A culpa de tantas fotos é de Loly, que ten un tic no dedo co que preme o botón da cámara. Eu só fixen dúas ou tres. Hi, hi, hi!

BIBLIOTECA NO AEROPORTO!! FANTÁSTICO!

2010-11-17T18:49:00.006+01:00

A profe Rosa envioume un enlace a unha noticia moi agradable para os meus oídos. E eu mirando e mirando cheguei a "The New York Times", onde explica que no Aeroporto Schiphol, de Amsterdam, hai aberta unha biblioteca que conta cuns 1200 libros escritos en máis de dúas ducias de idiomas, pero todos son libros de autores holandeses, ao igual que a temática. Así, algúns pasaxeiros que teñen que esperar moitas horas no aeroporto, teñen a oportunidade de coñecer Holanda a través dos libros.

A que é interesante?

REVISTA GALEGA DO ENSINO, Nº 59

2010-11-16T22:25:00.003+01:00

Se premedes na imaxe accederedes ao número 59 da Revista Galega do Ensino, no portal da Consellería e Ordenación Universitaria.

ADEUS A GARCÍA BERLANGA

2010-11-13T12:33:00.006+01:00

Hoxe despedimos a Luis García Berlanga, e con el morre un estilo, unha voz, a visión dun país, unha cultura, unha filosofía propia sobre o xénero humano, zurcida a dúo con outro xenio, o guionista Rafael Azcona. (El País.com)
"En 1986 recibió el Premio Príncipe de Asturias de las Artes y en 1993 el Goya al mejor director por Todos a la cárcel. Su película Plácido fue nominada para el Oscar a la mejor película extranjera en 1961. Ha recibido la Medalla de Oro de las Bellas Artes en 1981, el Premio Nacional de Cinematografía en 1980 y la orden italiana de Commendatore." (Famosos valencianos)
Hoxe paseando pola rúa Real de Ferrol, entrei nunha farmacia e merquei dúas caixas de "Pastillas contra el dolor ajeno". Cando cheguei a casa e acendín o meu ordenador, vin isto:

CONTOS DE MEDO: "O misterio da pucha do rato"

2010-11-12T19:59:00.005+01:00

ESTE É O CONTO QUE AS NENAS E OS NENOS DO TERCEIRO CICLO ESCRIBIRON.
"O MISTERIO DA PUCHA DO RATO"
Nos tempos de María Castaña, nunha fría e escura noite de Samaín, Xan, un neno orfo que sempre levaba unha pucha vermella, atopou acubillo nunha casa deshabitada moi preto, case ao lado, do colexio de Pazos. Tropezou cunha trapela oculta no chan. Abriuna con moito medo, esvarou e caeu a un soto. Decidiu pasar a noite alí e agardar a que saíse o sol. Cando estaba a piques de quedar durmido, sentiu que unha man lle tocaba no lombo. Un arrepío percorreulle todo o corpo. Virouse e viu dous ollos brillantes que o miraban fixamente. Xan preguntou -¿Quen es e que fas aquí? -Son o espírito do último dono desta casa. Hai máis de douscentos anos quedei aquí atrapado nunha noite coma esta, e non fun quen de saír. Cada noite de Samaín aparézome aos que caen no meu soto. Co meu pau de buxo e unhas palabras máxicas, convírtoos en ratos. E así será ata que me enterren no cemiterio. O primeiro que pensou Xan foi saír a fume de carozo, pero claro, así non solucionaría nada. Entón Xan díxolle que se o deixaba marchar de alí, el mesmo se encargaría de buscar axuda para cumprir o seu último desexo. O espírito negouse, achegouse aínda máis a el , e de súpeto, cun rápido movemento, nun abrir e cerrar de ollos, en menos que chía un rato, sacou o seu pau de buxo e... ZASS! Non se soubo máis de Xan. Ás veces, moi de cando en vez... ¿Non veriades pasar un pequeno rato con algo vermello na cabeza? Haaaaaa, haaaaaaaaaaaa!!!!!!!! Continuarááááááááááá´.

CONTOS DE MEDO: "O pobo embruxado"

2010-11-12T19:50:00.007+01:00

ESTE É O CONTO QUE AS NENAS E NENOS DE CUARTO ESCRIBIRON.
"O POBO EMBRUXADO"
Sucedeu un día de lúa chea, treboada, chuvia, vento e raios, que nun bosque descubriuse unha casa encantada. Era de cor verde escura por fóra e con moitoa luz por dentro. Alí vivía unha bruxa malvada chamada Mali, co seu gato negro, a vasoira máxica e a súa irmá Brala, tamén bruxa, pero moi boa, porque aconsellaba que non fiexera feitizos malos, nin dano á xente. Pero ela non lle facía caso.
Un día de outono apareceron dous nenos na casa encantada. Petaron na porta e asomouse a bruxa Mali. Ao velos púxose moi furiosa e quixo transformalos en sapos, pero Brala non lle deixou. Cada vez estaba máis enfadada porque non podía conseguir o que quería. Entón decide enterralos vivos nunha tumba convertidos en vampiros. Chupaban o sangue a todos os que atopaban. Todos os habitantes do pobo escaparon de aquel lugar embruxado.

CONTOS DE MEDO: "O cemiterio vivente"

2010-11-12T19:43:00.003+01:00

ESTE É O CONTO QUE ESCRIBIRON OS NENOS E NENAS DE 3º.
"O CEMITERIO VIVENTE"
Esta é a historia duns nenos chamados Xosé e Xana, que vivían nunha aldea preto dun cemiterio que era moi estrano. Un día que os nenos estaban paseando polo bosque, comezou unha gran treboada e tiveron que se refuxiar nunha casa vella que estaba ao lado do cemiterio. De súpeto, comezaron a escoitar uns ruídos moi fortes e asustáronse. Cando parou de chover, foron cara ao cemiterio porque os ruídos continuaban. Alí viron moitas pantasmas e morcegos que saían das tumbas para asustar a todas as persoas que por alí apareceran. Os nenos, facéndose os valentes, foron loitar contra eles e caeron nunha tumba aberta que se cerrou no momento. Quedaron atrapados case toda a noite ata que unha persoa que andaba polo cemiterio, os liberou. Os nenos déronlle as grazas e fixéronse amigos. Cando chegou o día, viron que esa persoa se metía nunha tumba e eles, abraiados, déronse conta de que era un morto vivente. A partir daquel día, foron visitalo todas as noites.

CONTOS DE MEDO: "O rapaz de sete anos"

2010-11-12T19:37:00.003+01:00

ESTE É O CONTO QUE OS NENOS E NENAS DE SEGUNDO ESCRIBIRON.
"O RAPAZ DE SETE ANOS"
Érase unha vez un rapaz que tiña 7 anos, todos lle tiñan medo porque vivía nunha casa moi grande. Non tiña amigos e estaba sempre pechado na casa. Polas noites encendía as luces da súa casa e saía pola ventana convertido en home lobo. Marchaba polo bosque para xogar cos seus amigos pantasmas, morcegos, momias e bruxas. Despois polo día estaba tan canso que o pasaba durmindo, e volvíase a converter nun rapaz de 7 anos sen amigos. Unha noite cando xogaba cunha bruxa converteuno nunha araña. A partir dese momento pasou o resto dos seus días tecendo telarañas polas paredes da súa inmensa casa. Pero un día entrou na casa un morcego que tiña moita fame, e cando viu a araña, primeiro chupoulle o sangue e despois comeuna. E así foi como desapareceu o rapaz de 7 anos.

CONTOS DE MEDO: "A excursión de 1º e 2º"

2010-11-12T19:31:00.004+01:00

ESTE É O CONTO QUE ESCRIBIRON OS NENOS E NENAS DE 1º.
"A EXCURSIÓN DE 1º e 2º"
Certo día, no mes de novembro, os nenos e nenas de 1º foron de excursión ó castelo do Lobo Feroz. Ó chegar as dez da noite e cando todos estaban deitados, apareceu unha momia de cor rosa que quería come-los nenos. Entón comenzou a chover e Sabela e Alba chamaron a tódolos demais nenos e ó profe Pepe e despertou a todos que estaban rodeados de momias (que querían converter a Pepe en momia). De súpeto chegaron os nenos e nenas de 2º coa súa profe armados con lanternas e farois e as momias tiveron tanto medo que marcharon para sempre e xa todos no autobús volveron para o colexio e alí estaba o director, Ramón, preparando un gran festón con tódolos nenos do colexio disfrazados de momia.

CONTOS DE MEDO: "Meigas, morcegos e serpes en Barcelona"

2010-11-12T18:52:00.009+01:00

ESTE É O CONTO DOS NENOS E NENAS DE INFANTIL 3 E 4 ANOS

"MEIGAS, MORCEGOS E SERPES EN BARCELONA"
Hai moitos anos, un morcego, unha fada e unha meiga, boa e grande, cunha vasoira que falaba e dicía: UUUU...! UUUU...!, atoparon unha serpe mala nun cadrado que daba voltas. O cadrado estaba nunha parede con fiestras dentro dunha casa. A casa estaba en Barcelona. Dentro había meigas e morcegos que facían: UUUU...!, UUUU...! E limpaban os polvos máxicos que eran malos e facían que a xente boa se convertise en estatuas.
Na casa había cinco estatuas de pedra: unha tiña forma de cabeza enfadada, outra tiña forma de xente pelexando, outra tiña forma de dedo negro; a cuarta forma de reloxo gris escuro, que mentres camiñaba rabuñaba na xente e a facía sangrar. E a última tiña forma de ollos e boca. A boca que ensinaba uns dentes grandes e con pinchos e os ollos escuros con pestanas longas e ollada enfadada.
A fada Vermella, a fada dos bosques, salvounos cos seus polvos máxico. Vermella botou polvos máxicos por riba da cabeza das estatuas e as estatuas convertíronse en xente. Quixeron saír pero a porta estaba pechada. Saíron pola fiestra onde había unhas escaleiras de emerxencia que aparecían sempre que a porta se atascaba.
A xente moi contenta e feliz foi a China, onde estaba a súa casa. Alí fixeron a cea e viron a tele pero un raio rachoulles os cables, así que tiveron que ir a cama a durmir. E, mentres durmían soñaron cun triángulo-cuadrado que rompía as camas e con paraugas que botaban flores. E colorín colorado este conto está rematado.

HORA DE LER MÁIS CONTOS DE MEDO

2010-11-12T18:31:00.006+01:00

E hoxe continuamos lendo os CONTOS DE MEDO que fixemos entre todos nas nosas clases, os contos colectivos nos que todos e todas participamos, aprendendo así dos demais e dando de nós o mellor que temos. Traballamos coa imaxinación, agardamos o turno para dar as nosas ideas, aprendemos a escribir palabras novas, recordamos onde hai que colocar as comas, e os puntos, lemos en voz alta, compartimos cos demais, ilustramos, decoramos e rimos a cachón. Os pequenos aprenden dos maiores e os maiores dos pequenos. Chispa díxonos que nos esmerásemos porque había de ler todos e cada un deles. Así que aí van; primeiro as fotos e pouco a pouco, o resto dos contos (que o dos maiores de Infantil xa o coñecemos, non?):

DECORAMOS AS BUXAINAS

2010-11-12T18:11:00.005+01:00

Que vos parece esta idea? Buxainas decoradas cun pouco de imaxinación e algún outro material. Algunhas marcharon para as casas antes de as fotografar, pero podedes ver estas.

MAGOSTO CON BUXAINAS. Mmmmmm.

2010-11-12T16:50:00.006+01:00

Unha imaxe vale máis ca mil palabras. Onte á parte de ler os poemas e os contos, celebramos o magosto e o Día da buxaina. Tooodo xunto. Que ben. Pasámolo "bomba". Fixemos colares de zonchos, asamos castañas, comemos castañas; fixemos buxainas, xogamos coas buxainas, decoramos as buxainas... É que houbo de todo, de todo.

Mentres preparabamos os colares e os cucuruchos, empezaron a asar as castañas no patio.Logo tocou comelas...

E limpar e recoller para poder xogar..

E despois tocoulle o turno aos xogos, e aquí tedes a mostra...

HORA DE LER POEMAS E CONTOS DE MEDO COLECTIVOS

2010-11-11T22:28:00.009+01:00

Hoxe adicamos HORA DE LER a contarnos os poemas e algúns dos Contos de Medo colectivos que estivemos a escribir nas clases. Mañá continuaremos e subiremos a este blog os contos para compartilos con quen os queira ler. De momento deixámosvos as fotos. Como veredes, hoxe a Biblioteca estendeuse moito máis aló das súas portas para encher o ar de terroríficas palabras.