Amosando publicacións coa etiqueta Agasallos. Amosar todas as publicacións
Amosando publicacións coa etiqueta Agasallos. Amosar todas as publicacións

luns, 17 de xuño de 2024

Agasallos para os participantes no Club de Lectura.

E cun cariño moi especial despedimos o Club de Lectura deste ano. Un agasallo para os seus participantes para agradecerlles todos os bos momentos vividos xuntos en torno a lectura e máis.



Apertas da vosa amiga,
Chis, chis, plof, plof!💫

Levan tamén o libro de Antón Cortizas - Os gritos das Illas Lobeiras - que non nos dou tempo a ler para que poidan gozar del no verán.
Felices lecturas!

mércores, 1 de xuño de 2022

Grazas aos 5 fantásticos!

Este curso por mor do protocolo COVID seguimos sen poder compartir a nosa Biblioteca misturando os grupos de convivencia estable polo que, outro ano máis, o Equipo de Colaboradores da Biblioteca segue tendo as súas funcións bastante limitadas, pois son eles e elas quen fan moito máis doado a adaptación e o acompañamento dos máis pequenos do cole neste gran espazo que é a nosa Biblioteca.


Aínda así, xogaron un papel moi importante en canto á etiquetaxe e a ordenación dos fondos, e por iso merecen un pequeno agasallo, non credes? 

Moitas grazas a Aitana, Alisson, Ari, Jaasiel e Mateo por eses recreos nos que, sen pedírvolo, vos arrimastes á mesa de catalogación para botar unha man. 
Moitas, moitas grazas!!!

Mateo non sae na foto porque hoxe estaba algo pachucho, pero o agasallo témoscho ben gardado.


E para que vexades que non mentimos, aquí deixamos as probas gráficas. 

Grazas rapazada! Levades convosco a semente do amor polos libros grazas á nosa Biblioteca. O ano que vén, cando esteades no instituto, tocarávos a vós espallala. 

martes, 21 de decembro de 2021

E chegou a maleta de Chispa polo Nadal

E chegou o Nadal e como sempre, Chispa deixounos unha maleta chea de libros en cada unha das clases. Viña cargada de sorpresas e un montón de libros sobre inclusión e a redución das desigualdades. É que xa sabedes que, como ben din as portas da nosa biblio...

" Na diferenza está a igualdade"

"Non se trata de ter dereito a ser iguais,

senón de ter igual dereito a ser diferentes"


Lembrounos as recomendacións lectoras que nos fixo por se aínda estivéramos a tempo de incluir algún libro nas cartas ao Apalpador, Papa Noel ou Reis Magos e tróuxonos uns pequenos agasallos: uns lapis moi molóns para encher de cores este Nadal e unhas tarxetas de activista para ir completando a medida que avancemos coas misións dos ODS...


Unha maleta chea de ilusión e libros dos que dar boa conta á volta das vacacións de Nadal.

luns, 27 de marzo de 2017

MÁIS AGASALLOS PARA A BIBLIOTECA


 O pasado xoves recibimos  da Consellería este RECANTO DE LECTURA INFORMAL PARA PEQUES. Aos dez minutos xa estaba colocado na Biblioteca. Se cadra vaiamos buscando estes días unha mellor ubicación, pero, de momento, ... COLOCADO!!!


mércores, 22 de marzo de 2017

AGASALLOS PARA A BIBLIO

Agasallo de Nerea e Aroa para Chispa!

Agasallo dos nenos e nenas de Relixión Evanxélica para a Biblioteca!
Chispa está moi contenta porque esta semana Aroa e Nerea levaron á Biblioteca dous fermosos agasallos: unha maqueta dunha cova e un libro da Prehistoria. Traballaron un montón coas súas mamás para colaborar coa exposición sobre a Prehistoria que fixeron nun recanto da aula de Infantil. Agora xa pertencen á nosa colección de LIBROS FEITOS A MAN E CON AGARIMO!

Pero aí non queda todo, os nenos e nenas de Relixión Evanxélica, xunto coa súa profe Cristina, traballaron ao longo do segundo trimestre os sentimentos e  elaboraron o libro "El monstruo de colores", de Anna Llenas. E con este xa vai o segundo agasallo que lle fan a Chispa. O primeiro: "Por cuatro esquinitas de nada"!! 

Hai que empezar a pensar seriamente en ampliar o noso espazo para os  LIBROS FEITOS A MAN E CON AGARIMO! ; )
GRAZAS! 

martes, 4 de decembro de 2012

SER LIBRIS

Ser Libris
Esta é unha fermosa iniciativa de Illa Bufarda para a Asocaciación Galega de Editores. ¿Queredes ver en que consiste? Pois... pasade, pasade.