Amosando publicacións coa etiqueta Ferrol de frores cuberto 2024. Amosar todas as publicacións
Amosando publicacións coa etiqueta Ferrol de frores cuberto 2024. Amosar todas as publicacións

venres, 3 de maio de 2024

Ferrol, de frores cuberto

Grande Festa dos Maios en Ferrol na "VI Ferrol, de Frores Cuberto".
Preme nesta fotografía para acceder ao álbum completo.

A choiva non puido cos centos de pequenas e pequenos e a súa ilusión por recuperar esta festa tradicional que nos é tan propia. Felicitamos a todas as nenas e nenos que subiron a ese escenario e foron quen de cantar con forza e orgullo diante de tanto público, en especial ao noso grupo e á súa profe Kelly. 
Aquí vos deixamos un vídeo da súa actuación para que poidades disfrutar véndoos tanto coma nós.


Grazas á Coordenadora de Equipas de Normalización Lingüística de Ferrolterra pola organización, pola parva, por ofrecer un ano máis a música de Pakolas, por manter viva esta celebración...

Mil Primaveras máis para a nosa Lingua!

xoves, 2 de maio de 2024

Preparando os Maios

Hoxe, desde ben cedo, estivemos moi atarefadas colocando fiuncho, xestas, flores silvestres, laranxas e limóns para facer os nosos maios, recuperando así a tradición de festexar o inicio da primavera a través da exaltación da natureza.

Grazas ás nosas familias que colaboraron traendo herbas e flores, enchendo de olores e de cores a escola desde primeira hora da mañá. Mágoa que o día non axudou moito e tivemos que facelo no interior.






E para os que non puidestes velos, así de fermosos quedaron!  


Xa estamos preparados para celebrar o maio!