mércores, 22 de xuño de 2022

Entrega de premios da VIII edición de MatesPazos e Recre-Retos

Como xa é tradición, o último día de cole aproveitamos para facer entrega dos premios de MatesPazos, aos que este ano temos que sumarlle os premios dos recre-retos de Chispa. Así que neste fin de curso houbo premios por partida dobre. 

Para os participantes da nosa olimpíada matemática particular en forma de retos ODS, a esperada mochila - este ano de cor AZUL - e para os gañadores... Un xogo de mesa co que compartir as tardes de verán, na praia, no camping, na piscina ou onde a eles se lles ocorra.


Darío

Enzo e Silvia

Siney

Jimena, Ceine, Diego, Elías e Alisson

Bravo por eles e bravo por elas!!!

E despois dos premios de MatesPazos, tocou facer entrega do premio dos recre-retos de Chispa. A verdade é que a idea era premiar con algo especial aos que se esforzaran por participar nos retos do recreo, pero foi tal o éxito desta proposta que non puidemos facer máis que premiarvos a todos e todas cunha botella reutilizable - xa sabedes, imos cos ODS a tope #ODS13 -para levar a todas partes este verán. Molona, verdade???

E así, estes agasallos servirán para lembrarnos durante o verán de todo o vivido neste intenso curso no que os ODS tiveron o total protagonismo.
#espazODSparaaconcienciACCIÓN

martes, 21 de xuño de 2022

Xogos tradicionais e merendola grazas á nosa ANPA molona

Que ben o pasamos hoxe!!! Gozamos dunha mañá de xogos tradicionais organizada pola ANPA do noso cole á que puideron sumarse as familias que se achegaron ata a escola. Unha fantástica xornada na que enredar cunha chea de brinquedos tradicionais que puxeron a proba as nosas habilidades.




Damos as grazas especialmente a Olaia, Pipi, Andrea, Rebeca, Laura, Lorena, Noelia, Eva e Tita que viñeron para poñernos unha merendola para todos. Que rico estaba todo, ñam, ñam...


E grazas tamén a todas as familias que pasastes pola escola para compartir un ratiño con nós! 

E por aquí vos deixamos un vídeo resumo do día de hoxe, editado pola ANPA.


Mañá toca despedirse ata o curso que vén!

luns, 20 de xuño de 2022

Concertazo!!!

Estes días toca celebrar o aprendido xuntos e hoxe tivemos a grandísima sorte de compartir unha incrible xornada con Xavier Lozano, un músico excepcional das cousas cotiás e que converte en instrumento calquera cousa: tubos, mangueiras, billas, pistolas de auga, chisqueiros, rodas, cadeiras, escaleiras... sáelle a música de calquera parte.


Desde primeira hora puidemos gozar construíndo os nosos propios instrumentos con obxectos de refugallo: unha guitarra mococorde de tensión regulable feita cunha garrafa de plástico e un asubío hipersonoro empregando un tubo de rego e unha palliña! Foi xenial!!! 





E que se lle buscamos unha segunda vida aos obxectos que ían parar ao lixo estaremos contribuíndo ao coidado do noso planteta. Así que este concerto-obradoiro vale por dous, xa que estaremos contribuíndo con el a conseguir os obxectivos da Axenda 2030.

Deixámosvos por aquí tamén algunhas fotos do concerto para que vexades o ben que o pasamos, e un pequeno vídeo de Xavi Lozano en acción. No volo perdades porque deixounos a todos e a todas coa boca aberta!!!






Aquí vos deixamos uns fragmentiños do que puidemos escoitar neste super conciertazo que nos dou Xavier Lozano. Xa estamos pensando en que volvas!!!



Pero o mellor, sen dúbida, as caras dos pequenos e pequenas, unha fermosa mistura entre a intrig, a sorpresa, a emoción e a risa. Vaia gozada de concerto!!!




#espazODSparaaconcienciACCIÓN

Elas e eles son os gañadores da VIII edición de MatesPazos

Extra, extra!!! Xa sabemos quenes foron os gañadores desta edición tan especial de MatesPazODS, na que os ODS foron tan importantes. E xa vedes que a nosa olimpíada matemática estivo moi reñida, tanto que ninguén quixo perder nin un so punto, polo que no grupo dos maiores tivemos un quíntuple empate!!!
Así da gusto. Mañá haberá premios para todos e todas: gañadores e participantes. Bravo por elas e eles e que vivan os MatesPazODS!!!