AS LINGUAS MORREN

Hoxe publicamos no blog de EDNL a morte da derradeira persoa que falaba a lingua bo, unha lingua tribal da India. Moitas voces, como A Nosa Terra, fixéronse eco desta nova perda.

Podes ver moitas fotos das Illas Andamán, na India.

Contacontos de Kalandraka

Pablo e Patricia, da Editorial Kalandraka, estiveron con nós pola mañá. Encantounos volver escoitalos, porque nos gusta como contan os contos, e nos gusta como soa a súa música.

Vimos instrumentos coma a frauta que só ten tres furadiños, e que a hai en moitos sitios de España, pero en todos recibe nomes diferentes; tamén nos ensinou outra que ten preparada para tocar coma a gaita; ensinounos un marabilloso "facedor de choiva"; unha pandeireta...

Ademais hoxe, algúns descubriron que "Pablo" é "Pablo Díaz", o autor de "Tic-Tac", ¡SORPRESA! Así que ao final da sesión, pedímoslle que nos asinase no libro de visitas, onde asinan os escritores que visitan a nosa BIBLIOTECA. ¡Perfecto! Sempre nos gusta moito disfrutar da súa compaña. ¿Pensarán o mesmo eles?

¡ATA PRONTO!

Por certo, tamén vos deixamos información sobre Marc Taeger, o ilustrador de "Tic Tac", para que sigades ampliando o voso coñecemento sobre "ilustración". E se queredes moito máis, non deixedes de "pinchar" aquí. Recoméndovolo!

E ASÍ O CELEBRAMOS...

Onte foi un día especial de celebración. O que repetimos cada día do curso nos nosos coles, e nas nosas casas; o que todos e todas sabemos pero que, ás veces, esquecemos poñer na práctica... O día dos bos desexos, conscientes de que non son palabras baleiras, e de que tentaremos facer un esforzo por lograr que cada un dos desexos escritos nos avións, se fagan realidade.

Como xa vén sendo tradición, preparamos un libro colectivo entre todo o colexio que onte limos na Biblioteca; aínda nos falta facerlle a portada porque ese libro non se acaba ata que non celebramos o "DÍA".

Pero fixemos moitas cousas máis. Dúas nenas de 5º, Laura e Lucía leron para todos unha presentación en inglés; e logo seguiron Xana, Lucía, Marta, Jose, Michelle, Elisa e Alina de 3º; e Miriam, Andrea, Paula, David e Fabio de 4º, que recitaron un fermoso poema preparado na clase de relixión.

Para rematar esta primeira parte, a profe Rosa preparou unha fermosa presentación sobre o conto "O día que Pigasso coñeceu a Muutisse", que como xa podedes imaxinar trata de dous grandes xenios da pintura e tamén das súas diferenzas.

Os avións cos seus "Poemas de Paz" puxeron fin a esta festa.

¿Queredes ver as fotos?

Pola Paz!

Cristina contounos "Me gusta" o outro día no recreo. Á protagonista gustábanlle moitas cousas, pero a que máis, era que houbese paz. Nós, despois de escoitar todo o que lle gustaba e o que non, á protagonista, contámoslles aos demais os nosos gustos, e tamén tivemos que escoller, para dicir en voz alta, unha cousa que non nos guste nada, nada, nada. A profe Cris axudounos a pensar ese día nas cousas boas que nos rodean, e todos chegamos á conclusión de que non nos gustaban nada as pelexas e as caras tristes. E tamén estivemos de acordo en que levarse ben cos amigos e amigas é moi pero que moi importante. Grazas profe por ese ratiño de reflexión!

Ao longo destas pasadas semanas as Bibliotecas Escolares de Galicia estivemos traballando e preparando material para celebrar o DÍA ESCOLAR DA PAZ E A NON VIOLENCIA, que como sabedes celebramos cada ano o 30 de xaneiro. Mañá no noso cole tamén festexaremos este día, pero é importante dar un paseo polas bibliotecas que tanto levan feito neste tempo.

Se premedes na foto de Romero Britto entraredes nos recursos que nos ofrece o rato Mik, da Biblioteca "O recanto de Mik", do CEIP Mestres Goldar.

EXPOSICIÓN AFORRANDO ENERXÍA

Onte Chispa enviounos a súa maleta viaxeira, esa que vai voando por todos os recunchiños buscando novidades. Chegou coa súa carta e con algúns agasallos

para cada curso. E ¿cal foi o motivo? Pois moi lóxico...

Hai uns días que chegou ao noso cole a Exposición da Asociación Lapis Verdes: "Aforrando enerxía". Unha pequena, traballada e fermosa exposición sobre como facer un consumo resposable da enerxía. Os debuxos son de Leandro Lamas, así que xa podedes imaxinar como son de preciosos. Nuns días poderedes ver as fotos de como quedou esta exposición. Mentras esas fotos non chegan, podedes acceder a estes dous blogs picando nas súas imaxes, porque as profes xa curraron moito e nos explican máis cousas sobre esta actividade.

Ata pronto!

MOITOS, MOITOS LIBROS PARA DISFRUTAR NO NADAL. As recomendacións de Chispa!

Aquí tedes algunhas suxerencias para pedir como agasallo moitos libros nestas brancas vacacións. Non todo son novidades, pero si, todos están esperando por algún lector ou algunha lectora que disfrute con eles se aínda non os coñece.

FELICES LECTURAS!

O CARTEIRO REAL VISITOU A BIBLIOTECA, E OS NENOS VISITARON AO CARTEIRO REAL

Como cada ano, nas aulas prepararon as súas cartas, e tamén, como vén sendo habitual, na Biblioteca entregárollas ao Carteiro Real.

Ai! Cantos nervios, cantas peticións, letras principiantes, debuxos debuxados e debuxos recortados, desexos materiais e outros personais, humanitarios. E as caras, espectantes; e crédulos, os ollos; todo un poema esas pequenas mans entregando as cartas ao emisario. A cámara captou unha parte, a outra quedou gardada nos seus corazóns.

Tedes as fotos dos máis pequenos no blog de pequesPazos; o resto, a continuación.

E mañá veremos as fotos do segundo e terceiro ciclos...

CONTACONTOS LSE

Outro ano máis, Blanca e Miguel viñeron ao cole a contarnos dous preciosos contos "Lidia y yo ponemos la mesa" e "Marci e Ciano, dos niños marcianos".

E o mellor da actividade foi que logo fixeron un pequeno obradoiro de LSE cos nenos co vocabulario de cada conto.... no que participaron todos os nenos e nenas. Os pequechos super super atentos.

Moitas grazas por colaborar con nós e por ensinarnos tantas e tantas cousas. Esperamos que a próxima cita sexa moi axiña!

Orellas de bolboreta no recreo!

Este luns tivemos sesión de contacontos no recreo. A profe Manuela contounos "Orellas de bolboreta", de Luisa Aguilar (Editorial Kalandraka)
Aprendimos que ter as orellas grandes ou un furado no calcetín non ten que nos preocupar; aprendimos que a autoestima é moi importante, e que coñecer e asumir os nosos defectos é a base para ser felices.
Mara, simplemente ten orellas grandes, e que? E os seus libros están moi usados porque mil mans máis os acariñaron...

Atopamos un pequeno vídeo en You Tube onde a autora Luisa Aguilar fala sobre este conto para unha cadea de televisión mexicana.

Dereitos Humanos: as últimas actividades destes días

Este luns fixemos unha actividade nas aulas. O Concello ofreceunos facer por ciclos "O xogo de Peter".

En cada grupo formaron equipos e fixéronlles ver as distintas condicións dos traballadores dependendo da súa localización no mapa do mundo. Os Dereitos Humanos enfocados desde o ámbito laboral moi ben traballado cos alumnos e alumnas de Primaria.

Nós, rodeados de todas as comodidades, non sempre recordamos que explotación no traballo segue a existir: e a mensaxe quedou moi clara para todos!

FELICIDADES AO IES DE CATABOIS e a outras Bibliotecas Escolares de Galicia

O IES de Catabois acaba de recibir o TERCEIRO PREMIO DO CONCURSO NACIONAL DE BOAS PRÁCTICAS .
Os nosos mellores desexos para eles e para as outras bibliotecas que acadaron varios premios neste Concurso Nacional de Boas Prácticas, porque detrás dun recoñecemento coma este hai moitas horas de traballo e de dedicación. Felicidades!

- Modalidade A (infantil, primaria, educ. especial e epa):
TRES TERCEIROS PREMIOS:
CEIP FRIAN - TEIS, de Vigo
CRA MESTRE MANUEL GARCÉS, de Tomiño
CEIP A PEDRA, de Bueu.
- Modalidade B (secundaria, fp e outros...):
SEGUNDO PREMIO (10.000€): IES SANXENXO, de Sanxenxo
TERCEIRO PREMIO (7.000€): IES CATABOIS, de Ferrol.

NORABOA A TODOS E TODAS!

UN BELÉN QUE RONDA OS SESENTA ANOS

Se queredes coñecer ao artista que fixo realidade este soño, visitade a páxina de Alfredo Martín . E se queredes saber máis sobre a visita e o "Belén de la Orden Tercera", tedes o enlace na foto, que vos levará directamente a pequesPazos.
Casualmente, esta semana no blog de "A tarde" da CRTVG, buscan o mellor Belén de Galicia. Así que vos animamos a dar o voto ao noso BELÉN ferrolano. Podedes entrar na páxina, e para votar deberedes ir á columna da dereita. Espero que non cheguedes tarde e anden xa buscando outras cousas...

Desde aquí o noso recoñecemento a Alfredo Martín polo seu fermoso traballo!

"OS CINCO DEDOS" e Chispa!

Hoxe chegou a maleta de Chispa coas novidades de libros e revistas, e coa súa reflexión sobre os Dereitos Humanos e tamén o Nadal.

Chispa enviounos novidades, pero SABEDES QUE??!!! Descubrimos que hoxe pola noite entrou na nosa BIBLIOTECA!!! Si, como oídes!! Na nosa BIBLIOTECA!! E a moi lista colleu libros antigos para meter na maleta e recordarnos que están aí, dispostos para que os poidamos ler e levar en préstamo.

Pero Chispa!, se iso xa o sabemos!!! Sempre aproveita para entrar no cole cando non estamos e facer das súas. Claro! Nós durmindo tranquilamente e ela, a enredar un pouco. Xa falaremos con ela cando a vexamos, xa!!!

Álberto, Nuria, Rubén, Joni e Gloria contáronlle ao resto do colexio "Os Cinco Dedos", de Calo Iglesias; texto que chegou ás nosas mans a través do Seminario Galego de Educación para a Paz. Tratamos de explicar a importancia de respectar as particularidades de cada un. Todos somos importantes por separado, pero lograremos máis cousas e traballaremos mellor coa axuda dos demais. A man representa un gran conxunto onde cabemos todos, coas nosas diferentes capacidades, cores, tamaños... Cabemos todos e todas, e desde os colexios traballaremos para que isto sexa unha realidade.

Estas son as ilustracións que preparamos como apoio para este día.

E estas, as imaxes de todos nós, hoxe na BIBLIOTECA.

AS BIBLIOTECAS ESCOLARES DE GALICIA TRABALLAMOS POR DEFENDER OS DEREITOS HUMANOS!

DEREITOS HUMANOS I

Vía IES Río Cabe

Build your own custom video playlist at embedr.com

Build your own custom video playlist at embedr.com

Build your own custom video playlist at embedr.com

Tamén podedes acceder a un "Juego de los Derechos Humanos" que Placer nos envía desde o CEIP San Martiño-Salcedo.

O SEGREDO DA FROUXEIRA

Mañá xoves terá lugar a presentación do documental "O segredo da Frouxeira" no Teatro Jofre.

Sesenta minutos nos que se pretende recuperar a memoria histórica.

*Segundo palabras de "El Correo Gallego": "Onde se perderon as pegadas do último alcalde republicano de Serantes? Nas dunas da Frouxeira, na fermosa praia de Valdoviño onde se esfumaron os corpos de tantos desaparecidos na Guerra Civil Española..."

*"La Voz de Galicia": "É necesario recordar que Serantes era municipio independente ata que en 1941 foi anexionado a Ferrol por decreto. O seu alcalde republicano logrou escapar á represión dos primeiros días". "...o relato xorde da man de Paulino Gasalla, casado cunha sobriña neta de Porto Leis, que hai escasos anos descobre oculto tras uns mobles da casa da súa sogra, sobriña do alcalde, diversa documentación sobre el..."

As Bibliotecas Escolares de Galicia saímos na prensa!!

Siiiii!! Saímos na prensa, e ademais con encabezamentos coma este: "Galicia, á cabeza de España en fomento da lectura xuvenil". Aí queda!

Temén fala do programa "Hora de Ler" que no noso centro acollimos hai tres anos.

En fin, que estamos de noraboa porque disfrutar da lectura, e ser noticia por iso, é marabilloso.

Moitos colexios públicos e IES estamos a facer un gran esforzo para lograr que isto sexa realidade, polo tanto estamos moi contentos de que sexa noticia e se dea a coñecer ao gran número de lectores e lectoras.

Como non ía ser menos, o noso "Super Segrel do Penedo" fixo unha extensa entrada no seu blog que directamente enlazamos por se queredes seguir lendo esta noticia.

Dúas importantes visitas dos nosos rapaces

VISITA Á FUNDACIÓN CAIXA GALICIA: " A AUGA, O SANGUE DA TERRA", tedes toda a información e máis as fotografías desa actividade se picades na imaxe do blog dos peques do cole.

VISITA AO MUSEO NAVAL DE FERROL, recentemente rehabilitado. Moitas imaxes desta importante superficie adicada á exposición de milleiros de obxectos relacionados coa navegación, podedes velas se picades aquí.

E agora, as nosas fotos...

E este é o traballo que desde a Biblioteca, o SP "Coñecendo Ferrol" e o ENDL se preparou para facer esa visita e traballar logo nas aulas.Se cadra non sexa o mellor medio para presentalo pero si para que polo menos se poida ver.

25N, CONTRA A VIOLENCIA DE XÉNERO III

Sobre o humor de Mafalda habería moito que contar, pero diso ocuparémonos noutra ocasión. Desta vez deixamos a viñeta sempre aguda de Quino.

A continuación podedes ver algunha foto da hora do recreo, onde a profe Conchi nos contou "Meu pai é ama de casa. ¿E que?"

25N, CONTRA A VIOLENCIA DE XÉNERO II

Ofrecémosvos algunhas das presentacións que nos chegan a través destas tres bibliotecas comprometidas contra a Violencia de Xénero, que ademais comparten o seu tempo e o seu traballo cunha total xenerosidade.
O Segrel do Penedo

Trafegando Ronseis

Mesturas. Premendo aquí ou no imaxe, achegaraste á súa exquisita presentación.