DESDE UNHA ESTRELA DISTANTE

"Desde unha estrela distante" é o último libro de Agustín Fernández Paz, ilustrado por David Pintor e editado por Xerais.

A familia de Daniela está a facer un gran cambio nas súas vidas, mudarse a vivir  a Vigo. Toda a vida de Daniela, os seus completos nove anos, pasounos en Lugo, e non comprende moi ben o feito de deixar a casa que coñece, o parque onde xoga e as amizades de sempre. Mentres dura esa mudanza, pasará uns días na casa da súa avoa. Buscando algo co que entreterse, decide subir ao faiado, sempre pechado, para remexer un pouco por alí... Do vello baúl cheíño de libros sae un inesperado personaxe que lle dá un susto de morte. Un rato que ten a capacidade de transformarse e comunicarse con ela para investigar como son os humanos. Un rato que é algo máis.

E se queredes saber o que vén a continuación, teredes que lelo. Nestes momentos está na clase de 5º e 6º, pero dentro duns días xa poderá circular polo resto do cole. De momento, é noso!

Ficha técnica e sinopse de "Desde unha estrela distante"
Blog de Agustín Fernández Paz
Agustín Fernández Paz en imaxes
"A construción do lector", intervención de Agustín Fernández Paz, nos Encontros do Plan de Mellora de Bibliotecas Escolares -PLAMBE-.

Imaxe: Axenda Cultura AELG

Blog de David Pintor
Galería de David Pintor na AGPI ( Asociación Galega de Profesionais da Ilustración)

Imaxe: David Pintor

¡SI! ¡CELEBRAMOS AS LETRAS GALEGAS!

Como vos contabamos onte, hoxe tiñamos cita obrigada coa celebración das Letras Galegas. Este ano puxemos a proba as voces de todos nós, e cantamos, e cantamos. Tamén vimos unha presentación sobre Roberto Vidal Bolaño e houbo entre canción e canción un "Touporroutou" entre a Lúa e o Sol... Se queredes ver, este foi o programa e a continuación as fotos:

NORABOA A TODOS E TODAS polo esforzo que supuxo a estas alturas de curso preparar estas pequenas pero traballosas actuacións. NORABOA a Anxo e a Dani por levarse as camisetas de recordo. NORABOA  A TODAS E TODOS por celebrar un ano máis AS LETRAS GALEGAS.

¡MIL PRIMAVERAS MÁIS PARA GALICIA!

(... e a ver se deixa de chover...) 

Pode que tamén che apeteza ver isto en Cadernos de Quinto e Sexto: Traballando as Letras Galegas en 5º e 6º

CELEBRAMOS AS LETRAS GALEGAS

Mañá, na Biblioteca celebraremos as Letras Galegas 2013, cando se cumpren os 150 anos da publicación de Cantares Gallegos, de Rosalía, arroupados polas ilustracións de "Adios ríos, adios fontes",  e un sombreiro e un nariz de pallaso.

Espero que esteades preparados para gozar deste acto adicado a  Roberto Vidal Bolaño. 

Vídeo clip musical ESPÍRITO VIDAL BOLAÑO (Autoría: Paco Nogueiras Nodar / Torre Branca Producións):

ALUMNADO DO CEIP MANUEL MASDÍAS VISITA A BIBLIO

No blog "Cadernos de quinto e sexto" podedes ver a información sobre a visita que tivemos onte no cole, o CEIP Manuel Masdías. Tamén queremos ensinárllelo aos lectores e lectoras deste blog, porque a visita rematou na biblio, onde intercambiamos marcapáxinas.

¡NO TENGAS MIEDO, MICHIFÚ!, contado por Marta, Lucía, Elisa e Olaya. CONTACONTOS NOS RECREOS

No recreo, Lucía, Marta, Elisa e Olaya contáronnos ¡NO TENGAS MIEDO, MICHIFÚ!, de Paloma Wensell e Ulises Wensell, este último, ilustrador. Da editorial Anaya, da colección "Mi primera sopa de libros". Recomendado para os lectores máis pequenos,  trata sobre a aprendizaxe, o medo, a valentía...; de Michifú, un pequeno gatiño que vai superando os seus medos a medida que recorre a súa casa. Elas escenificaron o conto, así, mentres Lucía e Marta contaban, Elisa e Olaya encargáronse de Michifú.

Estas son as fotos que tiramos da sesión:

50 ANOS DAS LETRAS GALEGAS

Dianteira da camiseta

Traseira da camiseta

Este venres, 17 de maio de 2013 cumpriranse os 50 anos da celebración das Letras Galegas.

Mañá comezaremos a exposición das camisetas cos versos de Rosalía e os textos de Roberto Vidal Bolaño, 

homenaxeado deste ano.

Seminario Galán

Real Academia Galega

Secretaría Xeral de Política Lingüística 

Biblioandrade

E a nosa biografía reducida para ilustrar...

¿Estades preparados e preparadas?

"OS CATRO AMIGOS", contacontos no recreo por Aitana, Shakira e Ezequiel

Aitana (4º de primaria) e Shakira (1º de primaria), coa axuda de Ezequiel (6º de infantil), contaron este luns "Os catro amigos" (Os músicos de Bremen), un conto clásico dos Irmáns Grimm. A versión escollida foi a de Kalandraka.

Requeriu moita organización porque pertencen a tres cursos ben diferentes pero o esforzo valeu a pena. Esperamos que outros e outras sigan o seu exemplo. Ao mes de maio aínda lle quedan moitos días. ¿Non credes?

E navegando pola rede, atopamos o conto:

¡Ah! Esquecía dicir que tamén repartiron un recordo para colorear. Un dos músicos de Bremen, este gato.

E ¿que vos parece cun toque de color?

¡NORABOA, AITANA, SHAKIRA E EZEQUIEL! FIXÉSTELO MOI BEN. 

MOITAS FELICIDADES.

MAQUETAS DE CONTOS CLÁSICOS

¿Recordades esta proposta que fixemos a finais do mes de marzo? Pois o prometido é débeda e aquí tedes as imaxes das maquetas que aínda locen na entrada do colexio. 

Das máis complicadas ás máis sinxelas, fermosas todas elas e valiosas polo traballo e a ilusión que hai detrás. 

¡Moitas grazas pola súa participación a todas as familias que se implicaron nesta actividade!

A RATIÑA PRESUMIDA, contado por Joanna, Marisol e Andrea

Continuamos con contacontos nos recreos. Levaban xa uns días á cola e, ¡por fin!, chegou o momento. Contaron "A ratiña presumida". A versión que nos contaron é a da Editorial SM, da colección "De dos en dos".

Unha vez máis temos que felicitar ao noso alumnado: a Joanna, de 3º, por ler e guiar tan ben este conto; e a Andrea e Marisol pola  súa fabulosa interpretación. ¡Moitas felicidades! Para o vindeiro venres prometeron repetir. ¡¿Será verdade?! Xa teñen escollido o conto, será "O parruliño feo", logo deben de ir en serio. ¡ESPERÁMOSVOS!

Por certo, para que vaiades sabendo: o luns Aitana e Shakira, acompañadas de Ezequiel, contarán "Os catro amigos". Preparádeo ben que estamos desexando escoitarvos.
¡Ata o luns!  

E agora, fixádevos  nas fotos da sesión:

E navegando, navegando, atopamos unha versión escrita con pictogramas (Autoras: Marta López Viso, Ruth Rodríguez Pérez, María Yáñez Calviño) e este vídeo:

Tamén recordaredes que na celebración do "Día da Poesía e o teatro" que celebramos conxuntamente na biblio o día 22 de marzo puidemos ver a versión galega de Bernardino Graña, "Rata linda de Compostela", interpretada polo alumnado do 3º ciclo.

ERNESTO BO DÍA, por ¡Irene, Sofía e Alejandra!

¡Un saúdo para a prensa!

Para inaugurar o mes de maio, Sofía, Alejandra e Irene, de 2º curso de primaria, contaron na hora do recreo  ERNESTO BO DÍA,  texto de José Campanari, e ilustracións de Joao Vaz de Carvalho. 
Este conto transmítenos unha mensaxe de confianza en nós mesmos, para non perder o ánimo cando as cousas se poñen difíciles.  "A cita era ás seis, nin un minuto antes, nin un minuto despois"

Parece que temos ante nós a tres boas lectoras, pero, ademais agradecemos moito que fosen tan valentes de contar o conto diante dos seus compañeiros. Fixérono de marabilla e merecen a nosa noraboa.

¿Queredes ver as fotos?

Se queredes escoitar ao propio autor de Ernesto bo día, contando un breve conto, non tedes máis que ver o seguinte vídeo: "UN PAR DE ZAPATOS", de e por José Campanari:

Como agasallo déronnos un debuxo de Ernesto; un semellante a este. A diferenza é que este ten unha dedicatoria. Xa sei que está algo modificada, pero é que así sérvenos a todos e todas. ¡A outra é para min soíña!

 E ISO É TODO POR HOXE. 

¡FELICIDADES, MOZAS! 

ESTADES INVITADAS A CONTAR OUTRO 

CANDO O DESEXEDES.

¡QUE TEÑADES UN BO DÍA! 

e recordade sempre que...

¡Ao mal tempo, boa cara!

; )