PROPOSTA PARA ABRIL EN FORMA DE MARCAPÁXINAS!

A NOITE DAS MUDANZAS

A noite das mudanzas

Edu fíxonos esta foto ao rematar a sesión de contacontos do recreo de hoxe. Como veredes nas outras imaxes, contaron Sabela Fernández, de 5º e Aitana Salazar, de 6º. Practicaron estes días e contárono nas dúas clases na Hora de ler. Agora poderedes ver as fotos da sesión, os marcapáxinas que elaboraron; e a Lucas, no control de imaxe. O conto: "A noite das mudanzas", de Pep Bruno, da Editorial OQO.

¿Vestes este fermoso vídeo? Está feito polo CEIP Campolongo, de Pontevedra. Vaia traballo bonito...
E cambiando de tema, o venres que vén tocaralles o turno a Sonia, Lucas e Aitana, de 6º. Xa estiveron argallando na clase. Se queredes ver, picade neste enlace. Teñen cada cousaaaaa!

Preparando o contacontos do venres na aula de 6º.

EL LADRÓN DE GALLETAS

SCOOBY DOO. EL LADRÓN DE GALLETAS

Joanna e Andrea continuaron cunha serie empezada o pasado curso; os libros de Scooby Doo, que tanto éxito tiveron. Hoxe contaron "El ladrón de galletas". A música orixinal dos primeiros debuxos ambientaron o conto...

Felicidades a Andrea e Joanna. Vede as imaxes:

E, se queredes, aquí tedes un capítulo de Scooby Doo: "La mansión del tío Daniel"

CONTACONTOS NO RECREO:

Contacontos: "Los animales me aterrorizan"

O prometido é debeda, din pola miña terra, así que hoxe, na hora do recreo, Alejandra e Sofía, que tiñan este compromiso con todos nós, contáronnos "Los animales me aterrorizan"  coa axuda de Aitana, que estivo no control de imaxe e encargouse da proxección da presentación.

Tivemos unha chea de xente, porque xa sabedes que o noso cole é un cole pequeniño, pois aínda así mirade cantos oídos había; tantos coma ollos. Membros do Equipo da Biblioteca axudaron a recompoñer rápidamente  o espazo, porque entre as exposicións e demais, temos todo cheo de libros, mesas, etc, etc. Baixamos as persianas, acomodamos os sofás, apagamos as luces, prendemos o proxector e. ... ACCIÓN!

Sofía e Alejandra repartiron ao final da sesión uns marcapáxinas a todos os que asistiron, buenos algúns quedámonos sen eles. Haberá que recuperar a plantilla e facer algún outro porque os grandes démosllelos aos máis peques para que non quedasen sen eles. 

NORABOA SOFÍA, NORABOA ALEJANDRA POR TER INICIADO ESTES RECREOS NA BIBLIO QUE TANTO NOS GUSTAN. ¡Moitas, moitas grazas!

E grazas, Aitana, porque fuches de gran axuda. Estiveches súper atenta a cada cambio, e iso que non era nada doado, porque este libro ten moitísimas ilustracións, ¿a que si?

Por certo; Lucas Grandal Laaaaama, segundo aviiisooooo, vas quedar sen recoñecemento ao gañador do concurso de preguntas do ano pasadoooooo. Non digo maaaáis...

CAZA DO TESOURO. LER CIENCIA NA BIBLIO XOÁN FARIAS II

Como colofón ás actividades desenvolvidas ao longo do mes de abril -O NOSO MES DOS LIBROS (E esperade, que aí vén maio)- o día 29 celebramos no centro a CAZA DO TESOURO. Ler ciencia na Biblio Xoán Farias. Esta vez, enfocada á ciencia, posto que é o lema deste curso nas BBEE de Galicia.

Preparamos unha serie de experiencias e dividimos a todo o alumnado en oito grupos, de forma que todos e todas participaron das actividades facendo un percorrido por diversas localizacións do cole: aulas, laboratorio, audiovisuais, música, inglés, ximnasio... e por suposto, BIBLIOTECA.

Aínda que foi unha sorpresa, a semana anterior comezaron as pistas. A última, o luns, 28. Ese día soubemos con exactitude que é o que estaba Chispa a cociñar... Nas aulas explicamos ao maiores en que consistiría a actividade do día seguinte. Despois veredes imaxes, pero eu vouvos contando:

¿Que máis? Pois traballamos arreo, a proba consistiu no seguinte:
Formamos oito equipos de oito nenos/as (un nome e cor por equipo). Todos os cursos mesturados, dirixidos por un maior. O rol dos maiores foi fundamental para o bo funcionamento do grupo, xa que deberon acompañar, guiar e axudar aos máis pequenos, coidando de que o clima fose distendido, tranquilo e seguro para todos e todas.

Os equipos foron adquirindo unha das oito pezas do seu puzzle. Ao rematar todo o circuíto tiñan as oito necesarias. Un encargado levou o sobre completo á mesa marcada co nome e cor do seu equipo, ubicada no corredor da Biblioteca.

Despois do recreo, os grupos compuxeron o puzzle da portada do libro de ciencias que lles tocara. A continuación emparellárono coa etiqueta do libro correspondente impresa en grande para o xogo. E por último localizárano no andel.

No libro había unha chave da cor do seu equipo coa que puideron abrir o baúl do tesouro, logo de dicir o conxuro do chaveiro que levaba.

Está todo explicado no ISSUU que tedes a continuación:

 

E AGORA, AS IMAXES DO DÍA. Primeiro, o material (non son moitas); logo, o desenvolvemento (con estas podedes tomar un bocadillo grande) e, por último, a busca do libro na Biblioteca e o conxuro científico para abrir o cofre (bocadillo pequeno):

CAZA DO TESOURO: LER CIENCIA NA BIBLIO XOÁN FARIAS

Ao longo de toda a mañá houbo no cole o que normalmente coñecemos como unha "actividade frenética". Unha CAZA DO TESOURO en toda regra, con todo o centro en danza. 

Hai moito material para organizar, e moitas imaxes para ordenar. Mañá será outro día, pero non quería pasar hoxe sen dar a noraboa a todos os participantes polo bo comportamento e por ter superado todas as experiencias. Noraboa tamén a César pola súa axuda no desenvolvemento dalgunhas probas.

¡FELICIDADES!

A LEDICIA DOS LIBROS: "The Joy of Books"

"My wife, myself, and a whole lot of volunteer hands put this together. Special thanks to Grayson Matthews for composing some beautiful, original music for it and, of course, Type Bookstore!", in ohkamp blog.
Utilizando a técnica do stop-motion, Sean Ohlenkamp e maila súa muller, xunto con arredor duns vinte colaboradores, traballaron durante catro noites na librería Type Books (polo día permanecía aberta vendendo libros, claro) para poder ofrecer este espectacular resultado.

¡¡¿Só catro noites?!!

Xa con anterioridade organizaran os libros na súa casa. ¿Querédelo ver tamén?

FALANDO DE LIBROS INTERACTIVOS

Da man de Trafegando Ronseis chéganos esta fermosa curtametraxe: The Fantastic Flying Books of Mr. Morris Lessmore .

A partir desta curtametraxe apareceu un libro interactivo deseñado por un antigo membro do equipo Pixar, William Joyce.

The Fantastic Flying Books of Mr. Morris Lessmore iPad App Trailer from Moonbot Studios on Vimeo.

A adaptación de "O SOLDADIÑO DE CHUMBO" en curtametraxe animada

Desde o blog de Normalización Lingüística do noso cole chéganos esta nova: a directora Peque Varela e a produtora Chelo Loureiro optan ao recoñecido Premio Mestre Mateo pola curtametraxe animada de "O soldadiño de chumbo", adaptación da obra orixinal de Hans Christian Andersen, a cargo de Virginia Curiá e Tomás Conde. Conta cunha fermosísima banda sonora de Emilio Aragón.
Ver máis en Pasión por el cine.es e Festival de cans
E buscando, buscando atopamos esta parte doutra curtametraxe de Peque Varela: "1977". Convidámosvos a vela.

MICKEY MOUSE CUMPLE 80 ANOS!

Un pequeno roedor de zapatos amarelos e grandes orellas que apareceu na pantalla por primeira vez o 18 de novembro de 1928.

O rato máis famoso do mundo chámase Mickey, aínda que nun primeiro momento puxéronlle o nome de Mortimer. No ano 1932 a Academia de Hollywood concedeulle a Disney un Óscar pola creación deste personaxe. Así, Mickey Mouse convertiuse no primeiro personaxe animado posuidor dunha estrela no Paseo da Fama de Hollywood.

FELICIDADES!!