8M: As heroínas da Pysbe

Máis 8M NESTE BLOG

8 DE MARZO: No me cuentes cuentos.com

8 DE MARZO: DÍA INTERNACIONAL DA MULLER TRABALLADORA

MULLERES

Estas semanas pasadas estivemos preparando na aula uns traballos sobre mulleres que destacaron ou destacan na historia por ser pioneiras no seu campo. O traballo tivo unha parte de documentación na que recorremos a, polo menos, dúas fontes: algún dos libros sobre mulleres da exposición da Biblioteca, e outra de Internet. Coas imaxes desas mulleres, tiradas da rede e os datos recollidos en ambas fontes, elaboramos unha presentación en Impress, que logo amosamos aos nosos compañeiros en tres sesións, nas cales tivemos de invitados aos nenos e nenas de 1º, 2º, 3º e 4º.

E este é o listado das mulleres sobre as que investigamos:

* Iria: Amelia Earhart, aviadora estadounidense, a primeira en tentar a primeira viaxe en avioneta arredor do mundo.

* Laura: Diane Fossey, zoóloga que adicou o seu labor científica a estudar e defender os gorilas no seu hábitat.

* Marta: Cheryl Bridges, atleta estadounidense que bateu o récord da maraton en varias ocasións.

* Gaia: Coco Chanel, deseñadora de alta costura francesa. Revolucionou a moda feminina.

* Diego: Ella Fitzgerald, cantante de Jazz."A Raíña do Jazz".

* Marcos: Audrey Hepburn, actriz na época dourada do cine en Hollywood,  e activista belga, que adicou gran parte da súa vida a Unicef.

* Martín: Valentina Tereshkova, 1ª astronauta en viaxar ao espazo, despois de Yuri Gagarin.

* Nuria: Annette Kellerman, nadadora profesional australiana, actriz, escritora e emprendedora. A primeira muller en utilizar un deseño propio de bañador dunha soa peza.

* Paula: Alice Blanchet, pioneira do cine. Primeira persoa en realizar unha película.

* Juan: Violeta Parra, cantautora, pintora, escultura e ceramista chilena. Gran divulgadora do folklore de América do Sur.

* Keira: María Callas, soprano grega considerada a cantante de ópera máis importante do século XX.

MAXIA EN FEMININO! - MAGA FELI!-

Seguimos publicando imaxes; agora, as do broche que puxo fin á xornada de busca de tesouros na Biblioteca polo DÍA INTERNACIONAL DA MULLER TRABALLADORA. A nosa ex compañeira Feli fixo as delicias dos pequenos e pequenas; non tedes máis que fixarvos nas fotos... 

Non sabemos como adquiriu os seus poderes, pero o caso é que deixounos coa boca aberta en máis dunha ocasión. Se cadra, as fermosas palabras que Antón Cortizas lle adicou no seu momento, teñen moito de certo, non si? 

"Cun pión de palabras, o pole dos teus soños encheu de sons e maxia o universo das túas aulas" E é o que segue a facer!

MIL GRAZAS POR COMPARTIR CON NÓS 

OS TEUS PODERES MÁXICOS! 

E, ATA OUTRA? 

Maga Feli noutras ocasións

CAZA DO TESOURO EN FEMININO- Desenvolvemento das probas

Así deseñamos a actividade que celebramos este venres con motivo do DÍA INTERNACIONAL DA MULLER TRABALLADORA. Agora seguiremos publicando imaxes do resto das probas

MATRIARCAS NO CEIP DE PAZOS, AGORA COAS PEQUENAS E PEQUENOS

Esta foi outra das probas que tiveron que superar na CAZA DO TESOURO EN FEMININO. 

ESTA RAPAZADA VÉN PISANDO FORTE!

UNHA CAZA DO TESOURO EN FEMININO

Ao longo destes días iremos publicando máis fotos desta xornada, e explicando en que consistiu, pero de momento, deixamos un adianto para que vexades cantas valerosas e pioneiras mulleres encheron o noso estudo de fotografía:

Con todos vós, un adianto dos RETRATOS EN FEMININO, unha das probas desta mañá!!

AGATHA CHRISTIE

AMELIA EARHART

CLEOPATRA

ISABEL A CATÓLICA

JANE GOODALL

MALALA YOUSAFZAI

MARIE CURIE

ROSE, A REMACHADORA

FRIDA KAHLO

VALENTINA TERESHKOVA

VALENTINA TERESHKOVA

En breve, o resto das imaxes, desenvolvemento das actividades do día...

DÍA INTERNACIONAL DA MULLER TRABALLADORA

"As nenas crense menos brillantes ca os nenos a partir dos seis anos". Con este titular déronse a coñecer os resultados dun estudo recente publicado na revista Science, que concluía que os estereotipos de xénero limitan as expectativas das nenas desde a máis tenra infancia." Así comeza o prólogo de PIONEIRAS, un libro de Anaír Rodríguez, ilustrado por Nuria Díaz, de Xerais.

 "Unha das primeiras correspondentes de guerra foi galega, tamén unha das primeiras navegantes, escritoras ou directoras dun xornal. Este libro fala de doce mulleres que conseguiron vencer as barreiras impostas ao seu xénero e dar os primeiros pasos por vieiros transitados ata ese momento só por homes.

Mulleres reais e diversas que no seu día foron pioneiras en diferentes ámbitos e cuxas historias merecene ser coñecidas e postas en valor."

Mañá, no centro celebraremos o DÍA INTERNACIONAL DA MULLER TRABALLADORA cunha "Caza do Tesouro" adicada ás mulleres que fixeron e fan historia. Promete ser un día emocionante con probas diversas que coñeceredes ao seu debido momento. E cunha sorpresa final chea de... intriga, maxia e ilusión!
Queres ver como celebramos este día outros cursos?  

Aprendendo a pensar e a valorar dende a Biblioteca Escolar!

FELIZ DÍA!

JUGGERS SÉCURITÉ

O venres  24, despois do recreo, visitounos Beni, a nai de Roi, para darnos unha charla dentro das actividades do Día Internacional da Muller Traballadora.

Gustounos descubrir que tivo unha vida moi especial con experiencias súper interesantes mentres vivía en Francia. 

Falounos do seu traballo en Juggers Sécurité ,  unha axencia de seguridade que cumpríu os 20 anos no 2013,  na que ela afrontou moitas e diversas situacións en compañía de Pastores Alemáns. Amosando imaxes e vídeos axudounos a imaxinar como  desenvolveu o seu traballo.

E O RESTO DAS IMAXES DESTA INTERESANTE SESIÓN, AQUIIIIIÍ!!!

BENI, MOITAS GRAZAS POR COMPARTIR CON NÓS A TÚA EXPERIENCIA!

ATA SEMPRE!!

MARUJA MALLO

MULLERES NA HISTORIA

Viñeta traducida pola Biblioteca Xoán Farias

Propoñémonos, a partir do día 8 de marzo, 

compoñer un mural coas vosas aportacións. 

Queremos construír un collage coas imaxes das  

mulleres que traballan  

dentro da casa, fóra da casa e dentro e fóra da casa. 

Animádevos a colaborar con nós?

Pois collede cámara e a traballar!

A continuación podedes acceder a unha serie de enlaces que aportarán moita información sobre as mulleres que destacaron en Galicia ao longo da historia. 
Ángeles Alvariño González. Naceu en Serantes e o ano pasado falamos dela  en COÑECENDO FERROL, por ser a homenaxeada no DÍA DA CIENCIA EN GALICIA, 2015.

Ángela Ruiz Robles

Mulleres e alfabetización en Galicia

Mulleres galegas

Mulleres no Seminario de Estudos Galegos

Liña do tempo: As mulleres na historia

Liña do tempo interactiva: Mil anos de historia das mulleres

Dous IES en Ferrol con nome de muller: Sofía Casanova (IES Sofía Casanova) e Concepción Arenal (IES Concepción Arenal)
VÍDEOS de TRES ILUSTRES GALEGAS

*Vídeo sobre Concepción Arenal: Mujeres en la Historia - Concepción Arenal, la fuerza de un ideal 

Rosalía de Castro

*Vídeo sobre Emilia Pardo Bazán: Mujeres en la Historia - Emilia Pardo Bazán

DÍA DA MULLER TRABALLADORA II

Homenaxe á Muller Traballadora coa cantiga MATRIARCAS, de Guadi Galego

O pasado luns 9 de marzo reunímonos na Biblioteca para homenaxear á Muller Traballadora. Ao longo da semana anterior elaboramos unhas tarxetiñas adicadas á muller que admiramos. Fixemos unha exposición na parede de cortiza da entrada e logo reunimos todos os traballos nun libriño. A esa exposición engadimos, como facemos habitualmente, a de libros: Mulleres na historia e libros escritos e/ou ilustrados por mulleres. Na biblioteca cantamos MATRIARCAS.

DÍA INTERNACIONAL DA MULLER TRABALLADORA

TRABALLANDO NA EXPOSICIÓN DA MULLER II

Como ben sabedes, na entrada do cole temos a exposición sobre a MULLER.: Mulleres na historia, Mulleres que escriben, mulleres que ilustran... Se xa entregastes a ficha anterior, lede isto...

Se as solucións son correctas, a cambio recibirás o último marcapáxinas das Bibliotecas Escolares de Galicia

BIBLIOTECA ESCOLAR: ACELERADOR DE INNOVACIÓN

TRABALLANDO NA EXPOSICIÓN DA MULLER

O alumnado de 3º xa se puxo mans á obra a semana pasada, buscando escritoras e ilustradoras para cubrir os datos sobre os libros que hai na exposición.

CLARA CAMPOAMOR. 8 de marzo, Día da Muller Traballadora

Hoxe traballamos nas clases o Día da Muller Traballadora.
Aquí deixamos dous interesantes libros sobre
Clara Campoamor e sobre a Muller e a Ciencia;
ambos de Nela Abella.
Se pinchas en calquera das dúas ilustracións ou nos nomes, accederás a eles.

DÍA INTERNACIONAL DA MULLER TRABALLADORA: "Nosotras creamos mundo"

Velaquí dous Issu que renden homenaxe a este día: a profe Rosa enviounos un traballo publicado polo MEC.

Open publication - Free publishing - More igualdade

E este é outro que nos ofrece a Biblioteca Milladoiro de Malpica, resultado da súa anterior Webquest e que nos parece interesante amosar. Grazas, Olga unha vez máis.

E CHEGAMOS AO VENRES CUN BICO DANZARÍN

Esta mañá tocou pechar o pequeno ciclo que comezamos esta semana. Fina, a avoa de Keira tamén quixo acompañarnos nesta nova experiencia, e nós, felices.
Contounos "Las jirafas no pueden bailar". Ah! Vós tamén pensades que iso é verdade? Pois non, non, non. Despois de moita mofa por parte dos seus compañeiros da selva, Chufa conseguiu bailar...

"¡Cómo bailaba Chufa!
¡Nunca lo había hecho tan bien!
Daba brincos, volteretas...
¡y saltos mortales también!"
Quen dixo que as xirafas non poden bailar?...

Moitas grazas, Fina, pola túa xenerosidade e ata cando ti queiras. Un bico moi grande de tooodos os peques de Infantil.

Ah! hoxe houbo "sugus" de xirafa para relambernos de gusto...

O BICO DE HOXE É MÁXICO!

Seguimos, seguimos con máis nais contadoras de contos. Hoxe visitounos a nosa compi Ana, a mamá de Irene, cun fermosísimo libro: "El Mago de Oz". Cantas cousas bonitas imaxinamos, e cantos lugares recorrimos! Que zapatiños de prata tan preciosos, que gafas tan especiais... e o bico, mmmm! E o globo... Aiiii!, ademais ao final Ana atopou na caixa unha sorpresa: corazóns de gominola! A que vos soa????
Grazas Ana, foi un conto fabuloso cheo de maxia e de ilusión. Por iso te enviamos un bico máxico con todo o noso agarimo.

SsssssssmUAC!