Unha chea de recomendacións lectoras para o verán!

Unha chea de recomendacións lectoras para o Nadal.

 

Día do Libro... con libros e máis 🍎

Unha vez máis o cole encheuse de maxia e emoción entorno a esta sorpresa inesperada que nos deu Chispa polo Día do Libro.

Non podía deixar a ocasión de pasarse para agasallarnos cun montón de novidades. 

Catro bolsas penduradas das portas de cada clase repletas de libros, libros e máis libros. Pero a nosa meiga amiga deixou ademáis a súa habitual carta, na que sempre anda a argallar algo co seu Chis, chis, plof, plof! Desta volta pediunos que grabásemos en vídeo recomendacións lectoras, para continuar coa proposta dos "Booktubers". 

 

E ata deixou algún libro de agasallo nalgún curso!

Así que aproveitamos a ocasión para facer unha recompilación das vídeo-recomendacións lectoras feitas no curso pasado durante o confinamento para animarnos a continuar coa saga. 

Enchamos o blog de recomendacións lectoras feitas co corazón ❤️

E coma sempre, preme en calquera das fotos desta entrada para acceder ao album completo.

E seguimos coas recomendacións lectoras: Máis Booktubers do CEIP de Pazos

E durante todo este mes de abril foron chegando máis e máis recomendacións lectoras desde as casas...  

De verdade que este abril si que está sendo un MES DOS LIBROS.

Chispa non pode estar máis orgullosa de todos vós.

Grazas!

E chegou a maleta de Chispa

Hoxe foi un día de emocións desde primeira hora, xa que nada máis chegar ao cole e xusto despois da nosa rutina de activación matinal soou nos corredores do cole ese inconfundible Chis, chis, plof, plof... que nos fixo subir case voando á nosa Biblioteca.

E alí, estaba esperándonos unha sorpresa espectacular, porque non é que Chispa nos deixara a súa maleta chea de libros coma sempre, é que a Biblioteca enteira estaba repleta de libros, pero non só de libros... asentos de varios tipos, pulsadores luminosos e sonoros, xogos, teclados especiais, ... e ata un bambán para colgar do teito!

E por supostísimo, había carta. E como Chispa entérase sempre de todo o que acontece no cole, traía aires do leste e viña convertida en "Chispa Poppins".

Tamén deixounos as súas recomendacións lectoras para o Nadal e desta volta incluían unha reseña moi especial, xa que Xerezade Ansedes, ex-alumna do cole de Pazos e creadora do bosquexo da nosa Chispa, acaba de publicar o seu primeiro libro.
Desde aquí queremos desexarlle a mellor sorte do mundo na súa andaina literaria, que estamos seguras que a levará moi, moi lonxe.

RECOMENDACIÓN LECTORAS PARA O VERÁN

CELEBRANDO O DÍA DO LIBRO NO INSTITUTO DE CATABOIS

O pasado venres visitamos como cada curso o IES de Catabois para celebrar con eles o DÍA DO LIBRO. Coma sempre agradecemos que nos reciban e preparen para nós un montón de actividades. 

Ao chegar reunímonos con dúas ex alumnas, Keira e Nuria, que nos acompañaron no percorrido. Primeiro fomos á Biblioteca e despois participamos nun obradoiro de Scrapbooking para decorar unhas libretas. Encantounos! Xa somos case especialistas ; )

Rematamos a mañá no tradicional MERCADILLO SOLIDARIO DE LIBROS. Coma sempre, todo o recadado entrégase á Cociña Económica da cidade. Como veredes só hai unha foto do mercadillo, e é que cando chegamos empezamos a ver tantos libros que nos emocionamos e a cámara quedou apartada. En fin, moi boa idea, moi boas anfitrionas, e moi agradable a visita. 

SE NOS VOLVEDES INVITAR, ATA O VINDEIRO CURSO!!

FELIZ DÍA DO LIBRO con XOÁN FARIAS!

O 23 de abril sempre é unha data especial para as Bibliotecas Escolares, e para todos os amantes dos libros, claro. Onte foi aínda máis especial para nós. Tiñamos programada unha vídeo conferencia cun colexio moi lonxano, o CP Asunción Rincón, de Madrid. E cal era o motivo, pensaredes vós? Pois poñernos en contacto con dous netos de Xoán Farias, que estudan alí.

Ao longo do curso preparamos este "encontro" e, cada colexio fixo unha selección de lecturas para traballar e compartir con eles.

Hoxe poderedes ver parte do resultado. Enviámoslles o vídeo da nosa Biblioteca para que a coñecesen e soubesen a historia que nos liga a Xoán Farias. Dos inicios á actualidade...

Ademais temos un vídeo, resultado da lectura de "Cando Arturo escapou da casa". Un fermoso vídeo feito polos peques de Infantil ao que puxeron voces os Rebuldeiros de 1º e 2º.

Ao mesmo tempo, estamos a traballar nos audios dos pequenos diálogos que estamos a facer en 5º e 6º. Cando completemos os nove cadernos, avisarémosvos. Recordades o que publicamos o 5 de abril?

MALETA DE CHISPA

Onte pola mañá, un pouquiño antes do recreo, escoitamos a música de Chispa por todos os corredores e aulas! Saímos correndo para ver que pasaba, debía de andar polo cole, senón, esa música non soa así porque si. Fomos rápido á Biblioteca pero non estaba. non sabemos que lle pasa a Chispa que sempre lisca rápido. Mira que queremos vela e dicirlle cousas, pero non hai maneira! 

Claro que xa imaxinaredes o que atopamos na Biblio, non? Se premedes na imaxe veredes tooooodo o que deixou. Isto é un NADAL CHEO DE LIBROS!

Por certo, coa maleta, sempre a súa carta. Iso non falta. Lede, lede...

MULLERES

Estas semanas pasadas estivemos preparando na aula uns traballos sobre mulleres que destacaron ou destacan na historia por ser pioneiras no seu campo. O traballo tivo unha parte de documentación na que recorremos a, polo menos, dúas fontes: algún dos libros sobre mulleres da exposición da Biblioteca, e outra de Internet. Coas imaxes desas mulleres, tiradas da rede e os datos recollidos en ambas fontes, elaboramos unha presentación en Impress, que logo amosamos aos nosos compañeiros en tres sesións, nas cales tivemos de invitados aos nenos e nenas de 1º, 2º, 3º e 4º.

E este é o listado das mulleres sobre as que investigamos:

* Iria: Amelia Earhart, aviadora estadounidense, a primeira en tentar a primeira viaxe en avioneta arredor do mundo.

* Laura: Diane Fossey, zoóloga que adicou o seu labor científica a estudar e defender os gorilas no seu hábitat.

* Marta: Cheryl Bridges, atleta estadounidense que bateu o récord da maraton en varias ocasións.

* Gaia: Coco Chanel, deseñadora de alta costura francesa. Revolucionou a moda feminina.

* Diego: Ella Fitzgerald, cantante de Jazz."A Raíña do Jazz".

* Marcos: Audrey Hepburn, actriz na época dourada do cine en Hollywood,  e activista belga, que adicou gran parte da súa vida a Unicef.

* Martín: Valentina Tereshkova, 1ª astronauta en viaxar ao espazo, despois de Yuri Gagarin.

* Nuria: Annette Kellerman, nadadora profesional australiana, actriz, escritora e emprendedora. A primeira muller en utilizar un deseño propio de bañador dunha soa peza.

* Paula: Alice Blanchet, pioneira do cine. Primeira persoa en realizar unha película.

* Juan: Violeta Parra, cantautora, pintora, escultura e ceramista chilena. Gran divulgadora do folklore de América do Sur.

* Keira: María Callas, soprano grega considerada a cantante de ópera máis importante do século XX.

CAZA DO TESOURO EN FEMININO: AQUÍ ESTÁN AS PROBAS QUE FALTABAN en imaxes!

PREPARÁNDONOS

UN POUCO DE ORGANIZACIÓN

 AS PROBAS QUE FALTABAN:

A CASA DE MNEMÓSINE 

MATRIARCAS EN ACCIÓN

QUEN É QUEN?

ROMPENDO A CABEZA CON ROSALÍA

 TESOURO NA BIBLIOTECA

 

CAZA DO TESOURO EN FEMININO- Desenvolvemento das probas

Así deseñamos a actividade que celebramos este venres con motivo do DÍA INTERNACIONAL DA MULLER TRABALLADORA. Agora seguiremos publicando imaxes do resto das probas

UNHA CAZA DO TESOURO EN FEMININO

Ao longo destes días iremos publicando máis fotos desta xornada, e explicando en que consistiu, pero de momento, deixamos un adianto para que vexades cantas valerosas e pioneiras mulleres encheron o noso estudo de fotografía:

Con todos vós, un adianto dos RETRATOS EN FEMININO, unha das probas desta mañá!!

AGATHA CHRISTIE

AMELIA EARHART

CLEOPATRA

ISABEL A CATÓLICA

JANE GOODALL

MALALA YOUSAFZAI

MARIE CURIE

ROSE, A REMACHADORA

FRIDA KAHLO

VALENTINA TERESHKOVA

VALENTINA TERESHKOVA

En breve, o resto das imaxes, desenvolvemento das actividades do día...

DÍA INTERNACIONAL DA MULLER TRABALLADORA

"As nenas crense menos brillantes ca os nenos a partir dos seis anos". Con este titular déronse a coñecer os resultados dun estudo recente publicado na revista Science, que concluía que os estereotipos de xénero limitan as expectativas das nenas desde a máis tenra infancia." Así comeza o prólogo de PIONEIRAS, un libro de Anaír Rodríguez, ilustrado por Nuria Díaz, de Xerais.

 "Unha das primeiras correspondentes de guerra foi galega, tamén unha das primeiras navegantes, escritoras ou directoras dun xornal. Este libro fala de doce mulleres que conseguiron vencer as barreiras impostas ao seu xénero e dar os primeiros pasos por vieiros transitados ata ese momento só por homes.

Mulleres reais e diversas que no seu día foron pioneiras en diferentes ámbitos e cuxas historias merecene ser coñecidas e postas en valor."

Mañá, no centro celebraremos o DÍA INTERNACIONAL DA MULLER TRABALLADORA cunha "Caza do Tesouro" adicada ás mulleres que fixeron e fan historia. Promete ser un día emocionante con probas diversas que coñeceredes ao seu debido momento. E cunha sorpresa final chea de... intriga, maxia e ilusión!
Queres ver como celebramos este día outros cursos?  

Aprendendo a pensar e a valorar dende a Biblioteca Escolar!

FELIZ DÍA!