HOXE ARMÁMOLA BOA NA BIBLIOTECA!!

Durante mes e medio tivemos con nós unha das coleccións dos "Libros de Ida y Vuelta" da Fundación Germán Sánchez Ruipérez: "Leer a carcajadas", unha colección adaptada para os maiores de dez anos.

Foi todo un éxito ter estes libros con nós, e decidimos facer unha boa despedida para que todo o alumnado, incluso os máis pequenos, puidese, polo menos un día, disfrutar dalgunhas das súas páxinas. Así que preparamos un programa e fixemos dúas actuacións, primeiro para os maiores, e despois para os pequenos. Repartimos narices de pallaso, globos de cores e moitos risos e sorrisos. Incluso algún bostezo, pero de broma, eh?

"Natacha", "28 historias de risa", "El apestoso hombre queso y otros cuentos maravillosamente estúpidos" e "Batacazos. Poemas para reírse" foron os libros de onde seleccionamos os textos para interpretar

Aquí vos deixamos dúas reportaxes:

Actuación para 2º e 2º e 3º ciclos de Primaria.

Esta é a sesión dos máis peques

FUNDACIÓN GERMÁN SÁNCHEZ RUIPÉREZ

Esta é a colección da Fundación Germán Sánchez Ruipérez, da que podemos disfrutar desde o pasado 21 de novembro, e que permanecerá na nosa Biblioteca ata o 16 de xaneiro. Permítenos comparar esta selección cos fondos existentes nos nosos andeis e completala durante un tempo para poder disfrutar dela traballando nas aulas ou, incluso, facendo o habitual empréstito para as casas.
Esta fundación está, como ela mesma expón, "comprometida cun ambicioso proxecto cultural e educativo nunha sociedade democrática.
Estimular as formas máis variadas de creación cultural, contribuír ao fomento da lectura, á innovación educativa e ao desenvolvemento dos estudos universitarios, son obxectivos que orientan as nosas accións"