Unha chea de recomendacións lectoras para o verán!

Recomendacións lectoras para este Nadal

Un ano máis, Chispa déixanos por aquí as súas recomendacións lectoras para que non vos esquezades de engadir algún libro na vosa carta ao Apalpador, PapáNoel ou Reis Magos, ou se queredes pasar pola vosa libraría de confianza para agasallarvos con tardes e tardes de lectura. 

E xa sabes, se non les, non pasa nada... 

Pero se les, poden pasar moooooitas cousas.

Recomendacións lectoras para este verán

Velaiquí tedes as recomendacións lectoras de Chispa para este verán!!!

 

Recomendacións lectoras para o Nadal

Este Nadal Chispa déixanos unha chea de recomendacións lectoras por se aínda estades a tempo de incluir un libro nas vosas cartas ao Apalpador, PapaNoel ou os Reis Magos. Unhas recomendacións que teñen moi en conta o valor da diferencia e cheas de valores para acadar un mundo mellor, en prol dos Obxectivos de Desenvolvemento Sustentable da Axenda 2030.

E xa sabedes, que se non les non pasa nada,

pero se les, pasan moitas cousas.

E aquí van as derradeiras...

O ano pasado durante o confinamento iniciábamos esta sección coas recomendacións lectoras do alumnado feitas desde a casa. Este curso, ainda que xa non estábamos confinados, parece que lle collimos o gusto a isto do formato audiovisual e incorporamos ás nosas habilidades a creación de contido, superando en cantidade e calidade ás do curso pasado.

Ao alumnado, ofrecémoslle así a posibilidade de expresarse de forma natural sobre os seus gustos e intereses, poñendo en xogo as súas habilidades lingüísticas e as de tratamento da información. Descubrimos así talentos e rasgos da personalidade que poden pasar desapercibidos se non teñen ocasión a seren manifestados.

É marabilloso ter o blog da biblioteca cheíño de recomendacións lectoras feitas co corazón.

E non paran de chegar máis e máis recomendacións lectoras

Seguimos sumando libros para crear a nosa xeografía lectora. Todos os libros que lemos deixan en nós unha pegada única e inesquecible. Por iso é tan importante escoller ben o que lemos.

E máis recomendacións lectoras con corazón 💓

Rematamos o mes de abril cunha chea de fermosas recomendacións lectoras feitas polos lectores máis molóns do cole e que sumamos á nosa sección de Booktubers. 

Que aínda non participaches??? Non pode ser!!!

Anímate a enviar o teu vídeo recomendando un libro co que gozaras moito a 

chispadepazos@gmail.com

 

 

Recomendacións lectoras feitas co corazón 💓

E xa comezan a chegar as primeiras recomendacións lectoras feitas co corazón, para continuar coa serie de Booktubers do cole de Pazos, iniciada no curso pasado durante o confinamento por mor da COVID-19.

Anímaste? Pois lembra o que nos dicía Chispa na súa última carta:

Escribiches xa a túa carta? Non esquezas incluir un libro!

Chega o Nadal e os arelos de compartir coa familia estas datas tan sinaladas. Panxoliñas, luces de cores, turróns e mazapáns... e de seguro que todas e todos estades ás voltas coas cartas ao Apalpador, a Papá Noel e aos Reis Magos, non vaia a ser que olvidemos algún!

Pois lembrádevos de incluir algún libro nas vosas cartas para soñar con mil e unha aventuras e mundos imaxinarios. Porque xa sabedes que se non les, non pasa nada, pero que se les poden pasar moitas cousas! 

FELICES LECTURAS NO NADAL!!!

E seguimos coas recomendacións lectoras: Máis Booktubers do CEIP de Pazos

E durante todo este mes de abril foron chegando máis e máis recomendacións lectoras desde as casas...  

De verdade que este abril si que está sendo un MES DOS LIBROS.

Chispa non pode estar máis orgullosa de todos vós.

Grazas!

Feliz Día do Libro 2020 e felices lecturas

Un ano máis tócanos celebrar o Día do Libro, mais este ano o facemos dun xeito moi especial e que permanecerá por moito tempo na nosa memoria, xa que unha situación tan excepcional como a que estamos a vivir sen dúbida marcará a nosa viaxe de vida.

Desde o confinamento dos vosos fogares respostastes á chamada de Chispa. Quixo que vos convertérades en "Booktubers" e que provocárades unha pandemia de recomendacións lectoras, e así o fixestes. Mais esta pandemia non é letal, nin moito menos, senon sanadora. 

E cal é a mellor forma de celebrar o Día de Libro? Pois non se nos ocurre mellor maneira que coa última das recomendacións lectoras chegadas á caixa do correo electrónico de Chispa. Pero ollo, que non é unha recomendación dun só libro, eh? É unha recomendación lectora dunha chea deles. Preparádevos para escoitalo!

Grazas Roi, por compartir con nós todos estes libros e os teus arelos deste confinamento. 

 

Feliz Día do Libro e Felices Lecturas!

e recorda...

Se non les, non pasa nada.

Pero se les, 

poden pasar moitas cousas.

E neste día tamén queremos renderlle homenaxe ao escritor que da nome á nosa Biblioteca, recordando a exposición que tivo lugar en Ferrol no ano 2010: "Juan Farias. Un mar de palabras e de imaxes sobre o escritor e ferrolán universal"

Agradecemos ao Concello de Ferrol a elaboración deste audiovisual no que se recolle o contido desta exposición con elementos da súa vida e a súa obra, así como as aportacións feitas por importantes escritores galegos amigos do autor.

Booktubers en corentena do CEIP de Pazos

Chis, chis, plof, plof! 

Pois parece que os nenos e nenas do cole de Pazos están dispostos a provocar unha marabillosa pandemia de recomendacións lectoras... Por aquí deixamos as que me están a chegar estes días... 
E se vos gustou facelo, podedes repetir, eh? Non o dubidedes!!! 

Pero sobretodo, felices lecturas!

Día Internacional del Libro Infantil e Xuvenil

Desde 1967, o 2 de abril, coincidindo coa data de nacemento do escritor danés Hans Christian Andersen, o IBBY (International Board of Books for Young people) promove a celebración do Día Internacional do Libro Infantil e Xuvenil co fin de promocionar os bos libros e a lectura entre os máis novos.

E nós, querémolo celebrar por todo o alto nada máis e nada menos que cunha recomendación lectora que nos fai Darío, de 3 anos, desde a súa casa nestes tempos de corentena. Provoquemos unha verdadeira pandemia, pero que sexa de recomendacións lectoras.

Que vivan os libros e que viva a literatura!!!

Booktubers en cuarentena - Pandemia de recomendacións lectoras

Chis, chis, plof, plof!     

Queridas nenas e queridos nenos do Cole de Pazos:

Desde o País dos Libros quero facervos chegar unha proposta molona, que aínda que leva tempo cocendo, está recén saída do forno... 

Nestes días de aillamento nas nosas casas, usamos moito internet e as redes sociais para manternos en contacto. Ás veces somos meros espectadores, pero o verdadeiro valor destas ferramentas de comunicación é cando somos nós os protagonistas, os creadores de contido.

Por iso, propóñovos convertervos nada máis e nada menos que en "BookTubers"? Que tedes que facer? Pois é moi sinxelo:

Provoquemos unha verdadeira pandemia de recomendacións lectoras para encher a nosa cuarentena de sorrisos amables. 

Chis, chis, plof, plof!

 E velaiquí tedes a primeira contribución a esta pandemia de recomendacións lectoras: A profe Kelly recoméndanos Nadarín, de Leo Lioni.

E chegou a maleta de Chispa

Hoxe foi un día de emocións desde primeira hora, xa que nada máis chegar ao cole e xusto despois da nosa rutina de activación matinal soou nos corredores do cole ese inconfundible Chis, chis, plof, plof... que nos fixo subir case voando á nosa Biblioteca.

E alí, estaba esperándonos unha sorpresa espectacular, porque non é que Chispa nos deixara a súa maleta chea de libros coma sempre, é que a Biblioteca enteira estaba repleta de libros, pero non só de libros... asentos de varios tipos, pulsadores luminosos e sonoros, xogos, teclados especiais, ... e ata un bambán para colgar do teito!

E por supostísimo, había carta. E como Chispa entérase sempre de todo o que acontece no cole, traía aires do leste e viña convertida en "Chispa Poppins".

Tamén deixounos as súas recomendacións lectoras para o Nadal e desta volta incluían unha reseña moi especial, xa que Xerezade Ansedes, ex-alumna do cole de Pazos e creadora do bosquexo da nosa Chispa, acaba de publicar o seu primeiro libro.
Desde aquí queremos desexarlle a mellor sorte do mundo na súa andaina literaria, que estamos seguras que a levará moi, moi lonxe.

RECOMENDACIÓN LECTORAS PARA O VERÁN

RECOMENDACIÓNS LECTORAS PARA O VERÁN

Estas son as RECOMENDACIÓNS LECTORAS que hoxe entregamos ao alumnado. Este curso as recomendacións de lecturas do verán van centradas na alimentación. Sabedes que temos pendente a inauguración definitiva do  MERCADO DE CHISPA, pero, a pesar de que xa funcionou estes últimos meses,  habemos de esperar ao vindeiro curso para velo co seu renovado aspecto. Así que non imos publicar fotos ata telo totalmente listo. Esperade e veredes! Mentres tanto, FELICES LECTURAS NO VERÁN!

ENTREGA DA REVISTA E AS RECOMENDACIÓNS LECTORAS

Hoxe fixemos entrega das revistas deste curso e as recomendacións lectoras que podedes ver a continuación.

LIBROS CON CORAZÓN!

Xa temos todo preparado para facer as nosas recomendacións. Se algún libro roubou o teu corazón, se cadra queiras compartilo cos teus amigos ou amigas! Aproveita esta ocasión e 

RECOMENDA LIBROS!!!

RECOMENDACIÓNS DE CHISPA PARA UNHAS FELICES LECTURAS POLO NADAL

Recomendacións para as familias

Exposición de Libros recomendados