# soy aténtico #soy auténtica: # auténticos DO CEIP DE PAZOS

Recordades a visita a 1º e 2º da que vos falabamos onte, verdade?  Pois hoxe deixámosvos o vídeo co que estes pequenos Rebulideiros se uniron á súa campaña #auténticos

DÍA MUNDIAL DO SÍNDROME DE DOWN: Visita de TEIMA

Hoxe día 21 de marzo, Os Rebuldeiros de Pazos (1º-2º de Ed. Primaria) tiveron unha visita moi especial para conmemorar o Día Mundial do Síndrome de Down: a visita de Mar, Susana, Salu e Yovana. As catro pertencen a TEIMA, Asociación Síndrome de Down (Ferrol).

Viñeron a ler un conto que tiña por título “Vamos a celebrar la DIVERSIDAD”. Onde os protagonistas deste conto eran o grupo mediano de Teima: Marcos, Luís, Eva, Isa, Sara, Álex e Yerai. Deste modo, os Rebuldeiros puideron saber como eran, o que lles gustaba e o que non lles gustaba.

E se eles presentáronse, tocáballe a quenda aos Rebuldeiros. Cada un de eles/as escribiu nun “banderín” como eran fisicamente, debuxou un retrato e escribiu información sobre cando precisan axuda, cales son os seus medos e os seus amores ou mesmo os soños que teñen.

Unha actividade xenial xa que reflexionaron, coñecéronse máis e... déronse conta de que todos somos distintos e auténticos.

Para rematar, Mar, que é unha rapaza con Síndrome de Down explicounos como foi a súa escolarización: as dificultades que tivo que superar e o que está estudando actualmente: quere sacarse o nivel tres de competencias, prepara oposicións para celadora, continúa estudando galego e sen esquecer ir a clases de zumba ou cociñar xa que sente paixón por ambas cousas.

Esperamos que volvan pronto! Temos un proxecto que terminar en conxunto: un libro viaxeiro sobre o Universo.

Como colofón final a este día, os Rebuldeiros sumáronse á campaña promovida por Down España co motivo do Día Mundial do Síndrome de Down no que se fixeron unha foto ou graváronse en vídeo cun adhesivo da campaña na solapa.