Hoxe pola mañá, e invitados pola Editorial Xerais, e dentro da campaña BOCABERTA, Asistimos a un espectáculo do Mago Cali. A través da súa maxia presentounos a novela "Amancio Amigo e O Meigo de Salamanca", un título de Xosé Miranda, ilustrado por Patricia Castelao.
"Amancio, que é o rapaz protagonista, é un mozo que vive no Courel. El é pobre, e está namorado de Susana, a filla do cacique, o cal significa: problemas. Amancio marchará a Salamanca a seguir estudando pero aí cambiará totalmente a súa vida cando entre en contacto cos meigos das covas de Salamanca... " ¿Como acabará esta historia de amor e fantasía? 
Grazas á Editorial Xerais, que agasallou a cada un de nós co libro, poderemos coñecer de primeira man esta novela, e adentrarnos no mundo da maxia e do amor.
E agora invitámosvos a entrar con nós no Teatro Jofre ver algunhas das fotos que puidemos facer.
Tedes máis información sobre a campaña BOCABERTA no blog de Normalización e Dinamización Lingüística do noso centro.
.png)
