Pechando o curso con xogos populares e máis.

Dende a ANPA envíannos este vídeo. Hoxe foi un deses días intensos nos que de novo a comunidade escolar se xuntou para pasar unha mañá chea de emocións, primeiro unha impresionante exposición do proceso creativo da obra da Compañía LoVeznos, despois, a estrea da obra de teatro na A.VV. de Pazos, logo os Xogos Populares agasallados pola ANPA e ademais, tooodo o que alí había de larpeiradas para comer.

Ver esta publicación en Instagram

Una publicación compartida de CEIP de Pazos - Mestre García Niebla (@ceipdepazos)

Dende o centro dámosvos as grazas ás nais e aos pais que estades aí sempre, apoiando e traballando para facer do noso colexio un mellor lugar. Grazas polo recoñecemento, polos ánimos e polas palabras de agarimo que recibimos onte as/os profes. Sabede que é recíproco e que valoramos e apreciamos as vosas mostras de cariño.  

Estas familias bótanlle moito teatro!

Grazas a unha actividade de teatroactividade de teatro lido desenvolta o curso pasado no Lectura e familias conducida por Manel Dopico, pai de Manu e Aroa, xurdiu a inquedanza de organizarse e crear a primeira compañía de teatro de familias do cole de Pazos:

Ao longo de todo o curso reuníronse os martes pola tarde para ensaiar: aprender guións, preparar a escenografía, o atrezzo...  Xa veremos se non lle sairía unha ruda competencia á compañía LoVeznos!

Están a traballar sobre unha obra de Fernando González Graña, “O máxico e tolo Camiño de Compostela”, de Edicións Fervenza e teñen prevista a súa estrea o vindeiro venres 14 de xuño no local social da Asociación de veciños de Pazos.

De seguro que será un exitazo! 

Parabéns familias!

Produtos da horta: chícharos e leitugas para os peques do cole.

E chegou o tempo de colleitar algúns dos froitos da nosa horta. Esta semana os peques deron conta dos rabaniños, dos chícharos e das leitugas que con tanto mimo plantaron. Moitos coidados e moita auguiña fresca ao longo destas semanas dunha morea de mans pequenas dispostas en todo momento a traballar.

Aquí os tedes en acción o día que apañaron e debullaron os chícharos da horta. 100% ecolóxicos 😋😋😋 Un traballo excelente para a motricidade fina destes pequenos labregos.

E tamén apañamos as leitugas! Vaia pinta tan boa que tiñan e que lindas as cariñas de felicidade dos peques con elas.

(preme nesta foto para acceder ao album completo)

E como non podía ser doutro xeito, esta fin de semana tocou ensaladas variadas e guarnición de chícharos. Ñam, ñam! Que marabilla cando escola e familia colaboran para crear hábitos de alimentación saudable, verdade?

Bo proveito!