Amosando publicacións coa etiqueta Entroido. Amosar todas as publicacións
Amosando publicacións coa etiqueta Entroido. Amosar todas as publicacións

venres, 9 de febreiro de 2024

E así foi a nosa celebración do Entroido en Banda Deseñada

Hoxe o cole estivo invadido das máis variopintas personaxes da banda deseñada... clásicos, modernos, do país, do manga... dos que saen nas pelis, dos que case ninguén coñece... E dímonos conta que isto é un universo no que temos moito por descubrir. 

E ti, de que vas? Foi a pregunta máis repetida ao longo da mañá. Desde a Mafalda de Quino, ou Tintín e o Capitán Haddock de Hergé... ata Doraemon de Fujimoyo ou Arale de Toriyama do mundo manga, superheroes e superheroínas Marvel e por suposto outros máis próximos, como os Zipi y Zape de Escobar ou Dora a desbrozadora do noso Luis Dávila... todos estes e moitos máis estiveron presentes no noso entroido en banda deseñada.

Preme nesta imaxe para ver as fotos deste día.

E como a choiva deunos un respiro saímos a dar unha volta ao redor da escola para lucirnos acompañados das nosas familias. 

Xa de volta puidemos degustar unha merenda con doces entroideiros feitos na casa, grazas á colaboración da ANPA, quen se encargou da loxística dos petiscos e o reparto. Coma sempre, grazas!



E como a choiva seguiu respectándonos, queimamos o Meco, que viña disfrazado do Otilio "chapuzas a domicilio", a ver se nos remata as obras no cole dunha vez por todas... Iso si, non sen antes proceder á lectura do seu testamento.


E logo festa rachada... Música e bailes para a rapazada!


Que viva o Entroido e que viva a banda deseñada!

xoves, 8 de febreiro de 2024

mércores, 7 de febreiro de 2024

venres, 2 de febreiro de 2024

xoves, 1 de febreiro de 2024

Mandados do Meco neste entroido en Banda Deseñada

Velaiquí tedes os mandados do Meco para este entroido inspirado na banda deseñada. Lembrade que o importante é pasalo ben argallando os disfraces e que para gozar no entroido non é preciso gastar cartos, senon deixar voar a imaxinación! 

A entroidar, familias!

venres, 17 de febreiro de 2023

E así festexamos o Entroido!

E despois de gozar tanto co xogo dos 100 días, tocaba pasalo ben co entroido. Houbo moita música e bailes, desfile e xogos. 


Preme en calquera destas fotos para acceder ao álbum completo.




Pero tamén houbo... merenda entroideira! Grazas, unha vez máis, á nosa ANPA molona que mobilizou a un montón de familias para que puidéramos degustar os doces típicos destas datas. Houbo roscas, freixós e orellas a fartar, das que demos boa conta. Unhas larpeiradas caseiras unha vez ao ano, tampouco fan dano, verdade?



 Estaba boísimo todo!!!

E despois démoslle o seu merecido ao noso "Meco Gasolino", neste entroido no que reclamamos accións cara a unha transición enerxética sostible, non sen antes darlle lectura ao seu testamento!



e que ademáis podedes escoitar aquí, nas voces de Q.S.U., e tamén no noso blog da radio "Son de Pazos".






Que viva o Entroido!!!

venres, 25 de febreiro de 2022

Entroidando cos #ODS. Todo un reto!

Xa sabedes que este curso andamos a voltas cos ODS da Axenda 2030 e por iso este ano o Meco trouxo estes mandados tan singulares e que tanto nos fixeron romper a cabeza. Pero o importante non eran os mandados, senon pasalo ben argallando estes divertidos complementos e entroidar, porque vainos moito a festa. 

O Entroido é unha celebración moi tola no que todo está permitido. E como neste mes de febreiro estamos a traballar o ODS 12: PRODUCIÓN E CONSUMO RESPONSABLE, os nosos disfraces podían ser de calquera cousa, pero seguindo a premisa de que fose sustentable. Xa sabedes o das 3R´s, verdade? REDUCE, REUTILIZA E RECICLA.
Pois iso, o disfraz de choqueiro de toda a vida! 
Que se un sombreiro por acá... que se voume facer este complemento cunha caixa de cartón... que isto que ía ir ao lixo vouno poñer aquí... e voilá! Argallamos un disfraz de baixo custo, mínimo impacto ambiental e ademais pasámolo ben construíndoo. Que máis se pode pedir? 

Pois xa postos, imos pedir música, un pequeno desfile, algo de festa... 





Houbo premios para os mellores disfraces e foron concedidos por aclamación popular, non como no "Benidorm Fest", xa que foi o propio alumnado quen decidiu cales tiñan que ser os gañadores.
E foron:
Irene (3 anos), Érica (2ºEP), Emma (3º EP) e Samu (6ºEP)
Menudos artistas!!!
 E de premio... unha escarapela reciclada e improvisada a máis non poder!!!

E por pedir... imos pedir tamén algo saboroso de comer, que o entroido é tempo de lambonadas. E se pode ser, un chocolate quentiño para acompañalas.

Grazas á nosa ANPA molona que como sempre non dubida en botar unha man na organización das merendolas!!!
Olaia, Pipi, Rebe, Andrea e Noelia. Grazas! 
Pero grazas tamén a todas as que colaborastes na sombra e non saídes na foto.

E tocou queimar o Meco, pero o vento concedeulle o indulto. Aínda así, procedimos á lectura do seu testamento e agardamos que o indulto sexa temporal e que a volta poidámolo queimar.



Viva o entroido e vivan os #ODS!!!

xoves, 17 de febreiro de 2022

Os mandadODS do Meco #ODS

Este ano o Meco ven disposto a nos tolear. 

Xa sabedes que o Entroido é un tempo do ano para brincar; Un tempo de grandes festas de máscaras e saborosas comidas. No Entroido perde a súa vixencia os valores e normas do resto do ano e todo está permitido, tentando ridiculizar todo o considerado serio o resto do ano.

Por iso este ano ven o Meco a facer das súas cos seus disparatados mandados, e este ano, como non podía ser doutra forma, tiñan que estar relacionados cos ODS. 

Seremos capaces de deixar voar a nosa imaxinación e rachar co convencional? O importante non é o disfraz, senón a actitude e facer cousas disparatadas; é unha maneira de ceibar fora as frustracións de todo o ano. Nestas festas desaparecen as categorías sociais, todos somos iguais, todos somos máscaras. 

Así que gozade artellando todos estes complementos que ben poden servir (ou non) para darlle forma ao disfraz que luciremos ao final de semana, recordando que debemos de facelo dun xeito responsable con respecto ao consumo e ecosustentable (refugallo) co noso planeta.

Non se trata de comerse 20 iogures para facer unha perruca, senon de aproveitar algo que non tiña moita utilidade, ou que xa tivéramos na casa para darlle outro uso incorporándoo ao noso disfraz. Como sabemos que este ano é un pouco máis difícil que outros, por aquí vos deixamos algunhas ideas:

Para o ODS 3: SAÚDE E BENESTAR


Para o ODS 10: REDUCCIÓN DAS DESIGUALDADES


Para o ODS 2: FAME CERO




Para o ODS 4: EDUCACIÓN DE CALIDADE




E para o ODS 12: PRODUCIÓN E CONSUMO RESPONSABLES

Lembrade as 3R´s: REDUCE, REUSA, RECICLA










Recordarvos que o entroido é unha festa para disfrutar e que mellor forma que facer algunha manualidade en familia para logralo. Aprendamos a facer un uso responsable dos recursos, tiremos de imaxinación e creemos entre todos un mundo mellor, moito máis sostible.

#esPazODSparaaconcienciACCIÓN