Amosando publicacións coa etiqueta Coeducación. Amosar todas as publicacións
Amosando publicacións coa etiqueta Coeducación. Amosar todas as publicacións

luns, 28 de novembro de 2022

Charla: O xoguete non sexista e inclusivo

Hoxe, dentro da escola de familias, tivo lugar unha charla coloquio sobre "O xoguete non sexista e inclusivo", da man das profes Bibiana e Claudia. 

Serviunos para facernos reflexionar sobre cómo estamos condicionados polo sexo, o xénero e os estereotipos na sociedade actual e para facernos conscientes da necesidade de facer unha carta de Nadal equilibrada, nestas datas nas que os agasallos están tan presentes. 

Pouco a pouco abrimos a mirada e aprendimos a identificar as claves que convirten en obxectos sexistas os xogos e os xoguetes, facéndonos conscientes do perigo dos estereotipos e cómo estes afectan ás crianzas.

Grazas ás familias que puidestes achegarvos ata a escola esta tarde para gozar desta charla tan enriquecedora.

Preme nesta imaxe se queres ver máis fotos.

E ás que non puidestes achegarvos, deixámosvos a presentación sobre a que falamos ao longo da tarde que como veredes ten mooooita información sobre a que reflexionar, porque en palabras de Marian Moreno, experta en coeducación, "falar de xogar é falar de aprender; falar de xoguetes é falar de aprendizaxes para a vida".


Grazas Bibiana e Claudia por esta información tan interesante! 

martes, 16 de novembro de 2021

Obradoiros de ilustración con Anxo Fariña: Diversimonstros e A cidade violeta.

Hoxe estivo con nós Anxo Fariña, escritor, ilustrador, deseñador e profesor de Belas Artes,  para realizar uns obradoiros de ilustración que aproveitamos para avanzar na nosa Misión do ODS 10: Redución das desigualdades.

Tivemos dúas sesións, con temáticas diferentes.

A primeira, para os peques e @s rebuldeir@s do cole, DIVERSIMONSTROS, no que aprendimos a pintar, debuxar e crear un xogo monstruoso, pero sobre todo aprendimos que non todos somos iguais e que as diferenzas son as que fan máis marabillosa a humanidade e o noso mundo.


Creamos criaturas divertidas e sorprendentes que se poden ver na escuridade. Un canto á diversidade e á diferenza como fortaleza.


E despois, foi a quenda dos maiores, coa CIDADE VIOLETA; un obradoiro de ilustración e creatividade no que se pon o foco na igualdade e na loita contra a violencia de xénero. 
Construiron unha cidade-escultura que se pode ler e empregaron pintura especial que reacciona á luz ultravioleta, cun sorprendente e emocionante final.

Foi unha mañá diferente, chea de creatividade e bo humor na que seguimos avanzando na nosa misión dos ODS para facer un mundo mellor, facéndonos conscientes da importancia da redución das desigualdades entre as persoas.

Pero antes de marchar, Anxo Fariña deixounos uns agasallos fermosísimos en forma de ilustracións:

Un "Enzo" e unha "Aroa" para a posteridade...


e unha fermosísima sinatura no noso libro de visitas.

Por un mundo cheo de cidades violetas habitados por diversimonstros...

Axenda 2030: 
"esPazODS para a concienciACCIÓN"


domingo, 10 de novembro de 2013

MULLERES NA SOCIEDADE, NENAS NA ESCOLA

Moi perto da celebración do 25 de novembro, o Día Mundial da Loita contra a Violencia de Xénero,o pasado xoves 7, tivemos a visita de Maruxa, a avoa de 82 anos que vedes na imaxe, mais a súa neta Alba, de tan só 11. Chegaron ao noso cole para visitar aos nenos e nenas do 2º e 3º ciclo e analizar con eles a evolución do papel da muller na sociedade nas últimas décadas. Dunha forma divertida, con rápidos e amenos diálogos,  e axuda de imaxes conseguiron facerlles reflexionar sobre a situación da muller hoxe en día. Fixeron un percorrido pola súa situación  a través do tempo na familia, na escola, no traballo, na sociedade en xeral...
Agora toca o traballo na aula e nas casas. Coma sempre, un gran de area que suma para o futuro do noso alumnado.

Para rematar, Alba leunos o conto "Unha feliz catástrofe", de Adela Turín e Nella Bosnia, que algúns se cadran recordarán de ter lido noutros cursos...