Amosando publicacións coa etiqueta Maga Feli. Amosar todas as publicacións
Amosando publicacións coa etiqueta Maga Feli. Amosar todas as publicacións

domingo, 11 de marzo de 2018

MAXIA EN FEMININO! - MAGA FELI!-

https://photos.app.goo.gl/kPxrjnmTJmN1mmCj1
Seguimos publicando imaxes; agora, as do broche que puxo fin á xornada de busca de tesouros na Biblioteca polo DÍA INTERNACIONAL DA MULLER TRABALLADORA. A nosa ex compañeira Feli fixo as delicias dos pequenos e pequenas; non tedes máis que fixarvos nas fotos... 
Non sabemos como adquiriu os seus poderes, pero o caso é que deixounos coa boca aberta en máis dunha ocasión. Se cadra, as fermosas palabras que Antón Cortizas lle adicou no seu momento, teñen moito de certo, non si? 
"Cun pión de palabras, o pole dos teus soños encheu de sons e maxia o universo das túas aulas" E é o que segue a facer!
MIL GRAZAS POR COMPARTIR CON NÓS 
OS TEUS PODERES MÁXICOS! 
E, ATA OUTRA? 

luns, 23 de maio de 2016

FELIZ DÍA DAS LETRAS GALEGAS

Non podedes imaxinar a que montamos o outro día!!!! Que vaaa; pero se foi tremendo!!
Maxia e poesía todo xunto! Como vos quedades??
Tivemos unha invitada especial, querida por nós e que nos quere; por riba fai maxia!! Maxia e poesía, vaia binomio!! 
Como cada curso, tentamos que a celebración das Letras Galegas sexa unha CELEBRACIÓN!! Pero é que este ano, ademais, adicarllo a Manuel María foi un agasallo por ser un poeta tan querido. A semana pasada fomos preparando a súa biografía e as ilustracións que compoñerán o LIBRO COLECTIVO destas Letras. A exposición, coma sempre, loce de marabilla na entrada do colexio, xunto cos libros dos outros anos e a bibliografía de Manuel María coa que contamos. 
 Ademais disto, preparamos uns poemas para recitar e a cantiga O CARRO, fermosa onde as haxa, non si?
Por último, para o día 20, unha chea de sorpresas nos esperaban na Biblioteca. Xa nada máis entrar atopamos o recanto dereito do escenario que preparáramos de véspera, cheo de libros noviños... E unha carta de Chispa. Sempre, sempre, sempre consegue deixar cousas no cole -fundamentalmente libros, claro- sen que nos enteremos. Desta vez tivo que facelo de noite -e non é a primeira vez que o fai- porque, cando chegamos pola mañá atopamos todo así colocado. Ao principio pensamos se alguén tería feito unha broma e desordenado libros dos andeis..., pero que va!! se eran novos!!!
Conclusión, que comezamos lendo a carta. Sempre nos escribe unhas letras para saudarnos e, ás veces, desculparse por non se poder quedar..., que se anda liada, que se ten moito traballo; esas cousas... Pero os libros; eses si que os deixa!!


 Despois de ler a carta, recollemos todo rapidamente para que quedase tal cal o tiñamos preparado para recibir á Maga Feli!! E despois da conta atrás e das palabras máxicas, apareceu: 10, 9, 8, 7, 6, 5, 4, 3, 2, 1, 0... ABRAPALABRA, ANÍMATE E FALA!!!
E é que esta maga ten un especial cariño polo noso idioma, pola lectura, pola poesía, polo colexio... e necesita do idioma e dos versos para renovar a enerxía que vai consumindo de cada vez que fai uns trucos; de aí que de cada pouco tivésemos que recitar os poemas de Manuel María. Toda unha inspiración!
 Todo fíxose a través dun TLEXORNAL dende os estudos centrais en Outeiro de Rei, onde se atopaban Kelly e Sofía, en conexión directa coa Biblioteca Xoán Farias, aquí, a enviada especial Alejandra serviu de ponte para dar paso ás diferentes actuacións. 
Rematamos o acto cantando unha doce versión de Guadi Galego, O CARRO, e cunha explosión de cofetti. 
Felicidades para todos e todas, pero en especial, o noso agradecemento máis agarimoso para Feli pola súa xenerosidade e o seu ánimo contaxioso! Mil primaveras máis para Galicia!!
O MEU BARCO 
Teño un barco de xoguete 
e nel me quero embarcar. 
Polos mares dos meus soños 
¡quén me verá navegar! 
Navegarei por mil ríos, 
sete mares hei cruzar. 
¡No meu barco de xoguete 
cansarei de viaxar…! 
¡No meu barco de xoguete, 
mariñeiro e capitán…! 
¡Non teño medo ao trebón 
nin me asusta o furacán! 
¡O meu barco de xoguete! 
¡O meu barco moito val: 
verei terras, verei illas, 
verei mares de coral…! 
 ¡Andiven todos os mares! 
¡Xa cansei de navegar 
co meu barco de xoguete 
sen saír do meu fogar! 

GALICIA
Galicia docemente

está ollando o mar:

¡ten vales e montañas

e terras para labrar!


Ten portos, mariñeiros,

cidades e labregos

¡cargados de traballo
cargados de trafegos!


 Galicia é unha nai
velliña  e soñadora:

¡na voz da gaita rise,

na voz da gaita chora!

Galicia é o que vemos:

a terra, o mar, o vento…

¡Pero hai outra Galicia
que vai no sentimento!

Galicia somos nós:

a xente e mais a fala

¡Si buscas a Galicia
en ti tes que atopala!

 

luns, 22 de xuño de 2009

ABRACADABRA, RONDÍN PICOTÍN


Ou o que é o mesmo: Maxia na Biblioteca de Pazos.
¿Imaxinades o que é ver ao Mago Caio e á Maga Laretas en acción? Pois non, non o imaxinades; ou estades alí, ou non sabedes o que é. E se non, preguntádelle ao público tan entregado que tiveron o pasado venres.
Ademais, entre os dous chamaron a Chispa, e alí chegou a súa maleta con carta, libros e lambetadas incluídas!
Así despedimos á nosa compa Mª Luz, cun sorriso e un bico moi grande, porque se hai algo que sabe facer é SER MESTRA, e ademais así, con maiúsculas.
Está prometido que Laretas nos fará unha nova visita, ou varias..., o curso que vén; e nós xa estamos esperando. Ata cando queira; porque ninguén manexa o "varón" (vocabulario técnico da maxia de Caio e Laretas) mellor ca ela, porque Caio necesita á súa compa, porque ten unha capa moi fermosa e porque a queremos!

ATA SEMPRE!