Amosando publicacións coa etiqueta Trémola Teatro. Amosar todas as publicacións
Amosando publicacións coa etiqueta Trémola Teatro. Amosar todas as publicacións

luns, 20 de maio de 2024

Luisa Villalta, a nena do violino

E un ano máis, Trémola Teatro achegouse ata a nosa biblioteca para enchela de maxia e trasportarnos ao mundo das letras e da música da man de Luísa Villalta, sexta muller homenaxeada no Día das Letras Galegas e outra galega máis das letras, entre moitas.

Luisa e Susana Villalta, fotografía do arquivo familiar que pode verse na exposición "Luísa Villalta, a memoria dos sons", na Biblioteca de Galicia, na Cidade da Cultura.

Con "Luisa Villalta, a nena do violino", puidemos facer un percorrido desde a súa infancia - na que estaba inseparablemente unida ao seu "violino" - ata que descubriu o seu primeiro libro de poesía. A medida que crecía, Luisa Villalta enfrontouse a novas realidades que non lle gustaron moito e por iso decidiu que tentaría cambiar o mundo. Un percorrido pola vida e a obra da nosa homenaxeada, pola música, a literatura, a poesía, as aulas e o activismo social.

Preme nesta imaxe para ver máis fotos. 



Que vivan as Letras Galegas e que viva Luísa Villalta!

Por mil primaveras máis para a nosa língua!

xoves, 18 de maio de 2023

Unha nova galaxia, con Trémola Teatro

 

Nesta foto tes o acceso ao álbum completo.

E para celebrar as nosas Letras Galegas, hoxe tivemos a sorte de contar con Paula de Trémola Teatro, que achegouse ata a nosa Biblioteca para contarnos un montón de cousas sobre a vida e a obra de Francisco Fernández del Riego, homenaxeado neste 17 de maio, a través dunha participativa obra de teatro que leva por título "Unha nova galaxia". 

É que Paco quería cambiar o mundo aínda que non sabía como. Por iso, todas as noites falaba coas estrelas para pedirlles axuda. Non importaba se estaba só ou lonxe da casa, porque elas sempre o acompañaban.

Cando na ditadura as cousas comezaron a complicarse, Paco miraba as estrelas e soubo que era o momento de comezar unha loita silenciosa a través das letras.

A verdade é que foi unha sesión moi participativa, o que fixo que non perdéramos detalle da biografía de Francisco Fernández del Riego.












Pasámolo en grande. Que vivan as Letras Galegas!

E que veñan mil primaveras máis para a nosa lingua!!!

venres, 13 de maio de 2022

E así celebramos as Letras Galegas!

Aínda que faltan uns días para o 17 de maio, data na que se publicou por vez primeira Cantares Galegos de Rosalía de Castro, hoxe tocou celebrar as Letras Galegas adicadas a Florencio Delgado Gurriarán.

Ao longo da semana estivemos traballando nas aulas sobre a vida e a obra do homenaxeado, elaborando as páxinas do libro colectivo que facemos cada ano, pero hoxe tocaba celebralo dun xeito especial.

Na primeira parte da mañá puidemos aprender un chisquiño máis sobre a vida do poeta homenaxeado este ano grazas a Paula Regueiro de Trémola Teatro, cunha entretidísima sesión de contacontos teatralizado na que coñecimos algúns dos seus poemas a través dunha viaxe sobre as costumes e feitos doutras épocas, achegándonos así ás nosas tradicións.

Estivemos superatentos, estaba isto para non perder detalle, pero é que ademáis de aprender un montón de curiosidades sobre Florencio Delgado Gurriarán, pasámolo moi ben e iso notábase nas nosas caras. 







Ao rematar, ademáis, puidemos falar con Paula Regueiro, e observar moi de preto todo o atrezzo que empregou neste contacontos tan especial.



Como sempre, se premedes en calquera destas fotos, podedes acceder ao álbum completo.

Que vivan as Letras Galegas!!!