Amosando publicacións coa etiqueta Exposiciones. Amosar todas as publicacións
Amosando publicacións coa etiqueta Exposiciones. Amosar todas as publicacións

domingo, 27 de marzo de 2011

CELEBRAMOS O DÍA DA POESÍA E O TEATRO

Levamos unha semana con intercambio de poesías. Este é o terceiro curso en que decidimos agasallarmonos con poemas. ¿Recordades? "¿HAI VERSOS PARA MIN?" Claro que si! Todos os días visitamos a biblio para ver se alguén nos deixou algún verso de agasallo; ou, se cadra, a deixar algún sen que nos vexa demasiada xente... SORPRESAAA!!! Os libros de poesía da nosa Biblioteca non pararon de pasear dos andeis ou da exposición ás clases, ás casas, outra vez á biblio... - Pois déixame ese libro, anda, que teño que copiar un poema para enviarlle a... - A min encantoume o de... - Profe, profe! Que tes versos na biblio... - Hala!! Que non tes versos? Mmmm! Xa verás como mañá si. Algúns ímolos colocándoos na parede para compartilos cos demais. Pero este venres celebramos o día. Houbo tempo para poemas e para unha pequena escenificación tamén. Noraboa a todos e a todas pola vosa participación, polo voso traballo e entusiasmo.

QUE VIVAN A POESÍA E O TEATRO!!




Se queredes ver un fermoso video, premede en pequesPazos.

sábado, 24 de abril de 2010

VISITA Á EXPOSICIÓN DE JUAN FARIAS


Despois de rematar as actividades no Cantón de Molíns, onde se celebraba a Feira do Libro, continuamos cara ao Centro Cívico Carvalho Calero, alí visitamos a Exposición sobre Juan Farias que o "Grupo Amigos de Juan Farias", de Villaviciosa de Odón ofreceu ao noso Concello. A nosa é a segunda cidade en acoller esta fermosa exposición. Estamos desexando recibir imaxes da nosa visita para poder ofrecelas aquí.