Amosando publicacións coa etiqueta Feira do Libro. Amosar todas as publicacións
Amosando publicacións coa etiqueta Feira do Libro. Amosar todas as publicacións

martes, 30 de abril de 2024

Feira do Libro no IES de Catabois

Como cada curso agradecemos infinitamente ao IES de Catabois a súa xenerosidade por invitarnos nestas datas a pasar unha mañá de  moitas actividades compartidas con ex compañeiras e compañeiros, aos que nos encantou ver de novo. Sempre acertan coas propostas, sempre, ano tras ano. 

Hoxe gozamos dunha excelente exposición, charla, obradoiro, creo que podemos dicir un tres en un, con Manel Cráneo. Gustounos moitísimo! Agardamos a posibilidade de que o vindeiro curso poida visitar o noso centro. Paga a pena!!

Preme nesta foto para acceder ao álbum.


Despois tivemos un tempo para gozar cos xogos populares no pavillón do instituto e visitar o Mercadillo do libro de segunda man, do que non hai fotos porque estabamos ocupados en mercar libros.

E por último, bocatas e auga para unha boa merenda. E autobús para non nos mollar!!!

Pois iso, MIL GRAZAS ao todo o equipo docente que fixo posible isto!!!! Oxalá poidamos seguir compartindo estas xornadas moitos anos máis!

xoves, 27 de abril de 2023

Feira do Libro Solidaria no IES de Catabois

Un ano máis o IES de Catabois convidou ao alumnado de 5º e 6º de Primaria do noso cole a compartir con eles, e co alumnado do outro centro adscrito, unha xornada chea de actividades que rematou cunha feira do libro de ocasión con carácter solidario, xa que a recadación obtida servirá de axuda á Cociña Económica de Ferrol, como xa é costume.

Preme no cartel para ver o álbum completo de fotografías deste día.





Puideron participar nunha conversa-recital con Antía Otero, quen nos axudou a achegarnos á poesía.


Logo desenvolveron un obradoiro de cadros vivintes sobre a temática anual da biblioteca: as emocións, e aquí podedes ver a Diego reinterpretando "Sombreiro amarelo" de Rudolf Hausner, a Uxía como "A moza da perla" de Vermeer ou a Celine e Mario en "Os amantes" de René Magritte.


E por último, tiveron tempo para xogos e merenda, rematando a xornada coa visita á Feira de Libros de ocasión. 

A verdade é que encántanos compartir con vós esta celebración. 

Por moitos anos máis!

sábado, 24 de abril de 2010

VISITA Á FEIRA DO LIBRO EN FERROL

O 22 de abril o segundo e o terceiro ciclo visitamos a Feira do Libro en Ferrol. Este ano, o Día do Libro estivo adicado a Juan Farias, o que para nós supuxo unha verdadeira satisfacción, xa que este importante escritor naceu na nosa terra, en Serantes, logo cremos moi axeitado recoñecer deste xeito o seu labor no marabilloso mundo da literatura infantil e xuvenil.
Ese día disfrutamos de moitas actividades: achegámonos á obra de Don Quixote; aspiramos moitos olores, "Por Narices"; houbo un momento para os xogos populares, para mercar algún libro e, os maiores escoitamos unhas interesantes explicacións a cargo de Xavi, de ASPANEPS, e todo o seu equipo. Fixemos un percorrido pola historia do libro e puidemos crear o noso primeiro. Só nos resta enchelo! Aí é nada!
Tamén tivemos oportunidade de visitar a exposición que o edificio da Fundación Caixa Galicia alberga sobre outro dos nosos grandes escritores: Gonzalo Torrente Ballester -GTB-



venres, 25 de abril de 2008

XIX Feira do Libro de Ferrol

Ilustración de Andrés Meixide. Cartel anunciador da XIX Feira do libro de Ferrol Seguen as actividades no mes de abril. Os nosos alumnos e alumnas participaron nas actividades promovidas polo Concello de Ferrol, e levadas a cabo no Cantón de Molíns. Así nolo conta o xornal de Chispa, que podedes ver na imaxe anterior.
Invitámosvos a visitar esta feira.
Se queredes, podedes ver esta noticia máis ampliada en NOVAXOVE.