Amosando publicacións coa etiqueta Aulas fóra. Amosar todas as publicacións
Amosando publicacións coa etiqueta Aulas fóra. Amosar todas as publicacións

xoves, 16 de xuño de 2022

Levamos as aulas para fóra

E chega o bo tempo e non podemos resistirnos a ter as aulas fóra. Hoxe @s rebuldeir@s estrearon unha das nosas últimas adquisicións. Chámanse ZTOOL, e a partir de agora seguro que escoitaredes falar moito delas, porque é unha ferramenta moi útil e sinxela á vez: unha pá en forma de ZETA que serve para sentarse e que leva unha mesa incorporada. Un deseño innovador que permite ter un posto de traballo en calquera lugar, incluído no novo espazo dos Bancos da amizade.


A que xa estades pensando en usalas no Bosque dos troncos, na horta ou debaixo do ficus arbóreo? Non me extraña!!!

luns, 9 de maio de 2022

Lectura e familias con Charo Pita: "Abrazar coas palabras"

Unha nova sesión do Lectura e familias para peques e rebuldeir@s, desta volta con Charo Pita grazas a quen xogamos a "Abrazar coas palabras". Unha sesión contada, pero tamén cantada, na que puidemos aprender un montón de recursos para contar con proximidade, abrazándonos a través das historias, lidas, contadas ou cantadas.

Queredes ver como foi a sesión? Pois xa vos adiantamos que foi moi especial 💖.










E ao rematar, pasou pola nosa biblio a deixar a súa pegada no "libro de visitas", xa que nos nosos corazóns xa a deixou coas súas historias. Porque aprendeunos a abrazar coas palabras.






martes, 15 de xuño de 2021

Aulas fóra!

E coa chegada do bo tempo e coa certeza do campo enxoito, aproveitamos calquera momento para sair ao marabilloso patio que temos. 

Os pequenos tiveron unha merenda con conto na zona de sombra do parque.

Os rebuldeiros sairon á pista deportiva para practicar coas medidas non convencionais a través dun xogo. Que divertido!!!

Pola súa parte, os tritóns e os maiores aproveitaron para sair á zona dos castiñeiros para a súa sesión de matemáticas. 


(podedes ver máis fotos, premendo en calquera das imaxes)

Como vedes, gozamos dun entorno privilexiado que non podemos deixar de aproveitar e moito máis neste ano, no que onde mellor podemos estar é ao aire libre. 

Pero que sortudos somos!