Formación STEAM no cole con Gazapo

Que non coñeces aos de gazapo??? Non pode ser!!! Se arrasan ano tras ano nas Lego League! 

Pois tivemos a sorte, e grazas a formar parte do proxecto da Asesoría de Bibliotecas Escolares de Biblioteca Creativa, de recibir unha formación STEAM con eles para o alumnado de 3º a 6º de Primaria.

Preme nesta fotografía para acceder ao álbum deste día.

Comezaron os maiores de Q.S.U. cun obradoiro Makeblock, no que montaron os Mblocks en grupos cooperativos e empregraron a aplicación Makeblock para controlar os robots que acababan de montar superando  un circuíto desafío utilizando o modo “conducir”. 

Para rematar realizaron varios retos de programación en SCRATCH utilizando a app MBlocky. Unha pasada!!!

Despois do recreo foi a quenda dos Tritóns. Elas e eles realizaron un obradoiro co Lego BricQ de carreiras de vehículos. 

Entre todas e todos construíron unha pista de carreiras con pezas de “Hotwheels” na que terían que superar varios desafíos:

Primeiro desafío: Coche de inercia. Utilizando os kits de Lego construiremos de forma libre un vehículo para lanzar pola pista.

Segundo desafío: Vehículo con velas. Construiremos un vehículo que terá que moverse utilizando unha pequeña vela de Lego. Para facelo funcionar utilizaremos unha pequeña turbina portátil.

Grazas a Gazapo por compartir con nós a xornada. Podedes voltar cando queirades. Aquí vos somos moi argalleir@s!!!

Que sorte de biblioteca a nosa!

Retos STEAM na biblio: PAPIROFLEXIA

Semana de retos STEAM no recreo!

Preme nesta imaxe para acceder ás fotos destes días.

Esta semana estivemos moi afanadas na biblioteca durante os recreos entre follas de mil cores, dobrando que te dobrarás para crear... de todo un pouco! Unha paxariña, un avión boomerang, un corazón, un coelliño...  Grazas a unha infografía cuns códigos QR que daban acceso a diferentes titoriais , aprendimos a crear coas nosas propias mans todas estas figuras.

 

Todo un reto co que superarse cada día! 

Parabéns a todos os que viñestes durante toda a semana á biblioteca. Convertístevos en todos uns expertos en papiroflexia! 

Bravo por todos e todas vós!

Novembro: mes da ciencia en galego

 

Nesta imaxe tes a ligazón ao álbum de fotografías.

Como cada ano, no mes de novembro, a nosa Biblioteca, énchese de ciencia, xa que ademais de visibilizar os fondos das áreas científicas, preparamos unha pequena exposición con materiais e instrumentos científicos que podemos explorar para achegarnos doutro xeito ao coñecemento.

Pero sobre todo, o que marca a diferencia neste "Novembro, mes da ciencia en galego", é a semana dos retos STEAM, que como non pode ser doutro modo, vai sobre ciencias. Organizamos unha sesión longa para cada un dos grupos nas que poden realizar, en compañía dos seus profes, unha serie de experiencias científicas coas que comprobar diferentes principios científicos.

Este ano artellamos as seguintes experiencias:

E por aquí vos deixamos algunhas fotos dos peques e dos maiores para que vexades todo o que traballaron! 

Que viva a ciencia en galego!

Retos STEAM: LEGO

Neste cartel tes o acceso ao álbum coas fotos da semana

Comezamos cos retos STEAM con desafíos LEGO para todos e todas. Unha semana enteira de actividade frenética na biblioteca durante os recreos para completar un montón de tarefas e desafíos con bloques LEGO. 

Pero xa sabes que isto non é unha competición, salvo contigo mesmo, porque retándonos a facer cousas cada vez máis complexas mellorarmos as nosas capacidades para resolver problemas. O importante é disfrutar xogando! 

Queredes ver que tal resultou a semana? Pois xenial! Pero por aquí deixamos algunhas fotos.

Como gozamos creando cos LEGO! Imaxinación ao poder!