Hoxe pola tarde Vero Rilo e Sonsoles Penadique trouxeron ata o cole de Pazos o seu espectáculo "A formiga no carreiro", unha deliciosa sesión de contos musicados que veñen da tradición oral lusófona...
Unha viaxe polas terras da Galiza, Portugal e mesmo do Brasil para contar, cantar, bailar e brincar cos contos da tradición oral e a música. A partir das cancións do libro de Zeca Afonso para crianzas e unha selección de contos populares festexamos e reivindicamos a universalidade e potencialidade da nosa lingua. Porque se hai algo que nos une é o que transmitimos de xeración en xeración a través da tradición oral en forma de contos... e cantos.
"Polo mar abaixo vai unha formiga cunha man na testa e outra na barriga... "
E para rematar, quedaron coas familias dos máis peques e contáronnos "LEITE"... Cómo gozamos dos contos acumulativos, verdade?
Por aquí vos deixamos un anaquiño...
E antes de marchar, pasaron pola nosa Biblio e deixar constancia do seu paso polo Lectura e familias do cole de Pazos, asinado no libro de visitas da biblio Xoán Farias.
Grazas por vir contar e cantar para nós!
Que vivan os contos da tradición oral e que viva o "Lectura e familias" do cole de Pazos!
.jpeg)
.gif)
Ningún comentario:
Publicar un comentario