SAMAÍN E LECTURA E FAMILIAS

A semana pasada despedimos outubro cun montón de actividades relacionadas co Samaín. 

O luns 28 celebramos o noso primeiro Lectura e Familias do curso 24-25.  

Ás 16:00 comezamos cun contacontos por parte de Rosana, do libro Corre corre, cabaciña de Eva Mejuto, na nosa biblio.

Ao finalizar a lectura, subimos ao laboratorio para realizar un taller de cabazas. Nais, pais, nenos e nenas cortaron, vaciaron e decoraron das formas máis diversas as súas cabazas, que eran de todas as formas e tamaños!

Así estiveron máis que preparados/as para celebrar Samaín no cole e participar no noso terrorífico desfile de disfraces e cabazas. Que ganas! 😱

O mércores celebramos conxuntamente o Samaín e o Magosto. Á primeira hora as nenas e nenos dividíronse en agrupacións heteroxéneas para realizar un itinerario de Samaín con moitísimas actividades terroríficas...

    TALLER DE CHAPAS

                                                                                   COREOGRAFÍA

XOGOS DE MESA

RETRATOS TERRORÍFICOS

XOGOS

Cando finalizamos o itinerario, desfilamos a oscuras lucindo os noso disfraces e as nosas cabazas polo centro, para despois xuntarnos a escoitar os contos de medo que as diferentes aulas tiñan preparados. 

Este ano decidimos realizalo a través do kamishibai, unha teatrillo para contar contos tracional de Xapón. 

E para finalizar, familias, profes e nenas e nenos compartimos xuntos no patio a celebración do Magosto. Gracias a ANPA tomamos castañas quentiñas, cacao e leite, ao tempo que escoitábamos un pouco de música. 

Foi un día cargadiño de emocións e cheo de momentos de compartir e desfrutar do noso cole.

 

GRACIÑAS!

Día da Biblioteca Escolar

24 de Outubro de 2024 - Día da Biblioteca Escolar 

O pasado xoves, celebrouse o Día da Biblioteca Escolar. Na seguinte ligazón podedes averiguar máis sobre esta conmemoración, que lévase celebrando dende 1997.

 

DÍA DAS BIBLIOTECAS ESCOLARES

Na Biblioteca Escolar Xoán Farias, decidimos convidar durante toda a semana pasada ás nosas familias, para realizar diferentes actividades de lectura ao alumnado e poder conmemorar xuntas e xuntos a nosa biblio, con todas as oportunidades e recursos que nos ofrece. 

SEGUIMOS TRABALLANDO NA AULA DE AL Y PT

 

AULA DE AL Y PT

Boas déixovos algunhas das actividades realizadas na aula de PT e AL esta semana pasada.

Estivemos no mercado da Chispa do cole , onde xogamos a mercar e vender. De esta maneira traballamos o valor e o prezo dos produtos , os euros, os pagos , as habilidades sociais , a alimentación saludable , etc. A verdade é que este mercado mola moito e non lle fatal detalle ( se vos fixades todo esta feito a CROCHET.

Tamén estivemos a traballar outras cousiñas coma:

- Os números decimais de maneira manipulativa e visual.

-A grafomotricidade a través da pizarra dixital ( a grafomotricidad das letras é un aspecto fundamental no desenvolvemento das habilidades da escritura no alumnado). Ben certo é que esta pantalla permitiunos traballar de maneira moi cómoda a grafo e reducir a presión que exercen algúns alumnos/as sobre o papel .

- A produción , percepción e corrección dos fonemas róticos /R/ en diferentes contextos lingüísticos.

- Traballo da linguaxe expresiva e comprensiva a través de imaxes coñecidas e familiares ( posteriormente escribimos na pizarra dixiital ditas oracións).

INAUGURACIÓN DA BIBLIO

 E CHEGOU CHISPA

O pasado 4 de outubro, o alumnado do noso centro estaba comezando a súa xornada cando un coñecido Chis Chis Plof Plof resoou polos corredores. Pouco tardaron estes nenos e nenas en saír correndo das aulas en busca dalgunha pista da nosa amiga meiga, que  tan só nos deixou o rastro dunha bota olivdada nunha escaleira. 

Pouco a pouco o alumnado foi entrando na biblioteca, onde agardaban as maletas de Chispa, cargadiñas de sorpresas para inaugurar o curso na Biblioteca Escolar Xoán Farias. Xunto a elas, unha carta da nosa querida amiga. 

Que alegría escoitar de novo a historia de Chispa, recibir os seus agasallos, abrir as maletas...

... descubrir as novidades ...

...os compis de 6º ensináronnos as normas da biblio a través do libriño do caracol Roi...

... e tamén dentro da súa maleta atopamos unha carta cunha nova misión para este curso escolar: 

Nunha das maletas atopamos un montón de libros que nos servirán para a nosa misión, con eles montamos un expositor do noso PDI : " Mulleres que fan historia". 

Que pena non poder ver á nosa amiga en persona, pero quedamos co bo gusto de poder recibir tantos agasallos, as súas cartas respondendo ao buzón, a misión que nos propuxo e por suposto, a súa maxia que nos acompañará durante todo este curso. 

Chis, chis, plof, plof!

🪄🪄🪄

Chis, chis, plof, plof!

🪄🪄🪄

BENVIDA AULA DE AL Y PT

BENVIDO CURSO 2024-2025

Boas familias! Comezou o curso, e na aula de Audición e Linguaxe e Pedagoxía Terapéutica estamos a traballar xa moitas cousiñas que vos iremos explicando pouco a pouco e durante todo o curso para que saibades un pouquichiño o que facemos . 

 Antes de nada, gustaríame contarvos que os A.L somos os especialistas da audición e linguaxe nos centros educativos e qué traballamos nas seguintes áreas coas vosas crianzas: Estimulación da linguaxe oral ( Educación Infantil ) , conciencia fonolóxica ( traballar con sons como base para a lectoecritura), semántica ( coñecer e usar as palabras para comunicarse ) morfosintaxe (estructura interna das palabras e a súa organización en oracións) e a pragmática ( uso adoitado da linguaxe nos diferentes contextos sociais.) .

 Por outra banda os P.T. tamén compartimos actividades da linguaxe pero centrámonos máis na axuda e apoio do alumnado con necesidades para adaptar a aprendizaxe ás súas características e ritmos individuais. Unha vez explicado algo do noso traballo, comparto algunhas das fotos das actividades feitas esta primeira semana. Ata pronto!

Maru Alonso Correa. 

Orientación espacio- temporal nas sesións ( coñecemento dos días da semana, clima,ano, estacións, datas etc.)

Aprendizaxe de vocabulario en Inglés a través de pictogramas e xogo de búsqueda das mesmas.

Traballo de morfosintaxe para alumnado con dificultade na realización de oracións. Se o alumnado ten maior dificultade podemos asociar as categorías das palabras coas cores dos depresores. A medida que aumenta a dificultade aumenta o números de depresores de búsqueda.

 

O manexo dos cartos é unha das actividades básicas da vida diaria, por iso é de gran necesidade para poder desenvolverse en sociedade. Primeiro traballamos a través da comprensión de oracións sinxelas e manexo dos cartos e posteriormente na vindeira semana ,iremos ao mercado da Chispa a facer a compra.

Investigamos e creamos a través dun tema “A relación e os sentidos” . Para iso facemos unha actividade manipulativa na que terán que ir recollendo obxetos que se poden percibir por cada sentido e ir meténdoo dentro dunha bolsiña colocada dentro do mural.

Xogamos a baralla das familias léxicas onde as palabras están relacionadas en significado e raíz. ( adquirir vocabulario)

Empréstito de verán

 

Pechando o curso con xogos populares e máis.

Dende a ANPA envíannos este vídeo. Hoxe foi un deses días intensos nos que de novo a comunidade escolar se xuntou para pasar unha mañá chea de emocións, primeiro unha impresionante exposición do proceso creativo da obra da Compañía LoVeznos, despois, a estrea da obra de teatro na A.VV. de Pazos, logo os Xogos Populares agasallados pola ANPA e ademais, tooodo o que alí había de larpeiradas para comer.

Ver esta publicación en Instagram

Una publicación compartida de CEIP de Pazos - Mestre García Niebla (@ceipdepazos)

Dende o centro dámosvos as grazas ás nais e aos pais que estades aí sempre, apoiando e traballando para facer do noso colexio un mellor lugar. Grazas polo recoñecemento, polos ánimos e polas palabras de agarimo que recibimos onte as/os profes. Sabede que é recíproco e que valoramos e apreciamos as vosas mostras de cariño.  

Compañía LoVeznos a escena!

As tres alumnas e trece alumnos de "Quinto e Sexto Unidos", QSU, para os amigos, puxeron en marcha o proxecto LÓVA ( A ópera como vehículo de aprendizaxe), promovido polo Teatro Real e o CFR de Ferrol. 

Convertéronse na Compañía LoVeznos e hoxe, despois dun longo periplo durante todo o curso, estrearon a súa obra, "Sede de vinganza", na que contan a historia de dous irmáns que teñen contacto coa morte e entenden a importancia de aproveitar o tempo cos seres queridos e gozar dos bos momentos xuntos.

Valorámola como unha experiencia moi positiva, e, despois de ver hoxe os resultados, máis.

LÓVA é un proxecto moi completo e, noso caso, serviunos para reforzar a lingua galega, e para traballar a plástica e parte das matemáticas doutra forma, tamén a música e as ciencias sociais, axudou a coñecernos mellor, a crear vínculos, a enfrontarnos aos problemas, a resolvelos, a encaixar os fracasos, a escoitar aos demais e aceptar outras ideas... Dende LÓVA traballamos intensamente as relacións e as emocións...LÓVA axuda a asumir responsabilidades e a traballar a autonomía. 👌🏼

Felicidades a toda a Compañía LoVeznos, hoxe destesnos moito.

Ver esta publicación en Instagram

Una publicación compartida de CEIP de Pazos - Mestre García Niebla (@ceipdepazos)

III edición dos Desafíos Musicais

Esta mañá encantounos ver e escoitar os Retos musicais que tooodo o cole preparou ao longo destas últimas semanas. Grazas, profe Kelly, foi moi boa idea amosalo en gran grupo, estivo xenial. E grazas, claro, a todas esas e eses artistas. Molou un montón!

Ver esta publicación en Instagram

Una publicación compartida de CEIP de Pazos - Mestre García Niebla (@ceipdepazos)

Agasallos para os desafíos musicais!

Pero viches os agasallos tan molóns que levaron os partipantes da III edición dos Desafíos Musicais?

Uns marcapáxinas con forma de pentagrama para gozar da lectura este verán feitos nas nosas impresoras 3D 💫 Menuda chulería!

Unha chea de recomendacións lectoras para o verán!

Feira da auga

E por fin chegou a Feira da Auga! 

Esta mañá celebramos xuntos a gran Feira da Auga, expoñendo os traballos colectivos que se fixeron neste terceiro trimestre relacionados co ODS 6, Auga limpa e Saneamento como produto social relevante do noso PDI "esPazODS_para_a_concienciación".

Felicidades a todos os grupos polo inmenso traballo, por ser quen de expoñelo ante os demais e por saber respectar tamén o esforzo das súas compañeiras e compañeiros do cole.

Ver esta publicación en Instagram

Una publicación compartida de CEIP de Pazos - Mestre García Niebla (@ceipdepazos)

E pola tarde,  presentamos os nosos traballos ás familias. 

Un aplauso moi grande polo traballo ben feito, por ser quen de buscar información e organizala, de probar e comprobar os experimentos, de realizar as maquetas e un aplauso tamén para os que tiveron oportunidade de expoñer esta tarde e amosar os resultados das pequenas investigacións.

Ver esta publicación en Instagram

Una publicación compartida de CEIP de Pazos - Mestre García Niebla (@ceipdepazos)

Grazas ás familias que compartistes o voso tempo 

e nos acompañastes.

esPazODS_para_a_concienciACCIÓN