A nosa horta estase a converter nun laboratorio de aprendizaxe. Levamos seguimento dos cultivos, anotamos a súa evolución, programamos as tarefas de mantemento da horta... e pouco a pouco, e grazas a tan atentos coidados, a nosa horta vai medrando.
E claro, aquí están @s Rebuldeir@s de 1º de EP para documentar o proceso. Repartíronse os cultivos e cada quen é o responsable de facer o seguimento desa plantación: fabas, chícharos, rábanos, cabaciños, coliflor (ou brócoli, non estamos moi seguros aínda), pementos, tomates, leitugas, amorodos, framboesas... Pero tamén das aromáticas: menta piperita, menta chocolateira, tomeu limonato, romeu, albahaca, ourego, herbaluisa, ... Hummmm, pero que ben ule!
Que temos traballo arreo... En compensación, algún amorodo xa papamos e desexando que cheguen as framboesas. Ímonos poñer as botas! Ñam-ñam.
Se premes nesta foto podes acceder ao album coas fotos tomadas polos nenos como rexistro da evolución.
-COIDADO COA ARAÑA -
E por aquí unhas fotos d@s Rebuldeir@s de primeiro en acción.
.jpeg)
.gif)
Ningún comentario:
Publicar un comentario