E como onte lle dixemos que podía voltar cando quixera a contarnos un conto, Irene, que é unha grandísima lectora - poderíamos dicir que incluso devoradora de libros -, fíxonos caso e hoxe a tiñamos de volta cun libro debaixo do brazo.
Nesta ocasión tratouse de "Tengo un volcán", escrito por Miriam Tirado e inconfundíblemente ilustrado por Joan Turú.
Preme nesta imaxe para ver máis fotos.
Todos e todas sabemos que sucede cando nos enfadamos, que de repente un fervedoiro emocións recorren o teu corpo como se fosen lume ata que saen pola boca, ou polas mans, ou ata polos pés. Pero tamén sabemos que non é a forma máis axeitada de expresar a nosa rabia, verdade?
Pois aquí temos esta historia para atopar xuntos eses camiños para deixar correr a lava que ás veces nos sae desde dentro. Quereder voltar a ver o conto? Pois aquí o tedes!
E como é un tema que nos toca moi de preto - ehem... - pois xa vedes o atentísimos que estivemos.
Grazas Irene pola contada!
.jpeg)
.gif)
Ningún comentario:
Publicar un comentario