Hoxe tivemos a sorte de contar con Damián Alonso de SoloVoz, actor de dobraxe e todo un especialista no uso da voz. Ensinounos unha chea de recursos narrativos á hora de mellorar a nosa lectura en voz alta, como se dun obradoiro de interpretación se tratara.
E nós, como vos aprendices, puxémolos en práctica a través da lectura compartida do conto "A araña que lles tiña medo ás arañas", de Ramón D.Veiga, que por certo estará o vindeiro día 6 de maio en Cantón 4 asinando os seus libros.
Foi unha tarde estupenda na que gozamos moito descubríndonos, escoitándonos e interpretando xuntos esta historia, que non é outra que a nosa propia.
E para despedirse, Damián asinou no noso libro de visitas, e sacámonos unha foto todos xuntos. Sen dúbida, unha tarde que permanecerá nos nosos recordos durante moito tempo.
Grazas pola contada compartida.
Por moitas máis tardes coma esta!!!
.jpeg)
.gif)
Ningún comentario:
Publicar un comentario