luns, 27 de febreiro de 2023

Especial Rosalía, o noso primeiro programa da Radio na Biblio.

A verdade é que non puidemos buscar mellor excusa para facer a estrea da nosa recén montada Radio na Biblio. Velaiquí tedes o noso primeiro programa completo, adicado á escritora galega máis recoñecida no mundo, Rosalía de Castro

Na súa grabación participou todo o alumnado do centro, recitando unha escolma dos poemas da autora durante a xornada do 23 de febreiro, Día de Rosalía, conmemorando así a data do seu nacemento.

Nos días posteriores creamos as cuñas radiofónicas e misturamos coas músicas que acompañan esta grabación. Tamén o alumnado de 5º e 6º de Primaria realizou as entrevistas a algún representante de cada curso e, todo xunto e remexido, este foi o resultado. Podes escoitalo premendo neste reproductor ou ver a entrada no noso blog da radio "Son de Pazos". 


A nosa rapazada ten moito que dicir! 
Podes escoitala en "Son de Pazos"

Ningún comentario: