Hoxe, á volta do recreo atopámonos nas aulas un sobre con unha carta de emerxencia. Un tal Percebiño, da Biblioteca Carlos Labraña do CEIP Nicolás del Río en Cedeira, pedíalle axuda ao noso caracol Roi para que nos mobilicemos para loitar contra esta maré plástica en forma de boliñas que están invadindo os nosos areais.
Tamén perdeu outros contenedores con neumáticos, barras de alumnio, pasta de tomate e papel film.
E aínda que tal vez as praias de Ferrolterra non sexan as máis afectadas por unha sorte de correntes e mareas, toca mobilizarnos colectivamente para combater esta invasión plástica que veu tinguir de branco as nosas costas.
Mais os plastipellés, desgraciadamente, están presentes nos nosos areais desde hai vinte anos...
E como non podía ser doutra forma, a mensaxe calou ben fondo no alumnado, porque sen tempo xa a organizarnos colectivamente, as nosas familias xa se achegaron á praia para poñerse man á obra. Bravo por elas!!!
Grazas á familia de Uxía por pasarnos estas fotos.
|
|
Neste cadro, extraído do informe da IMO (International Maritime Organization) sobre directrices sobre a limpeza de pellets de plástico procedentes de derrames de buques, tes unha referencia para avaliar o grao de contaminación dos areais.
Finalmente, neste mapa interactivo podes ver en tempo real as convocatorias para a recollida de plastipellés e as localizacións dos achados ata o momento.
#esPazODS_para_a_concienciACCIÓN
Ningún comentario:
Publicar un comentario