lunes, 24 de noviembre de 2008

OS LIBROS AXUDAN



Hoxe a profe Mª Luz leu cos seus nenos e nenas de segundo, dous contos na Biblioteca: "O libro dos porcos" e "Rosa Caramelo". Despois entablaron un debate e falaron da importancia de compartir o traballo na casa.
A educación xoga un importantísimo papel, e cómpre traballar desde o colexio e as familias para formar aos futuros adultos e adultas no respecto aos demais. Pero ademais, estes días atrás, no segundo e no terceiro ciclos lemos "Xela volveuse vampira" de Fina Casalderrey, da colección "Contos para a igualdade", de Baía Edicións.


No conto, Breixo, un alumno de Xela, descubre os malos tratos que sofre a súa profesora e, coa axuda de Rute, consegue axudala a recobrar a súa vida normal.

Mañá, na Biblioteca, veremos o audiovisual que acompaña este conto e reflexionaremos, unha vez máis sobre un problema.

No hay comentarios: