mércores, 27 de novembro de 2019

Retos STEAM na Biblioteca: Circuitos eléctricos

Comezamos a terceira semana do mes de novembro cun cartel na cortiza de fora da biblioteca para anotarse nos novos retos! Este mes os retos STEAM na biblioteca foron sobre electricidade e circuitos eléctricos.


Como aperitivo tivemos unha charla para todo o alumnado de Primaria na que se lles dou uns coñecementos básicos en canto o funcionamento dos circuitos eléctricos, da man da profe Kelly, que nos preparou unha presentación interactiva e un Kahoot! para saber se estivemos atentos ás explicacións.


E comezamos os retos con dúas actividades diferentes para o alumnado de Primaria: 

- A montaxe dun circuito eléctrico con plastilina conductora (feita na casa e libre de gluten, por iso dos celíacos que temos no cole), tanto en serie como en paralelo, para ver as súas diferencias e na que apareceron termos como voltaxe, resistencia, intensidade...


Se queredes saber como facer a plastilina conductora, podedes ver este vídeo de OscarBotics, no que o explican de marabilla.

- E unha segunda proposta, que consistiu na realización dun circuito en papel na que se manipulan outros materiais conductores, neste caso a cinta de cobre adhesiva, para conseguir que alumee un diodo led sobre un deseño en papel.



E aínda que o vídeo non é moi bo, podedes ver o resultado do noso primeiro circuito de papel coa nosa Chispa como protagonista. 





E o alumnado de Educación Infantil tamén participou nos retos dos circuitos eléctricos, aínda que cunha proposta adaptada. 


Como actividade motivadora, a profe Rosa contoulles na biblioteca o conto de Eric Carle "O vagalume solitario".



Este conto foi o que dou pé á realización dun pequeno obradoiro no que puideron manipular elementos eléctricos (pilas e diodos) para conseguir iluminar os seus propios vagalumes.

Por outra banda, e ao igual que o alumnado de Primaria, os peques do cole tamén realizaron sinxelos circuitos eléctricos con plastilina conductora. 
Todo un descubrimento para algún, cheo de maxia... ou mellor dito, de electricidade.

Agardamos que esta proposta resultase motivadora para o alumnado e que esperte en máis dun e dunha o interese para continuar avanzando. 


1 comentario:

Rosana Rodiles dixo...

Vaia currada!! Un traballo de organización total! Felicidades. Dá gusto velos.