SEGUIMOS COS CAMBIOS

No mes de abril contabámosvos algúns pequenos cambios que se foron producindo na BIBLIOTECA do noso Centro. Con cada nova compra ou con cada pequena modificación que facemos damos un pasiño máis cara á nosa biblioteca ideal. Que ilusión ver como pouco e pouco se vai transformando! Ao longo do curso cambiamos parte do chan que quedara sen amañar do ano pasado e decoramos o cristal da porta. Despois chegou mobiliario que enviou a Xunta; máis tarde mercamos mesas para o ordenador da xestión e para os dous ordenadores de consulta. E, por fin, queremos compartir con todos os lectores e lectoras deste caderno as novas adquisicións para o RECANTO DE LECTURA. Só hai dous días que nos chegaron e aínda lles daremos algunha volta pero mentres tanto, aí o tedes.