CENTRO DRAMÁTICO GALEGO

Grazas á Concellaría de Cultura, o vindeiro mércores asistiremos á representación "Valdemuller" no Teatro Jofre. "VALDEMULLER" é unha creación para marionetas escrita a partir de textos de Xosé A. Neira Cruz a cargo do Director arxentino afincado en Madrid, Pablo Vergne e representado polo CENTRO DRAMÁTICO GALEGO.

SINOPSE:

Mina fai quince anos e está a preparar a celebración habitual coa súa familia. A rapaza recibe como agasallo un colgante en forma de estrela ante o cal toda a familia experimenta un certo nerviosismo. Pouco e pouco e coa axuda da súa tía Olga, vai descubrindo os segredos que agocha o galano e as historias que oculta a súa familia. Emprende unha viaxe cara a Valdemuller, o lugar en que reside a súa tía avoa Estrela.