EQUINOCCIO

DON OUTONO

Chegou Don Outono

coa cara amarela;

de noite as estrelas

non se ven brillar.

Dona Néboa escura

pilla novo alento,

para lucimento

baixa cara ó val.

As chuvias espertan,

rendidas, do sono

e a capa de ozono

parecen curar.

Xa zoa Don Vento

no medio das fragas,

abre grandes chagas

na tona do mar.

¡Velai, rapaciñas!

¡Neniños, velai!

Que tras daquel monte

Don Inverno vai.

Esta é a cantiga que o Grupo Ledicia canta ao outono; e abre a nosa semana porque como xa saberedes, hoxe, ás 17.44h. empezará esta estación. Tedes moita información na páxina de Astroescolar.

* Sabiades que a palabra EQUINOCCIO está formada por EQUI, que significa IGUAL, e NOCCIO, que significa NOITE?

* Sabiades que hoxe o día e a noite teñen igual duración?

* Sabiades que hoxe o sol saiu exactamente polo Leste e poñerase, exactamente polo Oeste?