¡ATENCIÓN POLA ESTRADA! Seguimos coa poesía...

Hoxe a profe Feli recitounos un poema que ela escribiu, adicado á educación vial; e o protagonista é un coche de policía: "Atención pola estrada"
Este é o poema que puxo en circulación a moitos coches nas "aforas da biblioteca". Ata houbo atascos... vede, vede...

¡ATENCIÓN POLA ESTRADA!

Ning, nong, ning, nong…

Atención nenos e nenas

grandes e pequenos,

eu son o coche da policía

e veño moi contento vervos.

Dentro levo un material moi especial:

a miña xefa policía

que con esa cariña de boa

mete multas a quen máis corra.

Tamén teño un semáforo

con tres cores moi bonitas,

a verde para pasar,

amarela frear

e na vermella, atención! hai que parar.

¡Que sinal tan importante!

na que todos debemos fixarnos;

no STOP sempre, sempre pararemos,

despois miraremos

e se non vén ninguén, pasaremos.

E que me dicides desta figura?

parece un sombreiro de pallaso,

pois se o vemos na estrada

algo indica ao noso paso.

Mais ben teremos que desviarnos

por algo moi especial,

poden ser obras na calzada

ou pintado na beiramar.

E con estes catro personaxes

imos todos aprender

Educación viaria moi fácil

e todos e todas a obedecer.

Xa remato por hoxe

vou a outro lugar

informar a outros nenos

do que na rúa pode pasar.

Ning, nong, ning, nong….

Adeus, adeus….

Letra: Feli Fresco