miércoles, 24 de noviembre de 2010

VISITA DAS BIBLIOTECAS AMIGAS

Como vimos facendo nos últimos anos, as bibliotecas dos centros públicos de Ferrolterra xuntámonos cada mes para compartir proxectos, ideas, algo ou moito de tempo e traballo. Desta vez houbo un pequeno cambio. E é que a reunión fíxose nunha biblioteca. Que boa idea! ¿Que mellor lugar para falar das mesmas?
Temos un proxecto en vista cara ao 2 de abril, o Día Internacional da Literatura Infantil e Xuvenil, sobre Xoán Farias. Pero xa vos iremos adiantando de que se trata.
Mentres, fixádevos cantas biblios xuntas nunha soa tarde para falar de libros e máis cousas...
A Biblioteca do CPI Conde De Fenosa, de Ares, a Biblio do CEIP A Unión Mugardesa, a do CEIP José Mª Lage, de Ortigueira; a Biblio do CPI de San Sadurniño; a do CEIP O Ramo, e "O Segrel do Penedo", do IES de Fene; a Biblio do CEIP de San Isidro e a do IES Fernando Esquío, de Neda; a Biblio de Andrade e a do CEIP Couceiro Freijomil, de Pontedeume; e a do CEIP Manuel Masdías, do CEIP A Solaina, a do Isaac Peral, a Biblio do CEIP Juan de Lángara, a do IES Concepción Arenal, e nós: a Biblio Xoán Farias, de Pazos.

Grazas a todas pola vosa presenza. Foi un pracer compartir esta tarde con vós.
Ata a próxima, que cremos, será na do IES de Neda. ¿A que si?

E antes de que haxa protestas... A culpa de tantas fotos é de Loly, que ten un tic no dedo co que preme o botón da cámara. Eu só fixen dúas ou tres. Hi, hi, hi!

5 comentarios:

profe Rosa dijo...

Tremenda a reportaxe de Loly!!! Pero esta muller a que velocidade disparaba a cámara???
Sentín moito ter que marchar, vaia grupiño de xente guai!!! Espero encontrarvos noutra ocasión.
E ese libro-agasallo... hummmm... que boa pinta, non??? Paréceme que é dos que me gustan, verdade Chispa??? ;P

O Segrel do Penedo dijo...

Xa o dicía miña nai "Deus dea a quen botarlle as culpas..."!! Pero que saibades que foi un placer compartir esta tarde con tod@s vós nunha biblio que é un verdadeiro referente. Parabéns ás magníficas anfitrionas Rosana, Profe Rosa, Feli e por suposto a Chispa que nos fixo un fermosísimo agasallo.
Apertas de mel dende Fene!!

Bea dijo...

Bueno, bueno, bueno... e iso que non ían ser para hoxe as fotos!!!!
Que rapidez!!!!
Moitas grazas ás anfitrionas e a todo o grupo por deixarnos entrar a outr@s que coma a min, partimos de 0 nesta andaina bibliotecaria, pero que temos un montón de gañas. E a ver se algún día, con moito traballo, coma o voso, logramos unhas biblios tan chulas e con tan bos materiais e funcionamento, coma as vosas. Grazas!!!!
Bea

Nieves dijo...

Non estaban boas as pastas?...as que somos de bo dente ...
Moitas grazas a todas as" profas" de Pazos pola boa acollida e noraboa pola vosa biblio.
Bcs.

RAIOTECA dijo...

Unha biblioteca e unha bibliotecaria con moita Chispa. Parabéns por saber crear ese ambiente tan agradable que sempre se respira na vosa Biblio.
Unha agarimosa aperta.