EMPEZAMOS! NOVO EQUIPO DA BIBLIO

Con ganas e forzas renovadas. Aquí están os nenos e nenas que formarán parte do EQUIPO DA BIBLIO este curso: Aitana, Dani, Edu e Ernesto (de pé), e Lucas, Olaya e Sonia (sentados).
Estes son os seus compromisos:

Porque son AXUDANTE DA BIBLIOTECA COMPROMÉTOME a:

1.        Asistir á Biblioteca o día que me toque axudar.

2.        Merendar fóra antes, nos primeiros cinco minutos.

3.  Guiar aos nenos pequenos sempre de boas formas, axudándoos, recomendándolles as lecturas que a min me gustaron cando era coma eles.

4.        Andar amodiño sen facer ruído.

5.  Falar moi, moi baixiño e lembrárllelo aos pequenos que estean na Biblioteca.

6.      Coidar de que haxa silencio cando alguén conte un conto para o grupo.

7.    Axudar a que cada neno recolla cando soe a música que marca a fin do tempo de Biblioteca no recreo.

8.       Colocar libros e mobiliario ao rematar o recreo.

9.      Colaborar coas profes encargadas no que me pidan.

10. Solicitar a súa axuda no caso de necesitala.

Estamos encantados coa súa axuda e desexamos que o curso estea cheo de felices lecturas compartidas e moitas actividades enriquecedoras.