Tal e como anunciamos o mércores, este venres tivemos contacontos no recreo, e ademais con melloras!! Aitana tivo a Sonia de colaboradora; ¡entre dúas mellor! Prepararon unha fermosa e pequerrecha xacia Luviñas, copiada da ilustración que tanto nos gustou de Cristina Ouro, para entregar como recordo aos nenos e nenas que quixeron escoitar este fermoso conto no que Anxo Moure anima a coidar os ríos, os bosques e a parar as guerras. Pois si que facemos esas reflexións na escola moi a miúdo, a que si?
A sesión, como cabía esperar, rematou cun montón de cariciñas e apertas, e cos recordos que Sonia e Aitana repartiron.
A sesión, como cabía esperar, rematou cun montón de cariciñas e apertas, e cos recordos que Sonia e Aitana repartiron.
Grazas ás dúas pola vosa colaboración. Cando queirades, máis!
4 comentarios:
Ola, son Anxo, acabo de ollar a vosa fermosa experiencia, estou simplemente EMOCIONADO, case que me caen as bagoas como a Xacia pero de felicidade.
Mil grazas por existir e por facernos tan felices a min e os ríos, aos bosques, as fervenzas aos que soñamos con que as caricias son capaces de parar as guerras.
Anxo Moure
Grazas a ti polas PALABRAS que ALOUMIÑAN. Nós tamén compartimos o soño...
Ola ANXO son Aitana. Grazas por escribir ao blog da biblio, e o libro escollino porque gustoume moito.
Un saúdo.
AITANA
Ola, son Sonia.Estou encantada de che escribir.O libro da xacia Louviñas gustoume moitísimo.
Espero que veñas ao cole.Bicos de Sonia.
Publicar un comentario