RECOMENDACIÓNS DE LECTURA PARA O NADAL

CANDO MARTIÑO TIVO GANAS DE MEXAR NA NOITE DE REIS. Contacontos

Ilustración do libro de Kiko da Silva

Como sabedes, este é xa un conto case-clásico dentro da  literatura recente. Ten tanto éxito que a profe Rosana non se puido resistir e onte, contouno na hora do recreo.: "CANDO MARTIÑO TIVO GANAS DE MEXAR NA NOITE DE REIS". Un conto de Chema Heras, ilustrado por Kiko da Silva, da Editorial Kalandraka.

Martiño ten serios problemas esa noite máxica, pero sabe que non se debe erguer da cama se quere que os Reis Magos visiten a súa casa...

Se queredes recordar uuuuun pouco este libro, vede este comezo...

Recensión na Revista Babar.
Coma sempre, as preguntas do concurso preparadas para ser contestadas:  

 ¡Espero que teñades moita sorte, participantes!

Contacontos: "AMAHAL Y LOS TRES REYES"

Aproveitamos a exposición de todos os libros que Chispa nos trouxo o pasado venres como escenario para o contacontos de hoxe. Xa levabamos uns días de descanso e tiñamos ganas de escoitar un conto no recreo. 

"Amahal era un neno moi intelixente. Tiña uns grandes ollos negros, pero a súa mirada era tristeira..." Así empezou a profe Cris  "Amahal y los tres Reyes", Combel Editorial.

Shakira, Juan e Jesús axudaron á profe. Elaboraron o mural e repartiron as sorpresas que acompañaban o conto. ¡Iso si que é colaborar! GRAZAS, PROFE por axudar neste Nadal cos bos sentimentos, as boas intencións, grazas por axudarnos, coma sempre, a reflexionar.

Será mellor apurar a facer unhas "PREGUNTAS CONCURSO" porque creo que as vacacións de Nadal están ao caer, e daquela non imos ter tempo a contestar estas cousas. Así que desta ten que ser un concurso veloz, rápido, lixeiro,... para nenos e nenas espelidos que non dubiden en contestar. ¿Preparados? ¿Seguro? Pois, aí van :

AMAHAL Y LOS TRES REYES

¡Sorpresa! O martes temos novo CONTACONTOS NO RECREO: "AMAHAL Y LOS TRES REYES". Vaino contar a profe Cris coa axuda de Shakira, Juan e Jesús. Esperamos a vosa asistencia. Traballaremos para que a Biblio volva a ter o seu aspecto habitual porque senón... ¡A ver onde nos sentamos!  

¡HAAA, HAAA!

Xa vos contaremos.

´¡CHEGOU UNHA MALETA DE CHIIIISPAAAA!!

¡A BIBLIO XOÁN FARIAS DESÉXAVOS FELICES FESTAS!

Aquí estamos todos. O venres a primeira hora da mañá escoitamos a Chispa chegar co seu Chis-chis, plof-plof. Cando escoitamos esa música e a súa vooooz..., estamos seguros de que polo cole anda. Algún día verémola, e cando así sexa ímoslle facer taaantas preguntas que se vai arrepentir de non esperarnos nunca. Pero así é, ¿que lle imos facer? Ela quérenos, PERO ESCÁPASENOS SEEEMPREEEEEE!!!!!

¡CHIIIISPAAAAA!

Sonia, de 5º, leu a carta que nos enviou. Nela recórdanos que temos en marcha dous concursos nos que participar; as postais de Nadal da ANPA e as cartas ao Apalpador. E como non, deséxanos unhas moi felices festas. En fin, desta vez tróuxonos un montón de libros, pero un montón moi grande, eh? Fixádevos nas fotos e veredes. Ata detrás da maleta, que case non se ve, hai libros; debaixo das mesas, libros; enriba, libros; enriba de dous sofás verdes novos, libros; enriba dos cubos de madeira, libros; no chan, libros; dentro da maleta, máis. ¡Aiiiii! ¡Cantos, cantos! Ademais, agasallounos cun recordo moi bonito para desexarnos ¡FELICES LECTURAS NO NADAL! ¿Védelas por aí, no medio dos libros, colocadas en tacos de plastilina? Estaban repartidas en varios grupiños e son taaaan bonitas...

Despois quedamos algúns vendo os libros que máis nos interesaban. Hai libros moi, moi interesantes. Levamos varios para a clase e despois devolvímolos na hora do recreo. Mañá repartirémolos polas aulas por niveis, para que todos e todas os poidamos ver con calma.

¿Queredes ler con tempo a CARTA DE CHISPA? 

Pois aí queda tamén.

¡SHHHHHHH!

10 de DECEMBRO: DÍA INTERNACIONAL DOS DEREITOS HUMANOS II

En 5º e 6º comezamos o día con "Me llamo... Nelson Mandela". Estivemos a falar del, da súa importancia como loitador contra o Apartheid, a favor dos Dereitos Humanos. Estivemos a falar do segracionismo, das desigualdades...

Despois vimos a película "INVICTUS" e, por último levámonos para casa o marcapáxinas conmemorativo deste día. Hoxe en especial recordamos a Madiba mentres a moitos miles de kilómetros se celebraba o multitudinario funeral.

¡ATA SEMPRE!

10 de decembro, DÍA INTERNACIONAL DOS DEREITOS HUMANOS

Marcapáxinas conmemorativo Nelson Mandela

Mañá, martes 10 de decembro de 2013 celebraremos o DÍA INTERNACIONAL DOS DEREITOS HUMANOS. Este marcapáxinas é a nosa homenaxe a Nelson Mandela.

Pero... ¿QUE SON OS DEREITOS HUMANOS?

NELSON MANDELA. IN MEMORIAM

O dez de decembro celebramos o DÍA INTERNACIONAL DOS DEREITOS HUMANOS.  Este ano foise o gran defensor dos últimos tempos. Venceu na súa loita contra o aparheid, e no ano 1995 foille outorgado o Premio Nobel da Paz. O noso recordo para este home de indiscutible forza, perseverancia, humildade e valentía, icono da reconcialiación e o perdón.

Na Biblioteca podedes emprestar o libro "Me llamo... Nelson Mandela", da Editorial Parramón. Libro co que traballamos o curso pasado en 5º e 6º para preparar unha biografía sobre este gran home.

Despedida a Nelson Mandela na
Biblioteca Brea Segade (Blog da Biblioteca Brea Segade de Taragoña)
A Esperela (IES O Mosteirón. Sada.)
Biblioteca do Cole (CEIP Quintela)
Bloguesquío (CEIP Saco e Arce de Toén)
O Lar de Frianciño (CEIP  Frian - Teis)
Biblioteca do CEIP Salgado Torres
Bibliocervo (CEIP de Cervo-Lugo) 
A Biblioteca da Tartaruga (CEIP Virxe do Carme de Burela) 
Biblogcañiza (CPI A Cañiza) 
Trasnos e Trasnadas. Biblioteca Xosé Neira Vilas (CEIP Xesús Golmar) 
Novas Biblioribeira (Biblioteca do IES Ribeira do Louro)
Bibliopepiño (Biblioteca do CEIP A Sanguiña A Guarda)
Caracolatola (Blog da Biblioteca do CEIP Alexandre Bóveda) 
O Segrel do Penendo (Biblioteca do IES de Fene) 

Nelson Mandela faleceu o 5 de decembro de 2013

Presentación da Biblioteca do CEIP Saco e Arce:

ADEUS A NELSON MANDELA

O APALPADOR: ¿Con cal te quedas?

"O Apalpador" de Leandro Lamas

"O Apalpador" de Francisco Ameixeiras Sánchez

"O Apalpador" de M. Cráneo

"O Apalpador"  de ? (i478.photobucket.com)

"O Apalpador" de  ? (agal-gz.org)

"O Apalpador" de Xoán G.

Como algúns saberedes, este é o segundo ano no que as cartas ao Apalpador poden levar un premio. Se queredes concursar, entrade no enlace "Premio Cartas ao Apalpador 2013".

Animádevos a facelo de xeito individual ou enleando ao voso grupo de clase. Fixádevos ben nas bases e  ¡BOA SORTE!

Por certo, a EXPOSICIÓN DE LIBROS DE NADAL ESTÁ A PUNTO, nela poderedes atopar, entre outros, os libros do Apalpador que temos na Biblio.