Como xa todos saberedes, neste curso pasamos a formar parte do proxecto de Bibliotecas Creativas, que busca apoiar a cultura da experimentación e a investigación a través da incorporación dos robots e a linguaxe de programación nas bibliotecas escolares. Esta iniciativa encádrase dentro do PLAN LÍA de Bibliotecas Escolares da Consellería.
Así pois este curso recibimos unha dotación de catro escornabots para incorporar ao noso "Recanto Argalleiro" da biblioteca. E non podería ser doutra forma, tiñamos que incluilos na programación dos retos STEAM dos recreos.
Deseñáronse taboleiros para que os máis pequenos aprenderan a manexalos e unhas tarxetas con desafíos para os máis intrépidos, como a elaboración dun laberinto, coreografías en parella, deseñar unha rampla que permitise a subida e a baixada controlada, buscar estratexias para sortear obstáculos...
Como podedes ver, foron uns recreos moi entretidos! E o mellor, que o que aprendimos vainos servir para despois poder facer moitas máis actividades nas aulas. Isto non fixo máis que empezar.
.jpeg)
.gif)
Ningún comentario:
Publicar un comentario