Como nos dí Xurxo Mariño Alfonso, profesor e investigador científico no seu manifesto "O feitizo da ciencia": "A ciencia está en todas partes. ( ... ) Non é unha cousa escura que só se fai en complexos laboratorios, senón que, por riba de todo, é unha maneira de pensar, unha actitude para chegar ao coñecemento. Consiste en observar a natureza con paciencia e curiosidade, dun xeito rigoroso e meticuloso, co obxectivo de, descubrir os mecanismos que se agochan detrás".
Pola nosa parte, o curso pasado iniciábamonos nos Retos STEAM na biblio e este ano, protocolo COVID mediante, non renunciamos a unha biblioteca activa, que sexa un lugar para medrar e experimentar e, quen sabe se, descubrir algunha vocación científica entre o alumnado.
E así foi como plantexamos unha semana repleta de actividade científica na Biblioteca, e por suposto, en galego.
Sempre sen romper os grupos de convivencia estable, organizamos unha sesión longa para cada un deles na Biblioteca, de xeito que en pequenos grupos puideran realizar unha serie de experimentos para achegarse á cultura científica: circuítos eléctricos con plastilina conductora, barcos en movemento por tensión superficial, propiedades da luz co disco de Newton, mistura de cores por capilaridade e creación dunha batería con limóns.
Ademáis, cada quen tiña que completar unha folla de traballo na que debían analizar brevemente os resultados dos seus achádegos tras a experimentación.
E vos estaredes preguntando onde están as fotos de todo isto... Pois se premedes na imaxe á continuación, poderedes ver cántas cousas poden chegar a acontecer nunha biblioteca.
.jpeg)
.gif)
Ningún comentario:
Publicar un comentario