Hoxe celebrouse a entrega de premios da XXI Edición do Certame de Poesía e Imaxe, en galego sen filtro, organizado como cada ano pola Coordenadora de Equipas de Dinamización Lingüística de Ferrolterra e un ano máis tocou achegarse polo Centro Cultural Torrente Ballester para que, desta volta, Darío e Mario puideran recoller os seus premios.
Por mor dos protocolos COVID foi un acto sinxelo, sen público e sen a exposición tan xenial que facían todos os anos na que se podía saborear cada unha das obras premiadas. Mais desde a organización quixeron compensarnos cunha exposición virtual que permitiranos gozar dela en calquera momento e desde calquera lugar.
Se premedes na imaxe do cartel deste ano poderedes acceder a este paseo virtual pola exposición.
E xa para rematar, deixámosvos cos dous premiados, dos que estamos orgullosísimos! Parabéns, artistas!!! Bravo!!!
Xa sabedes que se queredes ver unhas pouquiñas fotos máis, tedes que pinchar nas fotos, e por se queredes volver os seus debuxos e os poemas que ilustran, poderedes velos aquí.
Ningún comentario:
Publicar un comentario