Charla con Alba Salazar: orgullo de ser xitana

O Día Internacional do Pobo Xitano conmemórase o 8 de abril. Esta data recorda o Primeiro Congreso Mundial romaní/xitano celebrado en Londres, no ano 1971 no que se instituiu a bandeira e o himno xitano.

A bandeira é verde e azul, simbolizando o ceo e o campo, cunha roda de carro vermella no centro que simboliza o camiño desde a India e a liberdade. O himno xitano, Gelem, gelem (andiven, andiven) foi composto por Jarko Jovanovic e recorda aos xitanos e xitanas víctimas do nazismo.

Este ano, a Fundación Secretariado Gitano (FSG) súmase á celebración do 8 de abril, amosando o orgullo de ser xitanos e xitanas e reivindicar o dereito ao recoñecemento e a igualdade, cun cartel e outras pezas de comunicación a partir do mural urbano "Bronce e soño", ubicado en Don Benito (Badaxoz), que serviu como escenario para unha sesión fotográfica cos protagonistas do mural e outros nenos, mozos e familias xitanas convocados polo equipo da FSG.

Pola nosa parte, tivemos a sorte de contar coa presenza de Alba Salazar, muller xitana que grazas ao apoio da súa familia e o Secretariado Xitano rematou os seus estudos como auxiliar de farmacia, do que traballa na actualidade.

Falounos de como foi quen de rachar cos estereotipos e os prexuizos, tanto da sociedade en xeral como dos xitanos e amósase orgullosa dos cambios que nos últimos anos foron acontecendo en prol dun mundo máis xusto e igualitario.

Grazas Alba pola túa xenerosidade e ser referente para moitos nenos e nenas xitanas.

Preme nesta imaxe para acceder ao álbum completo.