Comezamos a semana cun obradoiro de creación grazas a Ton Arenas, quen se achegou ata o noso cole para compartir con nós as súas dotes creativas e co que puidemos elaborar o noso propio títere, empregando tan só unha tira de cartón e mooooita imaxinación.
Preme nesta imaxe para acceder ao álbum completa con todas as fotografías dos obradoiros.
Pero tamén ensinounos todas as marabillas que traía dentro das súas maletas... marionetas de todos os xeitos imaxinables, caroutas e ata disfraces completos!
|
|
|
|
|
|
Así que, feitas as demostracións, tocou poñerse a traballar intensamente na creación dos nosos propios títeres. Como poderedes ver nas fotos, nenos e nenas tiveron que empregarse a fondo e pouco a pouco comezaron a aparecer dragóns, robots, pirañas e unha chea de personaxes incríbles.
E os resultados??? Verdadeiras marabillas!
|
|
|
Foi unha mañá inesquecible na que puidemos xogar, crear e imaxinar unha chea de personaxes fantásticos cos que soñar mil e unha historias.
E isto só acaba de comezar, porque pola tarde Ton compartirá con nós o seu espectáculo "Raio, the loubican", no que pon en acción tres tipos de títeres. Non quererás perdelo, verdade?
Ningún comentario:
Publicar un comentario