mércores, 21 de maio de 2008

...E HOXE, ANXO FARIÑA


Estes son os debuxos que fixo ao longo das dúas sesións. Primeiro tocoulles aos máis pequenos, Infantil e o 1º Ciclo; e despois do recreo, ao 2º e 3º Ciclos.
Cos primeiros botamos unhas boas gargalladas, concentrámonos para xuntar a enerxía necesaria para que se producise a maxia e, ao final, aí a tedes. Dani, Lara, Ernesto e Fabio fixeron de modelos para que Anxo nos ensinase como é quen de facer estes marabillosos debuxos nun "pis-pás", pero, coma el di, isto non é cousa de dous minutos como pode parecer; detrás hai o traballo de moitos anos, de moito estudo.
Aos maiores explicounos un pouquiño máis da súa técnica, de como traballa coas texturas, de como lle gusta escribir e ilustrar a partir da súa experiencia, do trato con moitos nenos e nenas de todos os colexios que leva visitado...
Anxo, agradecemos moito a túa visita e esperamos poder repetir esta experiencia o curso que vén, mentres tanto,
ATA SEMPRE. DESEXÁMOSCHE MOITA SORTE CON "OS MEGATOXOS E A ESPADA ESMERALDA"




4 comentarios:

Anónimo dixo...

Gustoume moito a visita de Anxo

Anxo Fariña dixo...

Ola a todos e todas.
Moitas grazas pola vosa acollida. Espero que vos gustasen os meus debuxos e as miñas historias. O voso blog esta xenial!

Unha aperta moi forte.

Anxo Fariña.

Anónimo dixo...

Fuches capaz de ter engaiolados aos nenos e nenas durante a túa exposición.Estámosche moi agradecidos Anxo.
Unha aperta e ata pronto.

Parabéns aos que fan posible que nos visite xente tan importante no mundo da cultura.

Anónimo dixo...

¡Qué sorte tedes! No cole da miña filla nunca hai actividades tan atractivas e divertidas. Disfrutade mentras tedes xente que traballa moito para que estas actividades se leven a cabo. Noraboa