EXPOSICIÓN CENTENARIO FERROCARRIL BETANZOS - FERROL

Como vos contabamos onte, esta mañá fixemos dúas visitas á Fundación Nova Caixa Galicia para ver unha exposición sobre o Centenario do Ferrocarril Betanzos - Ferrol.
Organizaron varias actividades para dar a coñecer este apaixonante mundo. Fixámonos nalgunhas das pezas que formaban a exposición e descubrimos a súa función. Os pequenos tiveron un obradoiro onde confeccionaron un tren unindo os vagóns que veredes a continuación. Os maiores xogaron a adiviñar utilidades dos aparatos e a inventar historias relacionadas.

Primeiro realizaron a visita os máis pequenos, Infantil e 1º de Primaria:

Despois, fomos os maiores:

E agora podedes ver algúns vídeos para grandes e peques: información sobre os trenes a vapor, cancións, trenes moi rápidos, trenes máis rápidos. Invítovos a pasar:

OS TRES PORQUIÑOS. Contacontos nos recreos

Ilustración para o conto

Esta mañá tocoulle a vez á profe Rosana. O conto elexido foi "Os tres porquiños", a versión de Kalandraka, pero hoxe tiñamos unha peculiaridade na biblio. É que alí reunidos non había TRES! senón ¡NOVE PORQUIÑOS!

¡¿COMO?! Pois porque de todas as maquetas de contos clásicos que foron aparecendo polo cole (xa sei que aínda non volas ensinamos), tres son de "Os tres porquiños". Vaia, que éxito de porcos!

Pero non vaiades pensar que todo quedou en escoitar o conto, que va. Tamén cantamos a cantiga (Galinova), despois fixemos unha "Carreira de sopros", con palliñas e bólas de papel de cores. ¡Pffff! Foi un pouco canso e botóusenos o tempo do recreo enriba, senón xa seriamos uns especialistas. ¿Que opinades? Haberá que seguir soprando outro día, non si? E por último, repartimos uns poquiños despregabres, para recortar e facer tres encadeados parecidos a este.

Crese que este conto é unha fábula de autor descoñecido, aínda que hai quen a atribúe a Perrault ou aos irmáns Grimm. Como moitos sabedes, as fábulas rematan cunha "moraleja" ou ensinanza. ¿Cal pensades que podería ser a desta? Algo así como que é mellor esforzarse por facer o traballo ben feito para obter bos resultados que traballar pouco para poder xogar. ¿Recordades o que lles pasou aos dous porquiños menos traballadores? Ao final, ¿cal triunfou?

Aquí tedes as fotos cun pouquiño de todo.

A continuación, unha versión de Disney

E se queredes practicar un pouco en inglés...

AÍ VÉN CHU-CU-CHÚ, AÍ VÉN CHU-CU-CHÚ, AÍ VÉN O TREN POLA VÍA

Hai un tempo dabamos a noticia no blog "Coñecendo Ferrol"de que o vindeiro 5 de maio se celebraría o CENTENARIO DO FERROCARRIL FERROL-BETANZOS . Pincha na imaxe para acceder a máis información.

Os dous libros do principio sérvennos para encadrar a visita que mañá faremos á Fundación Caixa Galicia para ver unha exposición sobre este evento.

E esta vella canción que moitos recordamos de Andrés Dobarro, "O TREN" non podería faltar no recordo se falamos de trenes.

A TROPA DE TRAPO e MERCADILLO SOLIDARIO no IES de CATABOIS

Este pasado venres, logo de requisar no colexio todos os paraugas necesarios para a expedición, acompañados pola Policía Local, e baixo unha case incansable chuvia tipo (segundo a RAG),  barbaña, barbuña, barbuza, barrallo, barrufa, barruñeira, barruzo, chuvisca , froallo , lapiñeira, mexadeira, mocalleira, orballo , parrumada, patiñeira, poalla , poalleira, zarzallo, chegamos o IES de Catabois. É a segunda vez neste mes de abril que aproveitamos a oportunidade que nos brindan para compartir actividades co seu alumnado.

O primeiro que fixemos foi visitar o MERCADILLO SOLIDARIO. Alí mercamos libros para nós e tamén para a Biblioteca. Sempre gusta remexer entre libros vellos para atopar algún especial que nos levar. ¿A que si?

Por certo, encantounos a organización. Gustounos ver a algún dos nosos ex alumnos/as implicados. Saudar a todos e todas. Sempre é un pracer recordar e compartir outras experiencias pasado o tempo.

Logo tivemos unha invitación na cafetaría. Mmmmm, un batido de chocolate que nos soubo a gloria!  

Estes somos nós no IES

E estas son as imaxes da actuación de A Tropa de Trapo. Estiveron fabulosos.¡Noraboa por encher de música e maxia o momento!

E xa que estamos, a modo de ampliación: Moito debe de chover en Galicia para...

LA MÁSCARA. Contacontos nos recreos.

¡Un conto de medo! ¡Un conto de medo! Hoxe a profe Isabel contounos LA MÁSCARA, de Grégoire Solotareff.  Ilustraciones: Grégoire Solotareff. Editorial Corimbo. Tivo varios axudantes: Adela, Hugo, Dani... Pero ¿sabedes unha cousa? Houbo quen asegurou que non lle daba nada, nada de medo. ¡Pero que clase de público é este que non lle ten medo ao  lobo! A un lobo feroz que se zampa a dous nenos nin máis nin menos; a Ulises e Lilá. Menos mal que estes dous irmáns souberon defenderse dende dentro do bandullo do lobo. ¿A que si?
* Pero agora, vouvos facer unha pregunta. ¿Saberiades contestar a que xogaron despois Ulises e Lilá? Se alguén sabe a resposta, que a bote dentro da caixa que estará preparada na biblio. Recordade asinar a vosa resposta; senón no saberei quen contestou ben... ¡¡Aahhh!! ¿Xogamos?

Aquí podedes acceder á páxina de Grégoire Solotareff e ver toda a súa creación.

E aquí as fotos do contacontos de hoxe:

E navegando pola rede:

RICIÑOS DE OURO por Sabela e Alba. Contacontos

Alba e Sabela sorprendéronnos cunha estudada posta en escena. Coidaron a luz, os movementos, a voz; todo ata o último detalle. A verdade é que todas e todos os que estabamos alí podemos asegurar que o fixeron de marabilla. Quedan contratadas para cando desexen repetir a experiencia. 

Contaron "Riciños de ouro", ou mellor dito: "Os tres osos", de OQO, e esmeráronse por manter a atención do público, que dito sexa de paso, non pestanexou en todo o rato. Ao final ¡ata firmaron autógrafos!

¡Felicidades, mozas!

Seguro que ¡Estas rapazas chegarán moi alto!

E navegando, navegando, atopamos:

PAXARO DE MAR E VENTO para celebrar o Día do Libro con TUCHO CALVO

Celebramos o Día do Libro con Tucho Calvo

Pola mañá, ben cedo, tivemos unha grata visita, Tucho Calvo presentouse cun pedaciño de mar, cun pedaciño de praia, e cunha astrófuga mariña. E o seu libro "Paxaro de mar e vento" , ilustrado por Xosé Cobas, de Biblos Clube de Lectores. A biblioteca encheuse de olor a mar, tanto que ata podiamos escoitar o vento zoando e as ondas mecendo as cunchiñas da area...

Parámonos a pensar e a observar; se cadra alguén descubriu por primeira vez a beleza dunha cuncha!

"...a observación e a imaxinación como motores do mundo"

Dúas semanas antes gozamos dos orixinais de Xosé Cobas, nunha exposición que montamos na Biblioteca, e que todos visitamos.

Todos os cursos lemos o libro; algúns a carón destas fermosas ilustracións, e estamos a traballar coa imaxinación, como fixo Mar coa súa nai na praia do Vilar, para crear no noso maxín animais fantásticos, porlles nome e "darlles vida" no papel. Cando estean acabados os primeiros, amosarémosvolos.

 Así foi o encontro. Moitas grazas, Tucho pola túa xenerosidade, polo teu tempo e polas túas palabras.

¡Ah! Por fin cada quen foi escollendo a súa cunchiña, e todos teñen tamén o autógrafo prometido. Isto vai en especial para Tucho, que cando marchou non tiñamos moi claro como acabaría o "reparto". ; )

EL POLLITO PITO. Contacontos nos recreos.

"El Pollito Pito" foi o contacontos de hoxe no recreo. "El pollito Pito, la Gallina Fina, el Gallo Malayo, el Pato Zapato y el Ganso Garbanzo" preocupados van ver ao Rei para avisalo de que o ceo vai romper: ¡Ao Pollito Pito caeulle unha mazá na cabeza! O rei agradecido dálles a cada un unha moeda de ouro... Grazas a Mª Carmen por facernos pasar este bo rato, cunha galiña incluída que poñía ovos. Iso si que foi unha sorpresa.
Ademais, as moedas do rei, convertéronse en ricas moedas de chocolate. ¡Mmmmm! ¡Ñam-ñam-ñam!

Se queredes ver as fotos do recreo, aquí quedan. ¡Ata pronto!

Los pollitos dicen pío, pío, pío:

E navegando pola rede...

PACO. Contacontos nos recreos.

Adela contounos hoxe no recreo "Paco", de Paula Carballeira, con ilustracións de Blanca Barrio Gutiérrez, da editorial Kalandraka. O ratiño Paco, un rato cheo de ilusión, embárcase nunha aventura espacial e viaxa á Lúa pensando que sabe a ... queixo! Pero a realidade será moi diferente.
Aquí quedan as fotos da sesión. Que vos gusten tanto coma a nós o conto.

E buscando na rede...

PACO 1º PARTE from Susana Fieiro

PACO. 2º PARTE from Susana Fieiro

O NENO DO TRACTOR AMARELO. Contacontos no recreo

Este venres máis CONTACONTOS NO MES DE ABRIL. Ramón contounos que cando o seu fillo era pequeno tardaba moito en durmir, así que naquela época naceron moitos pequenos contos coma o do venres: "O neno do tractor amarelo", adicado a Xurxo e a todos os nenos e nenas do CEIP de Pazos.

Visita a ALLARIZ para encontrármonos con GONZALO MOURE!

Alumnado e profes do IES de Catabois e CEIP de Pazos, de Ferrol

Mestras de Allariz e de Ferrol con Gonzalo e Luisa
Arriba: Loli (Asesora CFR), María (Responsable da Biblioteca do IES de Allariz) e Rosana (Biblio Xoán Farias)
Abaixo: Susana(Responsable da Biblioteca do CEIP Padre Feijoo), Gonzalo e Luisa (Colaboradora no Bubisher) 

Venres 12 de abril de 2013; unha data para recordar.
Unha marabillosa idea que xurdiu de María, do IES de Allariz. Logo dos Encontros do Plan de Mellora de Bibliotecas Escolares, en Santiago, o pasado marzo, pensou na posibilidade de xuntármonos en Allariz, dándolle unha sorpresa a Gonzalo Moure. ¡¡E así foi como nos liou!! E nós... que nos deixamos liar con facilidade...

Un encontro con el e a visita a esta fermosa vila; unha visita moi, pero que moi completa como poderedes observar na presentación das imaxes que tedes a continuación. ¿Que máis se pode pedir?. .

No blog Soños de papel, do CEIP Padre Feijoo
No blog Biblioteca IES de Allariz
Gonzalo na Biblio Xoán Farias

LA CASITA DE CHOCOLATE. Contacontos nos recreos

 

Continuamos cos contacontos. Hoxe tocoulle á profe Cristina. Contou "La casita de chocolate" ou "Hansel e Gretel", de Jakob &Wilhelm Grimm. A profe tivo unha gran axuda de Abraham, Andrea e Marisol. Axudárolle a facer algún dos carteis e alí estiveron con ela. ¡Ao final tamén repartiron parte da casa! Chocolate e nubes!! ¡Ai! ¡Comémonos a casa!

Se queredes ver as imaxes, aquí volas deixamos. Esperamos que vos gusten. A nós gustounos moito o conto. ¡E o chocolate! 

E navegando pola rede...

O COELLIÑO BRANCO. Contacontos no recreo

Inauguramos os CONTACONTOS DO MES DE ABRIL NOS RECREOS. Comezou a profe Leticia contándonos "O coelliño branco", Xosé Ballesteros, Ed. Kalandraka.

Como a profe preparou os personaxes móbiles, despois da sesión aínda lle deu tempo a algúns a pasalo "bomba" movendo os animais ao seu gusto.

Mirade o que atopamos buscando pola rede:

E aquí están as imaxes:

DE NOVO CON GONZALO MOURE

Mañá saída a Allariz, xunto co IES de Catabois, que nos invita a unirnos a esta aventura : ENCONTRO CON GONZALO MOURE.

Despois da súa visita ao noso centro o curso pasado, despois de ler tantos e tantos libros seus, o reencontro supón  unha oportunidade marabillosa. ¡Pola ilusión e as experiencias compartidas!

Contarémosvos...

Gonzalo Moure

ADEUS A JOSÉ LUIS SAMPEDRO

Hoxe atopámonos cunha triste nova: José Luis Sampedro finou o pasado domingo. Unha figura querida e respectuosa, crítica e comprometida que deixa un importante legado. Discreto ata no xeito de despedirse.

José Luis Sampedro:

"... La crisis pasará, por supuesto, lo hará a costa del sufrimiento de todos nosotros, porque, con la mitad del dinero que se pretende inyectar para que un banco esté lleno, se podría evitar el recorte en la educación y la sanidad". 

"Hay dos clases de economistas; los que quieren hacer más ricos a los ricos y los que queremos hacer menos pobres a los pobres".

"Los recortes se aceptan por una de las fuerzas más importantes de la humanidad, el miedo"

"El tiempo no es oro; el oro no vale nada. El tiempo es vida"

"Qué importa mi boca cerrada, ¡cuando piensas con el alma te oyen!" 

"Hay una cosa que me preocupa: hasta qué punto se están destruyendo valores básicos. No hablo ya de derechos humanos, sino de la justicia, la dignidad, la libertad, que son constitutivas de la civilización"

Visita a súa páxina oficial.

ABRIL: ¡COMEZA O MES DOS LIBROS!