E hoxe, coma por arte de maxia, xusto cando íamos a entrar nas aulas despois da nosa breve activación matinal comezouse a escoitar por toooodo o cole esa música tan familiar para nós: "Chis, chis, plof, plof... Chis, chis, plof, plof".
E claro! case todos e case todas sabíamos o que estaba a acontecer... pero outros, a verdade é que non tiñan nin idea do que estaba sucedendo.
Alá que nos fomos todos correndo á Biblio pois estaba claro que por aí tiña que estar Chispa. Pero nada, coma sempre, esta meiga amiga foi máis rápida ca nós e volvéusenos escapar.
Iso si, non se esqueceu de deixar a súa maleta cargadiña de libros, unha carta contándonos un milleiro de cousas e tamén nos trouxo uns preciosísimos agasallos en forma de lapis de cores e marcapáxinas para que a teñamos sempre moi presente.
Para rematar a xornada repasamos as Normas da Biblioteca coa axuda do caracol Roi, a profe Rosana contounos a Historia dunha Meiga por se algún todavía andaba despistado e non soubese quen é Chispa.
E por supostísimo, a partir de agora a nosa Biblioteca estará aberta todos os recreos, comezarán os empréstitos semanais por aulas, haberá contacontos e faremos todas esas cousas que facemos sempre e coas que disfrutamos tanto... pero ademais temos que contarvos que neste curso haberá moitas sorpresas.
(preme nesta imaxe se queres ver máis fotos de hoxe)
Estades preparados??? Empezamos!!!
.gif)
Ningún comentario:
Publicar un comentario