luns, 7 de outubro de 2019

E aquí está o novo equipo da Biblioteca para este curso!

Neste recreo un cartel na porta da Biblioteca daba un ambiente misterioso á reunión que alí se celebraba, pois nada máis e nada menos que se estaba a constituir o novo Equipo da Biblioteca!



Alí estaban reunidos os oito fantásticos rapaces de 5º e 6º  - Álex, Diego, Hugo, Icía, Jatniel, María, Paula e Yago - que este ano formarán o Equipo de Biblioteca, encomenda que voluntariamente aceptaron e da que deixaron constancia asinando o seu compromiso con Chispa que, por increíble que vos pareza, alí estaba. 

Que non o credes? Pois fixádevos ben na foto que se sacaron todos xuntos ao rematar a reunión. E que, ás veces, Chispa danos  algunha que outra sorpresa que nos fai seguir crendo que a maxia existe e aínda hai un lugar no que todo é posible... e máis!

(Coma sempre, preme nesta última imaxe para ver máis fotos)

Chis, chis, plof, plof!


Ningún comentario: