VII Edición de MatesPazos (reto 1)

 Comezamos! Aquí van os primeiros retos matemáticos!

E xa sabedes!

A aula da calma

A idea de crear esta aula xurdiu durante o curso pasado, ante a necesidade de atopar un recuncho especial onde poder traballar co noso alumnado a xestión emocionale a resolución de conflictos entre iguais desde un enfoque positivo. 

Pero o protocolo COVID impediunos o uso compartido deste espazo, polo que a materialización deste  novo espazo quedou truncada e durante todo este curso quedou infrautilizada.

Cos arelos postos no vindeiro curso, avanzamos timidamente na súa construcción e neste final de curso acondicionaremos o espazo cuns materiais de absorción de ruído e a colocación duns vinilos motivadores que nos convidan á reflexión. 

Por aquí vos deixamos un avance.

LUPO: aprender xogando. Nenoarquitectura para os maiores

Seguro que moitos de vós nunca escoitastes falar de LUPO. Ou si? 

As nosas mestras levan un curso enteiro con isto a voltas, formándose e aprendendo sobre nenoarquitectura e a potencialidade que ten para aprender xogando outras cousas como matemáticas, debuxo, física, arte, historia, música ou deseño. 

Se premedes nesta imaxe poderedes acceder á páxina do Sistema LUPO, e afondar na súa filosofía, coñecer os materiais e acceder ás propostas de actividade. 

Este último mes de xuño teremos a sorte de contar con dous xogos de pezas de "SuperLUPO escuma", que son uns materiais de gran formato que permite a construcción de estructuras complexas de gran tamaño orientadas á o traballo cooperativo.

Acaban de chegar o cole e os maiores tiveron a sorte de ser os primeiros en empregalas. Querédelos ver en acción? Pois abride ven os ollos porque a eles deixáronlles alucinados.

E estes foron os resultados finais!!!

(Preme nas fotos se queres ver máis)

Canta potencialidade ten estas pezas e a de cousas que podemos aprender con elas! 

Cos arelos postos nunha nova sesión de LUPO.

Pero quen anda por aquí de novo?

 Blanca Vila en acción!

(preme na foto e poderás ver máis)

Que está facendo agora? Onde van estar colocadas estas figuras tan bonitiñas que está pintando para nós Blanca Vila? A verdade é que non soltou prenda, pero polo que parece a sorpresa vai ser tamaño súper-mega-xigante.

Impresión 3D na Biblio

E hoxe subiron os Tritóns a ver cómo se estaban a imprimir na biblio as súas creacións. Lembrades cómo as fixeron? Podedes velo aquí.

E ademáis veulles xenial porque están co tema das máquinas simples e as compostas, e esta impresora é unha máquina composta e requetecomposta! Tocou cambiar o filamento e non perderon detalle de todo o proceso. 

E aquí podedes ver o ben que quedaron!

Parabéns polo traballo ben feito!

Carta da Toupa: Deixounos un mapa!!!

Apareceu unha nova carta da toupa! Faríanos caso? Deixaría de comer as cousas que non debe? E o máis importante... Deixaríanos o mapa???

Pois si, non só deixou un mapa... Senón dous!!! un do cole e outro do seu tobo. Así que xa temos plan para estes días, porque interpretalos vainos levar o seu tempo.

Pero é que ademáis dos mapas... a toupa deixounos tamén un agasallo un tanto inesperado á hora do recreo. Glups! Creo que a "cámara do cole" colleuna en acción. Deixámosvos este vídeo para que vexades a que nos montou no corredor das aulas... 

Pero será... porcona! Menuda TOPO-caca xigantesca que deixou no corredor!

Pola nosa parte, xa comenzamos a traballar cos mapas! Os peques están en plena construcción do edificio do cole. A vindeira semana continuarán co exterior e a ver o que vai xurdindo...

Por outra banda, @s rebuldeir@s de 1º de Primaria comezaron coa súa recreación do tobo da toupa. Case, case é como un parque de atraccións!

Que sairá de todo isto? Prometemos tervos informados! 

Pero isto é comezo de algo moooooi grande.

E como sempre, se queredes ver máis fotos, premede en calquera das de esta entrada.

Faltan 5 días!

Que aínda non te enteraches? Que non sabes para que faltan só 5 días? 

Comeza a conta atrás para que comece...

MATESPAZOS

A nosa particular olimpíada matemática que como cada ano ten lugar no mes de xuño. Este curso chegamos á VII edición e durante as próximas dúas semanas haberá un desafío matemático para resolver diariamente.

Un total de 10 retos matemáticos para cada grupo. 

Por aquí vos deixamos as normas de participación.

E así celebramos as nosas Letras!

Hoxe venres foi un día de festa para nós de principio a fin, xa que celebramos o Día das Letras Galegas por todo o alto. A semana pasada traballamos arreo sobre a vida e a obra de Xela Arias, ilustrando a súa biografía entre todos e todas e elaborando un mural para incluílo na colección de "Mulleres nas Letras".

E claro, quixemos pechar todo este traballo cun contacontos especial, polo que hoxe contamos coa presenza de Pedro Brandariz e o seu espectáculo "Senlleiras: As mulleres nas Letras" que nos viña ao pelo. Nel, un tal Castelao, detective "privao", encargounos unha dobre misión coa axuda destas mulleres senlleiras:

Rosalía de Castro, 

Francisca Herrera, 

María Mariño, 

María Victoria Moreno e 

Xela Arias.

(Se premes nesta foto accedes ao album completo)

Por unha banda, encargounos "salvar ao galego" de tanto criminal que hai polo mundo solto que que di "Sanjenjo", ou o que é máis grave aínda, que non lle fala en galego ás crianzas. Para iso con falalo abonda, polo que esta tarefa parece que será doada.

E por outra, "loitar por un mundo máis igualitario" no que nenas e nenos, mulleres e homes teñamos os mesmos dereitos, de xeito que cada quen poida chegar a ser quen queira ser.

Estivo xenial. Gozamos moitísimo con este contacontos. Se mirades as fotos poderedes comprobalo.

E despois... continuamos coa nosa celebración facendo o que fan os galegos... que non é outra cousa que pasalo ben a ritmo de gaita! (entre outras moitas cousas, claro!) 

Primeiro bailamos a "global muiñeira", ese baile a ritmo de muiñeira e que puxo tan de moda aquel anuncio dun supermercado. Lembras? Para iso estivemos practicando moito coa profe Kelly quen nos ensinou os puntos deste baile. A verdade é que para grabar o anuncio aínda non nos sae, pero non o fixemos nada mal e pasámolo xenial.

Neste vídeo podedes vernos en acción!

E como broche dourado, viñeron desde Ares algúns membros de Trouleada para agasallarnos cunha pequena repichoca á que se uniron as profes Rosa, co bombo, e Araceli, coa pandeireta.

Grazas por acompañarnos nesta celebración un ano máis.

Se queres ver máis fotos, preme en calquera das imaxes a continuación.

E para despedir esta intensa xornada cantamos o Himno Galego ao son das gaitas. Foi un día completo e moi divertido no que gozamos das nosas tradicións e da nosa lingua. 

Que vivan as Letras Galegas!

Toup-toup!... Nova carta da toupa Zoupona

 TOUP- TOUP! 

Apareceu outra carta da toupa, desta volta na nosa hortiña. Que emoción! Que contará a nosa toupiña?

A verdade é que levamos moitos días a voltas sobre cómo lle estará indo á nosa amiga con tanta choiva e perdida da súa familia. Choveu tanto que a nosa horta está esplendorosa, pero tanta auga non sei se lle caerá tan ben á nosa Zoupona como ás leitugas.

Entre tanto, nós aprendimos un montón de cousas sobre as toupas grazas aos libros que nos trouxo Chispa e ao que puidemos investigar pola nosa conta.

Pois xa vedes todo o que lle está a pasar á nosa toupa...

• Segue perdida e non sabe cómo pode facer para atopar a súa familia. Os peques do cole están dispostos a axudala e pedíronlle que lles deixe o mapa que leva sempre, a ver se eles poden axudarlle a localizar a súa familia.

• Tamén pediunos axuda para saber que ten que comer porque desde que probou algún bocadiño na nosa horta non se atopa nada ben e... menos mal que os Rebuldeiros do cole teñen resposta para isto e elaboraron un cartel explicativo con lapelas con moitas cousas das que aprenderon para que a nosa Zoupona aprenda ben cales son os hábitos dos da súa especie.

• E finalmente, a última das encomendas da toupa é a máis complicada: cómo facer para encontrarnos, xa que a toupa é un animal nocturno, e nós polas noites non estamos no cole. Así que imos precisar algo de maxia para logralo, non credes? Menos mal que os pequenos do cole teñen resposta para todo e saben a quen pedirlle axuda. 

Chispa!

Pois xa temos plans para estes días... a ver se atopamos algún agasallo xigante deses dos que fala a toupa na carta, ou mellor, a ver se non o atopamos, porque taméeeeeen... xa lle valeu á Zoupona, andar enchendo a nosa horta de cacas! 

Agardar polo mapa... e a ver se Chispa nos pode axudar coa súa maxia para facer o encontro posible... Cántas cousas pasan na nosa horta!