Preme nesta foto para ver todas as fotos.
Hoxe Erik contounos Corre, corre, cabaciña, un conto de Eva María Mejuto publicado por OQO que xa podemos dicir que é todo un clásico da literatura infantil. Quen a estas alturas non o coñece?
Corre corre, cabaciña é un conto popular portugués, de gran tradición no país veciño. Relata a historia dunha velliña que, de camiño ao casamento da neta, atopa un lobo, un oso e un león que a queren comer. Ela convence os animais para que a esperen á volta do convite e, despois da celebración, a neta e a velliña argallan algo moi orixinal para burlar as tres feras.
Erik tivo unha axudante moi especial, xa que Daniela non quixo perder a oportunidade de acompañar ao seu irmán mentres contaba esta historia.
Cun ritmo áxil e co «lenga lenga» —case un trabalinguas—, aínda vivo nas versións portuguesas que circulan ata o de agora, este conto multiplica as posibilidades expresivas da narración e da representación teatral. E par que poidades gozar tanto coma nós, aquí vos deixamos este vídeo cunha versión musical deste contiño.
Grazas Erik pola contada! Xa estamos agardando pola próxima!
.jpeg)
.gif)
Ningún comentario:
Publicar un comentario